နှစ်တစ်ရာ ကျင့်ကြံပြီးနောက် - ကျန်းချန်ရွှမ်

အပိုင်း ၃၉ ။ ရှန်းမျိုးနွယ်စုဘိုးဘေး (၁)

[Unicode]
နှစ်တစ်ရာကျင့်ကြံပြီးနောက်

အပိုင်း ၃၉ ။ ရှန်းမျိုးနွယ်စုဘိုးဘေး (၁)

ရှုန်းဝမ်တောက်တို့၏စကားကိုကြားပြီး ကျန်းချန်ရွှမ်၊ ရှန်းရူယန်နှင့် ရှန်းချန်းနျန်တို့သည်လည်း ရှန်းတောက်မင်ကို လှည့်ကြည့်လာကြသည်။

သူတို့အားလုံးသည်လည်း ကျီဖုအဆင့်နတ်ဆိုးကျင့်ကြံသူ၏အခြေအနေအတိအကျကို သိချင်နေကြသည်။

သို့သော်လည်း ရှန်းတောက်မင် ပြန်မဖြေနိုင်သေးခင်မှာပဲ ရုတ်တရက်ဆိုသလို အားလုံး၏ရှေ့မှောက်၌ အစိမ်းရောင်ဝတ်ရုံဝတ်ဆင်ထားသည့် သက်လတ်ပိုင်းအမျိုးသားတစ်ဦးက ပေါ်လာခဲ့သည်။

ရှန်းတောက်မင်အပါအဝင် ရှိနေသည့်လူတိုင်းမှာ ထိုသူကိုမြင်သည်နှင့် အံ့ဩမှင်သက်လို့သွားကြသည်။

ထို့နောက် ရှန်းတောက်မင်၊ ရှန်းရူယန်နှင့် အခြားလူများက အလျင်အမြန် ဦးညွှတ်ကာ နှုတ်ဆက်လိုက်ကြသည်။

“ဘိုးဘေးကို နှုတ်ဆက်ပါတယ်!”

ဘိုးဘေး?

ကျန်းချန်ရွှမ် မှင်သက်သွားရသည်။

သူတို့ရှေ့မှာ အစိမ်းရောင်ဝတ်ရုံကြီးဖြင့် ရုတ်တရက်ပေါ်လာသည့် သက်လတ်ပိုင်းအမျိုးသားသည် ရှန်းမျိုးနွယ်စုမှ ကျီဖုအဆင့်ကျင့်ကြံသူဖြစ်လိမ့်မည်ဟု သူမထင်ထားခဲ့ပေ။

ဤသည်မှာ သူကျင့်ကြံသူစဖြစ်ကတည်းက ကျီဖုအဆင့်ကျင့်ကြံသူတစ်ယောက်ကို ပထမဆုံးအကြိမ်မြင်တွေ့ဖူးခြင်းလည်းဖြစ်သည်။

ကျီဖုအဆင့်ကျင့်ကြံသူကို တွေ့မြင်လိုက်ရသည့် ပထမဆုံးခံစားချက်ကတော့ အလွန်အင်အားကြီးကာ နားမလည်နိုင်လောက်အောင် နက်နဲလွန်းသူဟုပင်။

သူ့ရှေ့တွင် ကျန်းချန်ရွှမ်သည် အချိန်မရွေးသေသွားနိုင်သည့် မြေကြီးပေါ်က ပုရွက်ဆိတ်တစ်ကောင်သဖွယ် ခံစားရသည်။