عاهرة القيصر

الجزء الاخير

سوزان:صباح الخير نهار غزال خاص غير شي عومة مع هاد شميشة
عفاف:بصح نهار مشمش وغزال
بديت كنشوف فيها ونخنزر حتى كنشوف قيصر هابط لابس تشورت نص كم مزير عليه وسروال ديال كيطمة
قيصر:صباح الخير
باس ختوا وسلم على زهير وتبعوا سوزان لي غمزاتوا وصل حداية وقلب وجهوا خلاني بلاكة تزيرت حسيت بدم كيغلي فعروقي مرضيتش وخصوصا قدام سوزان تزنكت وحطيت كاس ديال الحليب من يدي وبديت كنطرطق صباعي بعصبية ونمسح جبهتي لي بدات تتعرق فحين سوزان هزات رجليها من تحت طابلة وكتمررها على رجلين قيصر وعن قصد قاصت رجلية بلعاني زعما...هزيت راسي فيها لقيتها عاضة على شفايفها وكتشوف فقيصر هبطت عيني لتحت طابلة وشفتها كطلع رجليها مع رجليه وتحاكك معاه حسيت بالعافية شاعلة فيا هزيت راسي وشفت فيه بحقد
....(اما هو رمقها بعينيه وبغى يزيد يلعب معاها شوية ويتوبها باش عمرها تعاود تخبي عليه شي حاجة)
تبسم بخبث وهو كيشوف فسوزان بقيت كنشوف فيهم و دموعي على طرف عينيا استأذنات منهم ومشيت بخطوات مسرعة..... جيهت المسبح وطلقت دموعي يهبطو كتنفس بصعوبة وشهقة دالبكاء كتخرج مقطعة قلبت دورة وغادة باتجاه دروج كنتمشا بزربا حتي كنت غانطيح
قيصر عين معاهم وعين معاها حس بيها كتبكي وخصوصا دازت حدى عينيه كتمسح فعينيها عرفها وصلات بيها لعضم وعرف توبها مزيان واخا قلبوا ضاروا من جهتها خلاها تا طلعات وناض تبعها
طلعت لغرفتي كنجري وقلبي غايخرج من بلاصتوا دخلت وزدحت باب لبيت بقوة طحت علي الناموسية وخشيت وجهي فالمخدة وبديت تنبكي ونغوت باشما يسمعني حد
علاش اقيصر كتعذبني هاكا علاش كتعاقبني بهاد الطريقة وكتمعشق معاها قدام عيني وتبسم ليها وانا كنشوف فيك وانت معلبالكش هىء هىء علاش اقيصر كتعذبني وتقتلني شوية بشوية لهاد درجة مبقيتش نهمك لهاد الدرجة قلبك قصااح من جيهتي شنو ذنبي باش تجازيني بهاكا هىء هىء ممصوقش ليا نموت ولا نعيش ممهولش ولا نضرة منك شفت فيها لخوف عليا فين الحب لكبير لي بينا كل شي مشى ولا كان كلشي كدوب بقيت كنبكي حتي رجعو عينيا حومروكلي كنترعد بالاعصاب وعقلي توقف عن تفكير نضت كنهرس فلي لقيت قدامي ضربت بفاااز فالارض حتي تشخشخ وبقيت كنغوت مابقيت عارفة اش كندير هىء هىء منين مبقيتش كنهمك نموت ولا نعيش ممسوقش تا انا عيت ومليت من هاد العيشة وهاد البرودة ديالك مانقدرش نكمل بحال هكا مابقيتش قادة وانت كتقتلني شوية بشوية بدا شيطان كيوسوس ليا فراسي شفت فزاج لي فالارض وهزيت زاجة شاداها فيدي وشعري مشنتف على وجهي وجهي لي ولاحمر هو ونيفي ودموع شلال بديت كنتنفس بزربا شهيق زفير غمضت عينيا وحطيت زاجة على المعصم ديالي فوق العرق هادشي لي قال ليا راسي حيت بصح لموت عندي اهون من انني نشوف قيصر بين يد وحدة خرا مايمكنش مايمكنش بديت كنتفكر للحضات زوينة لي عشتها معاه وكنتشجع...
فهاد الاتناء قيصر كان طلع لغرفة ديالوا وشعل لبيسي يشوفها اش كدير حيت ضروا قلبوا فاش شاف حالتها ومحملش راسوا فاش كتجري طالعة وكانت غاطيح بقى حاضيها وعاض على شفايفوا حتي شافها شخشخات دنيا وهزات زاجة خرج عينيه وخرج كيجري من الغرفة ديالوا ضرب برجليه باب غرفتها ودخل عليها لقاها مغمضة عينيها وغضرب يديها حيد ليها زاجة و عطاها بتصرفيقة تا حسات بفكها طار طاحت الارض ونزل شدها من فكها..
قيصر(بالغوات وعينيه حومر) شنو كنتي باغة ديري اااااه هضريييي
سهيلة: هىء هىء  (الهضرة مبغاتش تخرج ليا) بعد مني
قيصر:غادي نفرشخ ديلمك هضري شكنتي باغة ديري
سهيلة.(نضت دفعتو) باغة نموت كتسمع باغة نرتاااح كتفهم باغة نتهنى من هاد ذل وهاد المعاملة ديالك هىء هىء(انهارت) شنو درت ليك لي تعاملني هاكا ااااه شنو ذرت كاع خبيت..ماشي لخاطري ماشي لخاطري انا ماكيهمني لا جاد لا زمر انا غير مابغيتش لمشاكيل ساع طحت فكتر منهم ولكن انت شنو درتي كتخوني قدام عيني وانا كي البهلة كنشوف (كنضرب فصدرو) هذا جزائي ااه حيت بغيتك من حقك دير لي بغيتي ومانقدرش نقول ليك اشنو هادشي هىء هىء حيد مني اقيصر حيد ولله مابقيت قادرة ماعنديش فين نزيد صافي عييييت
بقيت كنغوت ونضرب فصدرو حتي حسيت براسي غانفشل ماعقلتش حتي غيبت عاوتاني
بدا قيصر كيصرفقها بشوية ملي مابغاتش تفيق هزها داها لبيتو حطها فوق لفراش حيد ليها صندالة وعيط علي عفاف
عفاف:(بصدمة)اويلي مالها سهيلة
قيصر:كنا مناقشين وهي تعصب وطاحت عيطي علي طبيب
عفاف:(من بعد ماعيطات علي طبيب)وانت عارفها الي تعصبات كتسخف علاش كتعصبها ابراء حشوما عليك ولله وهي حاملة نكدتي عليها فرحتها بولدها ولله الي حرام عليك لله يهديك علي هاد لبنت ولله شافت معاك لويل
قيصر:(باستغراب)واصافي اعفاف ماتزيديش عليا
عفاف:واخا انا غانسكت والكن شوف شكون يسكت زهير ملي يشوف طبيب ويعرف هادشي لي واقع بزز باش نسى ضريب لي ضربتيها داك نهار وهي حاملة
قيصر:(بنرفزة)واش غايدخل ليا حتي فمرتي
عفاف:باركة من تفلسيف زدتي فيه