ايوب:اه مبروك علاش مجاش نتعرفو عليه
انا:(بارتباك)اه هو مشغول بزاف ماكايساليش والكن ضروري نعرفكم عليه غدا انشاءلله نتعشاو مجموعين
ايوب:مرة اخرى انشاءلله حنا غدا فالصباح غانرجعو لإسبانيا
انا:ياك قلتي ليا غاتبقا فالمغرب
ايوب:وي انا جيت نقاد اموري هنا اصلان ماجبتش دراري خليتهم تما غانرجعو باش نجيبهم وعاد نستاقر
بقا هود كيهضر مع ايوب بالسبليونية وانا وهيبة وغزلان مجمعين علي لحوايج وتخربيق ديال لعيالات دوزنا عشية زوينة..من بعد قتارح علينا هود نتعشاو فواحد ريسطو مجموعين عرض علينا زعما باش يعتاذر من ايوب مهم تعشينا كلشي مجمع وكيضحك انا مرة مرة كنصوني علي قيصر طافي تيليفونو تفو كاع داكشي لي ضحكت هجرتو يخ مرضت وليت كنضحك غير بزز..حتي سلات سهرة ودعت خوية ومراتو ومشاو هما ومشينا فحالنا حتي حنا طريق كلها كنعيط نفس لمشكيل
انا:هود صوني علي قيصر عفاك
هود:(بتعجب)وعلاش؟؟
انا:وغير صوني
شاف فيا هز تيليفون وصونا عليه معرفت اش قال ليه %100 قال ليه سهيلة بغات تهضر معاك
انا:واش جاوبك
هود:اه قال ليا مامساليش
انا:اه واخا مامساليش يجاوبني غير انا
وهيبة:عبر عليك تستاهلي
هود:اشنو واقع اش درتي المسخوطة عاوتاني
انا:(بغضب)خليوني عليكم
شديت تيليفوني طفيتو بالفقصة بقيت كنتحرق غير بوحدي هو جابو وانا لا مامساليش ليا واش زعما باقي مقلق مني
هود:رجوع لله الحاجة واش ماغاتهبطيش راه وصلنا
وهيبة:(كضحك)خليها واقيلة غاتبات تما ههه
شفت فيهم هزيت صاكي ومشيت فحالي
هود:(تكا فالطوموبيل شد واهيبة من خصرها وعنقها)فين غادية احبيبة ماتوحشتينيش
وهيبة:توحشك لفعة انشاء لله بعد مني اش غانتوحش فيك
هود:حرام عليك احبيبة انا توحشتك موت وانتي كدفعي عليا كبير راني قلت ليك انا غلطان وكنطلب سماحة وحني عليا
واهيبة:نحن عليك نزمر عليك عطيني تيساع ماغانسمحش ليك غير بقا تحلم
هود:(بنفاذ صبر)دابا ماحدي زوين وضريف وشاد ليك لخاطر وكنتعنب عليك غاطلعي ليا فوق راسي واش ماغاديش تنعلي شيطان قبل مانتسيف عاوتاني
وهيبة:(كتعوج)لا هي لا
خليتو وراية وتميت غادية حتي حسيت بيه هزني تصدمت بقا غادي بيا ماتسوقش لغواتي شفت راسي غير غانتشوه مع ناس وانا كنهرط بحال لحمير وانا نسكت حتي نشوف اش غايدير طلعني لجناح ديالو حطني وسورت لباب
هود:ياله دابا خرجي من شرجم
واهيبة:حل باركة من تبرهيش خليني نمشي فحالي
هود:هدا هو فحالك هنا غاتبقاي حتي تنعلي شيطان انا مازربان فين خودي راحتك مهم هاد لباب ماغتعتبيش دين مو نشوفك حاطة رجليك برا هاد لفردي نخويه فمك كولو
وهيبة:واش تسطيتي
هود:اه تسطيت وحماقيت حتي ديري نتي عقلك
وهيبة:حل اهود نمشي نجيب حوايجي
هود:باركة من دوك لقوالب هاهو لماريو عامر بالحوايج ازين
وهيبة:مابقاوش كيقدوني بغيت لخرين
هود:ههه سيري دوشي تخرجي من دوش غاتلقايهم
ضربتو لكتفو ودخلت لدوش بزعف صارحة انا توحشتو بزاف وفرحت ملي حتي هو تقبل ولدو وكيفكر فيه والكن مابغيتش ندوزها ليه هكاك حلفت حتي نشحفو...
¤عند سهيلة
دخلت لجناح قلبتو كولو قنت بقنت بيت بيت ماكينش قيصر باينة من صباح ماجاش مشيت دوشت نشفت شعري ولبست حوايجي بديت كنمشي ونجي حتي عيت وتكيت بلاصتي هازا تيليفون كنصوني والو ماكيشدش ماشعرتش براسي امتي نعست مافقت حتال صبح لحال عاد نضت قلبت علي قيصر بلاصتو مرونة يعني كان بايت هنا نضت علي وعدي وسعدي كنقلب عليه والو ماكينش اووف
بدلت حوايجي وخرجت مشيت لبيرو ديالو حتي تما ماكينش تميت راجعة وانا نتلاقي مع هود هاز شي وراق
هود:(بابتسامة)صباح لخير سوسو
انا:(باسى)صباح نور
هود:او فين هيا ضحيكة مالك علي صباح اش عندك
انا:والو
هود:تسناي نحط هاد لوراق ونمشيو نفطرو انا وياك وعاودي ليا نقدر نفعك ههه
مشا حط لوراق وتمينا غادين حتي تلاقينا مع انجل اوف علي صباح
انجل:(بابتسامة)صباح لخير هود...هاي سوسو
هود:(بلامبالاة)صباح نور
انجل:لاباس عليك فين غبرتي...سوسو لباس عليك لبارح بالليل مابنتيش سولت عليك مسيو قيصر
انا:اه ماكنتش مساليا مهم نخليوك دابا عندنا مانديرو بسلامة
جريت هود وتمشينا وصلنا لريسطو وجلسنا طلبنا لفطور
هود:مالكي معصبة
انا:ماعرفت مال قيصر ماكيجاوبنيش واش زعما مقلق مني ولله مافهمت شي حاجة من لبارح طالع ليا دم وهاد زمرة حتي هي كملات عليا فهاد دقيقة
هود:اشنو لمشكيل بالضبط
انا:فين غانلقا قيصر كنصوني ليه ماكيشدش ماشفتوش من لبارح فالصباح
هود:ياله شفتو
بقينا مجمعين سولتو علي واهيبة عاود ليا لبلان لي وقع ليهم شحال ضحكت عليها واخا مافياش من بعد نضت رجعت لجناح مالقيت ماندير جاني لملل وشوق توحشتو بلا قياس ناري شحال كنبغيه ماكنقدرش علي فراقو اووف فينك اقيصر...مليت حتي واهيبة ماشفتهاش كنحس براسي ماعندي خاطر لحتي حد مابغيت نهضر مع حد بغيت غير قيصر وقيصر ماكين ههه بقيت كنلهي راسي ماخليت مادرت باش يدوز لوقت والو حلف مايدوز شعلت تلفازة وبديت كنتفرج حتي سمعت لباب تحل شي حد جا وقفت بان ليا قيصر مشيت كنجري عنقتو من خصرو وحطيت راسي عليه بان ليا مدار حتي ردت فعل حدو باسني فحنكي ودخل لدوش اويلي واش زعما درت شي حاجة خلاتو يكعا عليا بهاد طريقة جلست فوق لفوطوي وكنفكر اشنو قلت واشنو درت مافهمت والو خرج من دوش لبس شورط وتكا فوق الناموسية هز كارو كيكمي بيد وليد لخرا هاز بيها تيليفون قربت منو وجلست
انا:(حطيت يدي علي صدرو)قيصر مالك واش بيك شي حاجة
قيصر:(ببرود)مامالي والو
انا:عفاك اقيصر ماتعاملش معايا بهاد لبرود الي كنت درت شي حاجة بلا مانرد لبال سمح ليا والي كان علي ديك لهضرة لي قلت ليك ولله ماقصدت فيها شي حاجة
قيصر:(تقاد فالجلسة)ياله قلنا لهضرة ماقصدتيش فيها شي حاجة دوزناها ماعليش والكن النهار كولو ماشفتينيش وفالليل منين نجي نلقاك ناعسة مامسوقاش يعني زايد ناقص عندك تشوفيني ولا بلاش ماعندكش موشكيل
انا:(بصدمة)لله يهديك كتر من 100 مكالمة كنعيط ماكتجاوبش ولله الي شحال تسنيت فيك ماشعرتش براسي امتي نعست ماعرفت شكون خاصو يتقلق انا ولا انت 100 مرة كنعيط ليك ومنخلني وملي عيط عليك هود جاوبتيه من لمرة لولة هو مسالي ليه انا لي مامساليش ليا ومكملها ومجملها مدوز ليا ليلة مع لالة انجل ومخليني انا كنتشوا فبلاصتي
قيصر:(بابتسامة جرني عندو)شوفي البوحاطية دغيا قلبتي ليا سمطة وليت انا لي خايب لله يسمح ليك علي هادشي لي كديري فيا
انا:انت لي لله يسمح ليك يوماين وانا كنتعدب ونتحرق وانت ولا علي بالك عمرك باقي تخليني اقيصر الي درت ليك شي حاجة وكنتي مقلق مني خاصم عليا دير اي حاجة غير اخر مرة تغيب عليا بحال هكا ولله حتي نحماق
قيصر:(كيضحك)ههه انا لي حماقيت شوفي قدك قداش ومدوخاني مايمكنش ندوز شي دقيقة بلا مانفكر فسنفورتي ونتوحشها
انا:انا راك ماكتحيدش من بالي بمرة ديما كنتفكرك والكن اخر مرة تعاود بحال هاد لبلان واخا
قيصر:(بابتسامة)ههه واخا اسنفورتي زوينة اخر مرة
انا:(بابتسامة)ههه علي دكر سنفورة عرفتي مرات خوية ايوب قداش طويلة عاد تيقت بصح بلي راني قصيرة عرفتي شحال ضحكت علي راسي
قيصر:ههه واخا قصيرة حلاوتك بوحدها انا وليت كنفضل لقصار علي طوال
انا:(ضربتو فصدرو)اشمن قصار كتفضل ماتفضل حتي حد لا قصار لا طوال بوحدي صافي عمرك تشوف فشي وحدة من غيري
قيصر:(تكرشخ بالضحك)اش عندي مانشوف انا منهار شفتك مابقيت قادر نشوف غيرك ولا كيجيني كلشي باسل ههه
BINABASA MO ANG
عاهرة القيصر
Actionهذه القصة عزيزة علي واخة قديمة و لكن عندها واحد المعزة في قلبي هذشي علاش بغيت نشاركها معكم هي قديمة و لكن احداتها زوينين نتمنى تعجبكم
