( ع الشاطيء - الوقت الحاضر )
سلامه تلف ع رنا : وبس كذا
رنا : اوكي - تقوم -
استغربت من حركة رنا لكن كنت منصدمه اصلا انها ما علقت ولا قاطعت ولا حتى سألتني عن شيء كانت بس تسمع ومركزه معاي بكل كلمه بالأحرى كل حرف قلته وبعد ماخلصت قامت من عندي ولا كأنه صار شيء
حتى رياكشن واحد م عطتني
قضيت الليل كله قدام البحر وما ابالغ ولكن كأنه كان ثقل بوزن ١٠٠ كيلو انشال من صدري .. ما اختفى المي لكن خف وردة فعل رنا مثل اللي م عطتني رياكشن يخليني انفر من مصارحتي لها او اني شاركتها شيء حساس مثل هذا
--------
صباح يوم جديد - سويت سلامه ورنا
في هالوقت اللي كنت اصلا مواصله فيه نزلت رنا تتهادى فالوقت اللي انا اسوي فيه قهوتي السودا اللي صارت تشابه كل ايامي في هالمكان
سلامه : صباح الخير
رنا : صباح النور
ورجعنا للصمت بعدها وهي تسويلها فطور وقهوه وتطلع تجلس البالكونه وانا فبالي مليون سؤال اولهم ليش تتصرف وكأنه ما صار شيء؟
طلعت ع طول وراها ع البالكونه وجلست جنبها وشربت قهوتي ولكن فالحقيقه كنت انتظرها تتكلم او تقول شيء يعني مو معقول هذا رد فعلها للمصیبه اللی انا فریتها علیها ؟
لكنها ما تكلمت ..
رنا : شو تبين سلامه ؟ من الصبح تحاومين حولي
سلامه : الصدق ؟ ادور تعقيب ع اللي قلته
رنا : ليش؟
سلامه : اللي قلته وايد ولا سويتي رد فعل واحد حتى
رنا : شو رد الفعل لي تنتظرينه ؟ مثلا وليش اصلا تنتظرينه مني ؟
سلامه : يعني انتي حاشره مخك بكل شيء ويوم قلتلك انسحبتي ع طول ؟
رنا : ما انسحبت منو قال؟ لكن قلتيلي سالفتك كلها صح؟ خلاص برسم خطة علاجك
سلامه : انتي غريبه رنا والله يعني جايبتنا هنا ع كلامك عشان نكسر الرسمية واول ما انكسرت وقلتلك رديتي رسميه ؟
رنا : ابدا لا هي رسمية ولا شيء بس انا ما انطلب رأيي فالموضوع
سلامه : لا والله ؟؟؟؟؟ ف هذي انتظرتيني اعطيك اذن ؟
