ဒေါက်တာကျန်း

chapter 110

Chapter 110
Imperial MeowAugust 23, 2023
🧑‍⚕️Chapter 110

ပြည်ပတွင်ကျန်းရွှိ ၏တရားဝင်အိမ်ထောင်ဖက်ဖြစ်လာသည့်တတိယနေ့တွင် ရှန့်ဖန်းယွိ သည်တရုတ်သို့ပြန်လာ၍ မောက်ထိုင် အရက်သေတ္တာတစ်လုံးအား လျှော့စျေး၂၀% ရရှိရန်မျှော်လင့်ကာ လီယာလေ့အား ခေါ်ခဲ့သည်။

လီယာလေ့သည် ဖုန်းထဲတွင် ရှန့်ဖန်းယွိ၏အရက်ဖြင့်လက်ထပ်ခွင့်တောင်းမည့်ရည်ရွယ်ချက်နှင့်ပတ်သက်၍ ရှင်းပြချက်ကိုနားထောင်ခဲ့ပြီးကျိန်ဆဲခြင်းမပြုမီခဏတာမျှ အံ့ဩတုန်လှုပ်သွားခဲ့သေးသည်။

“ မင်းကငါ့ရဲ့လရောင်ဖြူလေး(ငယ်ချစ်ဦး)ကိုလည်း လက်ထပ်ခဲ့သေးတယ်…အခုလည်းအရက်ဝယ်တာ ကူညီဖို့မင်းကတောင်းဆိုချင်သေးတဲ့စိတ်ရှိသေးတယ်နော်…ရှန့်ဖန်းယွိ.. မင်းကတော်တော် ကောင်းတဲ့ညီအစ်ကိုပဲ..."

"ဘာတွေ ကြီးကြီးမားမားဖြစ်နေကြတာလဲ.."

ရှန့်ဖန်းယွိသည် လီယာလေ့၏ဖုန်းထဲမှ အကျွမ်းတဝင်ရှိသော အသံကိုကြားလိုက်ရသည်။

“ သူလေ ငါငှါးလိုက်တဲ့ ရွက်သင်္ဘောပေါ်မှာ လက်ထပ်ခွင့်တောင်းတာ..."

ရှန့်ဖန်းယွိက  မတော်တဆ ပြက်ရယ်ပြုကာ

“ မင်းတို့နှစ်ယောက်ရော  အတူတူ ဘယ်လိုအဆုံးသတ်သွားလဲ..."

ဖုန်း၏အခြားတစ်ဘက်တွင်တိတ်ဆိတ်ငြိမ်သက်မှုအနည်းငယ်ရှိခဲ့ပြီး လီယာလေ့က ဖုန်းကို ချက်ချင်းချလိုက်သည်။

ရှန့်ဖန်းယွိသည်သူ၏ဖုန်းကိုဖြည်းညှင်းစွာကြည့်လိုက်ပြီး ခဏအကြာတွင် လီယာလေ့ ထံမှ မက်ဆေ့ခ်ျစာတစ်စောင်ရရှိခဲ့သည်။

"၂၀% လျှော့စျေးမလိုဘူး…ငါမင်းကို ၅၀% လျှော့စျေးပေးမယ်"

“မင်းကိုငါသစ္စာရှိတာမဟုတ်ဘူး…မင်းပိုက်ဆံလိုတဲ့အခါ ကျန်းရွှိ အပေါ် မတရားဆက်ဆံမှာကို ငါကြောက်တယ်.."

ရှန့်ဖန်းယွိ ခေါင်းကိုငုံ့ထားကာ ခပ်တိုးတိုးရယ်မိသည်။ ထို့နောက်ကုန်တိုက်၏ ပထမထပ်ရှိဇိမ်ခံပစ္စည်းဆိုင်သို့ဝင်ရောက်ခဲ့သည်။ သူ အမျိုးသမီးနှစ် ဦး အတွက် လက်ကိုင်အိတ်များကိုဂရုတစိုက်ရွေးချယ်ခဲ့ပြီး ကုန်တိုက်မှထွက်ခွာစဉ်ဖုန်းခေါ်ဆိုခဲ့သည်။အနည်းငယ်ရှုပ်ထွေးသောအမျိုးသမီးအသံကအခြားတစ်ဖက်မှ ထွက်ပေါ်လာကာ…