مرت اسابیع وانا احاول فمها اني اساعدها ولكن يوم عن يوم كان الوضع اسوء واشوف مها تذبل اكثر خصوص بعد ما اخوها كان ماشي ويقول للكل وفي ظنه انه يكسب اجر بينما هو يدمر اخته ؟؟؟ وبدا يضيق الخناق على مها من المرشدة والدكاترة اللي بين انه تم تحذيرهم واثر عليها وعلى درجاتها
لكن كثر محاولاتي كثر ما مها تصدني وترفض مساعدتي بس ما انتظرتها هي تفتح لي مجال اكثر ولفيت حولها كنت اراقب كل شيء تسويه لين وصلت للناس اللي تتعامل معاهم ولأان هالنوع من المعارف ما يمشي مثل كل علاقه وعندهم كلمات سر ولازم احد موثوق يدخلك
استغليت اسم مها بدون لا تتعرف وقلت انها ربيعتي ووصتني وفالبدايه كانوا ينكرون ويرفضون يتعاملون معاي لكني تعمدت اطلع مع مها للبوابه وفالجامعه مع انها كانت تبعدني ولا عندها فكره عن خطتي ووعلى بالها احاول انقذها لكن الصدق كنت اخطط اني اوصل للمهربين انه انا ومها قراب و24 ساعه معها
وهذا اللي وصلته بعد شهور
خذت اول جرعة وماكنت استعملهم طبعا لكني كنت ابا ابين بالشكل المدمن واتعمد اطلب بطريقتهم كنت القن نفسي حركاتهم من المواقع من مها وتصرفاتها عشان بس اقنعهم وفعلا
بعد مده وصلت للراس الكبير فالعصابه واللي كلفني كثير ف اوقات خسرت مبالغ واوقات 2 اضطريت اني ابيع لأشخاص بس عشان اثبت اني معاهم
لين تمكنت وكل هذا ومها ما تعرفه لكن ف يوم ماحسبت حسابه .. مها شافتني فالمكان ووسطهم ابيع واشتري
اذكر لليوم نظرتها وكيف هي تطالعني وكأنها خيبة امل او نظرة شفقه او حزن علي؟ الصدق مدري وش كانت بس دخلت اعماقي ومتأكده كانت صدمه لها
قربت مني شوي شوي وسحبتني لين الدرج وهي تقول : شجابك ؟ ما حذرتك انا ؟
وكنت احاول امثل ان الوضع عادي لكن انفعال مها لفت انتباههم جميع فعرفت انه خلاص طاحوا علي اني لا ربيعة مها ولا تعرف عن ادماني اساسا
سحبت مها وطلعنا من المكان ع طول وانا اصرخ عليها : خربتي عليييييي خربتي كل شيء
شرحت اللي كنت اسويه ولكن فات الاوان لا بيدي ولا بيدها اي شيء نسويه ف حركنا من المكان وبلغت الشرطة ع طول وابعدت منها عن السالفه كلها واعطيت ارقام وعناوين المهربين
الشرطة ما قصرت معاي ولكن كان لازم ابقى عشان يفحصوني وفعلا صار وتبين اني سليمه 100% لكن طول الاجراءات وتأخر الشرطة اعطاهم مجال يغيرون ويطلعون من اماكنهم واللي كانوا يسونه بسهوله
