Yaadon Ke Panno Mein: Chronicles of my School Days

Classroom Ki Kahaniyan: Dosti, Dhun aur Dhum Tana Nana

Yaad No.2

Classroom Ki Kahaniyan: Dosti, Dhun aur Dhum Tana Nana

With these memories, narrate your own tale too,

In the comments, do share what your heart holds true.

Ye baat hai 2019-2020 academic session ki. Main thi class 7th mein. Parampara anusar bache shuffle hue aur mera section E se C hua.

7th C. Adhe log jaan pehchan ke the, adhe naye. Aur bache 2-4 wo jinhe main jaan kar bhi anjaana kar rahi thi. Kyu?

Are bhai, last year to unko mujhse koi matlab nahi tha, ab dobara same class mein aake saara behan(bhai)chara nikalne lag gaya?

Matlab wo iklaute hoshiyar hain?

Nah. Itna to dimag hai ki dobara usi trap mein nahi fansungi.

(My mind: Aage ye theorem galat prove hogi~)

Hehe, mere mind ki baat ko ignore karein.

(My mind: Haan haan, dil jo bol raha hai iska.)

Whatever. Well, classes resume hone ke 2-3 hafte baad monitor ke elections hone the. Aur humari partial teacher ne apne man se bachon ko nominate kar diya, matlab ek baar poochna to chahiye tha, ki koi aur elections contest karega? Par nahi.

Khair, uss din main naam dene jaana chahti thi par Riti madam(kaun hain jaan ne ke liye pehli yaad padhein), wo late aayi. Matlab uske saath mam ke paas jaane ke plan pe paani fir gaya.

Koina, nahi bani uss year monitor.

Well, uss year, na hi kisi co-scholastic activity mein participate kara.

Pata nahi kyu, shayad kundali mein uss saal ke liye ye sab na ho.

Summer vacations ke baad school wapas aaye, humari music teacher ne kaha ki apne man se wo koi bhi roll no. bolengi, usko song gaana hoga.

Mere to haath panv fool gaye, matlab bathroom singer aur lonely singer hain to kya aap humse sabko free concert dilwayengi?

Nakko. Bhagwan ji bhi mere saath the to mera roll no. unke muh se nikla nahi.

But, ek banda tha, let's say Ish, uska roll no. bola.

Wo gaya aur, Ish: Teri Mummy ki jai, kya cheez banayi...

And boom 🤯

Madam garaj padi, baras padi Ish pe,

Mam: Ye koi gaana hota hai school mein teacher ke aage gaane ke liye? Koi maryada hai ya nahi...blah blah blah...

Ab main soch rahi, iss mein iss bechare Ish ki kya galti hai, matlab ek to sabko kauwon 🐦‍⬛ ka School Idol sunwao, upar se performer ko sunao...

Uss din ke baad wo bichara music period wale din school hi nahi aaya...

Samay beeta, mid-term exams ho gaye, aur mam ne humein naye seating arrangement ke according bitha diya. Initially mujhe bahut bura laga, Riti se door hoke.

But bahut jald, acha laga. Reality check mil gaya, Riti ko samay nahi laga naye dost banane mein, par main? Akeli thi.

But bhagwan ki kripa se meri seat partner meri opposite thi, extrovert. To uske efforts se hum friends ban gaye.

Kuch hafton baad, ek din Physical Education ka period tha.

Usmein teenage aur puberty ka chapter tha.

Aur humare Ph.E. ke teacher the humare maths ke teacher, jo ki around 50+ the. To Samjh Lijiye, no discussion, only reading.

Reading ke liye bhi unhone bulaya superfast express ko, jo ki 5x ki speed mein bolte hain. Any guesses?

Well, apko kaise pata hoga?

So let me introduce ek banda, jo ki aage ki yaadon mein bahut aane wala hai, Jhingur. (Nickname hai 🙃)

To Jhingur bhai read kar rahe superfast speed mein, achanak ek ladki haath uthati hai.

Ika(let): Sir, I have a doubt, what is menstruation?

Sir ne aisa awkward look diya, matlab poocho mat.

Ab kya kar sakte hain? Itne purane teacher ko padhane jo bheja tha.

Well, us ladki ki koi galti nahi thi. Hum class 7th mein the, aur zaroori nahi har ladki ko pata ho menstruation ke baare mein.

Merko khud tab pata chala tha jab pehli baar meri white skirt red ho gayi thi, jabki main sauce bhi nahi leke gayi thi school.

Merko zara si bhi hint nahi thi, ki aisa kuch hota hai.

Well, coming back to Ika, usko sir ne book ki language mein dobara bolke baitha diya.

Aur Jhingur mast dobara continue karke 2-minute mein reading karke, chapter khatam kar gaya.

Tabhi Diamond ne merko bola, kone mein le jake Ika ko samjhayenge, maine haan kar diya.(Another prominent character/friend.)

Point to be noted: Jhingur tab mere liye neutral tha, matlab bas mera classmate, aur hum dono ko hi nahi pata tha ki aane wale samay mein humari destiny aisa game khelegi ki hum dono friends ban jayenge.

Aur Diamond meri thodi si friend thi, aur hum dono iss baat se anjaan the ke ki kuch samay mein best friends ban ne ko hain.

Wo saal, aisa tha nahi ki do shabd mein summarize kar doon, but year ke end aane tak, Diamond ke saath friend wala bond, aur Jhingur ke saath thoda bahut friend wala bond develop ho gaya tha.

Aur kuch yaad aa nahi raha hai, aayega to add kardungi.

Mujhe yaad aaya ye 28 May 2024 ko:

Ye wo samay tha jab mujhe crush ka matlab pata chala, and I was like 🦉. Matlab ab se bottle ko crush nahi karna, insaan pe crush karna? 🤣

Humari class mein ek ladka tha, let's call him Anu... Doosre section ki kisi ladki ko uspe crush tha to wo baar baar kisi bahane se humari class ke bahar se jaati thi, but uss bande ko usmein koi interest nahi tha... Aur wo ladka lockdown phase ke baad dobara kabhi school mein nahi dikha...

Aur yahi wo saal tha jab mujhe blush ka matlab pata chala, jee haan... Humari class ki do ladki aapas mein baat kar rhi thi...

Ladki 1: Yaar, tu to uss ke naam se blush kar rahi hai...

Ladki 2: Aisa kuch nahi hai... (And then proceeds to hide her face in her palms.)

Fir, badi himmat karke google kara tha 'what is blush?'...

Aur kuch aaya to fir add kar dungi.

In Detailed Character Sketch of Diamond: Diamond is a supportive and understanding friend. The name itself suggests someone valuable in my life.

In Detailed Character Sketch of Jhingur: Jhingur is a lively and energetic character in my school memories. He's the kind of person who is involved in various incidents, adding a touch of humor and excitement to my school days. Despite a neutral start, he grows to become a significant friend of mine over time.

Kahaniyon ke is safar mein aapka saath chahiye. Agar in yaadon ne aapke dil ko chhua hai, toh apna vote zaroor dijiye aur iss safar ko aur bhi yaadgar banaiye.

~Rahasya ❣️