بعد انتظار طويل قامت رنا من نومها عشان تتحرك بكل برود وتروح لماكينة القهوه وتسويلها كابتشينو وانا على اعصابي وقهري من حركتها اللي وكأنها متجمله فيني بهالطلعات
سلامه ما تستحمل : رنا؟ انتي تعرفين اني مدمنه صح مب حديثة نعمه ولا وحده ما شافت خير
رنا مستغربه : شدخل ؟
سلامه : حركاتك الهبله هذي مره بحر ومره ممطعم ومره مدري وين ؟ شو انتي ع بالك انا مب شايفه خير
رنا تضحك : انتي كذا تفكرين ؟ ترا هذا من الخطه العلاجيه مب عشان سواد عينك بس عشان تفتكين من الادمان
سلامه : ممكن تشرحيلي كيف ؟ وبدون ما تقوليلي عقد واسكتي من حقي اعرف والله
رنا تتنهد : ممكن تخلصين من فكرك المحدود هذا ؟
سلامه : انزين وبعدها ؟
رنا : فتحي مخك معاي شوي - تعدل جلستها - شوفي يا ماما انا مب بس استشارية فمجال الادمان انا بعد استشارية فالعلاج النفسي
سلامه : انزين ؟
رنا : يعني انا مب بس جلسات واسمع واقول وانصنص محاضرات طويله عريضه لا انا مختصه بشيء اسمه التغير النفسي والوضعي بمعنى اني لازم ارجع اعيشك ابسط الاشياء من اول القهوه والعاب الطفوله للرحلات وغيرها بعد عشان مخك هذا يرجع يستانس ويفرز دوبامين من هالاشياء البسيطه اللي دمرتيها بسبب ادمانك
سلامه تهدى شوي : يوم بتفهميني انا ما بعارض رنا لكن تعامليني بهالشكل اكيد مخي بيفسر الاشياء ويمكن للاسوء بعد شالمشكله ليش ما تقوليلي الحقيقة
رنا : لأنه سلامه هذي شيء وسلامه المدمنه شيء وعقلها وهرموناتها شيء ثالث تماما ف يمكن الحين يكون عادي عندك لكن لو بدأ الادمان يأثر عليك بترفضين ولو تفجرت هرموناتك بترجعين للمخدرات والموضوع معقد لكني اتعامل مع 3 شخصيات الحين ف لازم اوازن واصدمها كلها فكل ممره
سلامه : طيب
رنا : هذي اول واخرمره اشرح طريقة شغلي ولو سمحتي حطي ثقه بنفس القدر اللي حطيتيه يوم وقعتي العقد
سلامه : ان شاءالله
-----
وقفت رنا كلامها وخذت قهوتها وراحت للبالكونه فالوقت اللي كان وجهي منقص ولا فيني دم من خجلي وصغر تفكيري .. يعني انا كل اللي فبالي انها تبا تسوي شو على حسابي في حين انها جالسه تطبق شيء علمي بحت
