هود:(تنهد)اه واخا انشاءلله...ياله نمشيو راه تعطلنا..ومسيو قيصر تاصل بيك قبيلة فاش كنا فالكنينيك والكن نسيتي تيليفون هنا فالطوموبيل ملي ماجاوبتيهش تشوش عليك وعيط ليا انا ماعمرك تخلي تيليفونك بعيد عليك
انا:(بابتسامة)مسكين تشوش عليا واخا زيد زيد ماتعرفش حتي انت دير بحال قيصر
هود:(شاف فيا وضحك)ههه ياريت كون كنت بحال مسيو قيصر ولا نكون كنفكر بحالو...ههه انتي راك مازال ماكتعرفيش مسيو قيصر بحالي هاهو دابا دايرك فعينيه كيخاف عليك من لهوا طاير وياويلك يحس بيك كتلعبي من وراه ولله حتي تشوفي واحد قيصر اخر عمرك فحياتك ماشفتيهش
انا:(بصدمة)اويلي اش كتقول كيفاش كنلعب من وراه
هود:(بلامبالاة) انا غير كنهضر وصافي مثلا الي ساق لخبار لهادا لي كيسولك عليك 3 ديال لمرات ولله حتي يدفنك فسابع ارض مايسيقوش ليك لخبار
انا:(كنبلع ريقي)انا ماعرفتش شكون هداك هي 20..!! ياك انت ماغادي تقول ليه والو اهود
هود:(بمكر)بشحال تشري سكوتي
انا:حشوما عليك ماغادي تربح والو غاتشري ليا غير الصداع انا
هود:(كيضحك)ههه الحمقة غير كنضحك معاك...ماغانقوليه والو...واخا اول مرة فحياتي نخبي علي مسيو قيصر شي حاجة باش تعرفي راسك شحال عزيزة..والكن كوني متأكدة الي ساق لينا لخبار خبينا عليه غايدوز علينا بجنوية وحدة
انا:(باستغراب)هود ماتزيدش فيه موضوع عادي ماشي شي حاجة تستاهل هادشي كامل يعني شي واحد جا كيسول عليا يقدر يكون شي واحد كيعرفني ولا كان خدام معايا ولا شي واحد كيتسالني شي حاجة ونسيتو ههه عادي راه هو لي كيسول عليا ماشي انا
هود:(ضحك)عادي بالنسبة ليك..انا لي كنعرف مسيو قيصر وتفكيرو ماغديش تجيه عادي
انا:اه اوكي خلينا من هاد لموضوع اشنو فكرتي فكلامي
هود:من بعد اسوسو من بعد
انا:اوكي علي راحتك
كملنا طريقنا وحنا ساكتين حتي وصلنا لوطيل كل واحد مشا لبيتو دخلت خديت دوش خفيف نشفت شعري لبست حوايجي وخرجت بان ليا قيصر ناعس علي كرشو حمقاتني نعيسة ديالو بستو فحنكو وتكيت حداه حتي عنقني
انا:(بابتسامة)سمح ليا احبيبي فيقتك
قيصر:كاعما نعست غير كنت متكي
انا:اه صحابني واش نعستي
قيصر:لا مايمكنش نعس انا وحبيبتي خرجة برا ماغايجينيش نعاس وهي ماكيناش حدايا...تشوشت عليك علاش ماكتجاوبيش فالتيليفون
انا:كنت نسيتو فالطوموبيل داكشي علاش
قيصر؛كيف بقا ولد خوك اشنو قلتي سميتو
انا:آدم...مزيان بعدا هبطات ليه سخانة ماشي بحال للول...اوف عرفتي عيت رجلي ضروني بالوقيف
قيصر:(بابتسامة)خاصك شي مساج واقيلة...واش نقول ليهم يصيفطو ليك شي ماسوز هنا
انا:لالا بلاش انا بغيت غير نعس هاد نهار شحال طويل مابغاش يسالي
قيصر:(كيضحك)ههه اوي نعسي باش يسالي
انا:ههه واها تصبح علي خير
سرح يديه ونعست فوق منها باسني فراسي ونعسنا وانا مع عييت دغيا غيبت
فالصباح فقت مالقيتش قيصر حدايا نضت غسلت وجهي وسناني وخرجت لبالكون لقيت لفطور فطرت وبقيت كنتمضر فالناس هزيت تيليفون ديالي عيطت لواهيبة بقينا شادين جماعة عاودت ليها علي داكشي لي وقع وداكشي لي وقع ماقلتش ليها بلي قلت لهود شي حاجة مهم بقينا نهضرو حتي عينا قطعت معاها وتاصلت بعزيزة سولتها علي ادم كيف بقا قالت ليا بلي صبح مزيان بحرارة مقادة ليه
مهم دوزت نهار كولو وانا كنتفرج ولا ملهية فشي حاجة ماخرجت فين حتال ليل دخل قيصر لقاني متكية كنتفرج فواحد لفيلم وكناكل فالكلاص تلاح تكا حدايا وباسني
قيصر:(كيبوس فيا)ناري اسنفورتي شحال توحشتك
انا:(بدلع)اممم توحشتيني الكداب داكشي علاش سولتي فيا نهار كامل وانت غايب
قيصر:كنت مشغول مع زهير احبيبتي علا قبل شي حاجة مهمة
انا:علاه هوما باقين هنا
قيصر:وي ياله مشاو ليوم
انا:فين تغديتي عندهم
قيصر:(كيضحك)لا هوما مشاو قبل لغدا صارحة ههه تغديت انا وانجل..
انا:ياك الغدار هي تغدا معاها وانا خليني نتغدا بوحدي ناري ولله مامزيانين نتوما رجال..دودودو
قيصر:(كيضحك)ناري ناري تهدني المشة واش حماقيتي راه كان معايا هود وخوها ومايكل اشنو صحابك
انا:(ضربتو لكتفو)علاش زعما سبقتي انجل دك ساعة قول مع مايكل ولا زمر
قيصر:(بمكر)سبقتها هي باش نشوف عوينات سنفورتي لمغيارة وهي معصبة
انا:اممم شفتها ولفات هنا واش مازال ماغاتمشيش فحالها
قيصر:(كيضحك)ههه وانتي مالك هازاها فوق كتافك تبقا ولا تمشي اش عندك نتي
انا:ماشي شغلي فيها..تاخد حتي شهادة السكنة انا تبعد ليا غير من حبيبي وتناحر كاع الي بغات
قيصر:(شد نيفي بصباعو)ماعندها ماتصور من حبيبك واش هو بعدا كيتسوق ليها شحال من عام وهو كيعرفها ماعمرو داها فيها ولا داها فغيرها غير تهناي بلا ماتبقاي تغيري غير هكاك
انا:بصح زعما عمرك تسوقتي ليها
قيصر:ديما كنقولها ليك انا ماعمري ماشفت فشي وحدة شي شوفة فشكل زعما اعجاب ولا شي حاجة جامي وقعات ..كنعرفهم غير فالفراش حتي سميتهم ماكنعرفهمش عمرني مارتاحيت لشي وحدة ولا فوت جوج نعسات معاها لي شفتها ليوم مانشوفهاش غد
YOU ARE READING
عاهرة القيصر
Actionهذه القصة عزيزة علي واخة قديمة و لكن عندها واحد المعزة في قلبي هذشي علاش بغيت نشاركها معكم هي قديمة و لكن احداتها زوينين نتمنى تعجبكم
