( بعد ساعتين - الممر )
دخلنا انا ومزنه مروقين بعد ما قضينا وقت لحد ما بدينا نقرب من مكتب المرشدة وكل شوي يعلى صوت مألوف كانت مين ؟ كانت مها وانا متأكده وطبعا فضولنا ما خلانا نترك المكان ونروح
التفتت ع مزنه وخزتني وهي تقول : اصبري
وانا اساسا م كنت احتاجها تتكلم زياده فالموضوع كنت صابره واسمع بتركيز لا صار ولا استوى ..
لكن كل ما اتضحت الصورة كل ما صارت الدنيا بعيوني اسود واسود .. سمعت اخو مها وهو يكلم المرشدة ويقولها : عليك فيها اي غلط لا توصلون لنا حتى عندكم هي ولو وصلت للضرب
ولا تنسين يا استاذه ترا موضوع نقلها خطير ولا كان موضوع عادي وانتم جزاكم الله خير قبلتوها لكن انا اقولك بلغي لو اضطر الامر احنا سامحين
المشردة : ياخوي الموضوع مب بهذي الطريقه واحنا ما نعامل الطالبات بالضرب بعدين مها وان اخطأت ما تنتهي حياتها و ان شاءالله ف جامعتنا تتحسن احوالها من كل النواحي
اخو مها : وحده مدمنة مخدرات مثل هذي مستحيل تتصلح ولا تنفع احد انا اقول فكري بكلامي وطبقيه معها وفي التعامل وياها ولو لزم حذروا زميلاتها منها ما نبي نبلي الناس مثل ما ابتلينا
-------
التفتت ع مزنه وانا مصدومه !! شو قال؟؟ مدمنة مخدرات ؟ مها ؟ معقول ؟
وضربت اسئلة تبدأ ولا تخلص مني ومن مزنه لكن اول ما سمعنا الاصوات اللي وكأنهم بيطلعون من المكتب حركنا من المكان ع طول لكن تفكيرنا كله مازال عند باب المكتب بالضبط
مزنه : انتي سمعتي اللي سممعته ؟
سلامه : ما توقعت ابدا ما توقعت
مزنه : توقعي كل شيء لأن اصلا تصرفاتها واسلوبها معك اكبر دليل انها مب صاحيه
سلامه : اهخخخ كيف وحده مثلها تتورط بموضوع نفس المخدرات هذي اقصاها تتورط بضرابة ملابس ولا هيلز او اي شيء ع قدها
مزنه : ي حبيبي اهربي منها وبعدي خلها تولي ولا تبليك بموضوع نفس هذا
سلامه : عورني قلبي لكن كيف اخوها اللي المفروض سندها يتكلم بهالطريقه ؟ حتى المرشدة اللي مامنها مفاد تقوله نحن مب مدرسه ولا نتعامل بهالطرق
مزنه تتنهد : الصدق اخوها كلب لكن وش الجديد ؟ العيال كذا من يومهم
سلامه : ماعرف بس صدمتني والله
