راحت للغرفه الي فوق ( في غرفه فوق يجتمعون فيها البنات )
ريلام : بدري
غرام : موجوده من زمان حبي
ساره : اجل وينك
غرام : كنت ابي نور بموضوع
اسيل : امحق
دخلت عليهم نور وقالت : بنات جده تبغاكم تحت
وراحو البنات تحت
الجده : هلا هلا ببنياتي
البنات : هلا فيك
هيله :يا بناتي ابي اسولف معاكن
غرام:سمي يمه
هيله:شرايكم يا بناتي نروح كلنا المزرعه
ابتسمو البنات من سمعو المزرعه
نور:لا يمه ايوو تراب و حشرات لا لا تبون تروحون روحو انتو
ضربتها هيله بخفه:شتهبدين انتِ اقول ماني مأخذه شوركن كلنا بنروح المزرعه
نجد:اخخ مافي احلى من المزرعه
ساره:اتفق الصراحه
نور:ايوو مو من جدكم
نجد:لا من عمنا
غرام:نوني تمشين غصب عنك
نور بدلع:تكفين نو نو شوضعكم بنات
ساره صفقتها:تكلمي زين عمى
نور بدلع:اوتش يا متخلفه
ساره قرصت نور،،قامت نور تصارخ بأقوى ما عندها
غرام وهي تضحك:اي خليك كذا
ركضو العيال من سمعو صراخ نور
نايف بعصبيه:شفيه
نور ركضت ورا نايف:جدو شوف ساره تقرصني
ناظرها نايف:وشو جدو وانتِ الثانيه ليه تقرصينها
ساره بصراخ:يبه شوف تتدلع و تتمايع عندنا يوم يمه قالت بنروح المزرعه تقول قامت تقلدها ساره:لا يمه ايوو تراب و حشرات
ميلت شفايفها و كملت:لا لا تبون تروحون روحو انتو
ضحكو كل الموجودين على تقليد ساره
نايف وهو يضحك:وانتِ ليه تتكلمين كذا
نور:طبيعي أنا أنثى أكيد بتدلع ولا لا يا ساره😉
قامت ساره تلاحق نور
ديم:ملك
ملك:هلا
ديم:متى الاختبارات
ملك:معرف والله شهر ثلاث أسابيع حواليها
انصدمت ديم:ما بدينا نذاكر
ملك:طيب أنا من بكره راح أبدا
ديم:خلاص معك انا
دق باب الغرفه
ديم : ادخل
عزيز : شتسوون
ملك : نفكر بالمذاكره والاختبارات
عزيز : ليه كم بقى؟
ديم : ثلاث أسابيع او شهر
عزيز : شرايكم أطلعكم كوفي؟ ونتمشى شوي
ديم : تم
ملك : طلع الكرم فجاء؟
عزيز : اجل اجلسي بالبيت
ملك : لا لا اخوي حبيبي انت
عزيز : الحين اخوي حبيبي المهم يلا بروح فوق اجيب شغله واجي تجهزو
وراحو ملك وديم يلبسون عبايتهم
ونزل عزيز : يلا
ركبو السياره وقال : وين تبون؟
ديم : اي كوفي عادي
ملك : هاف مليون
عزيز : تمام
وصلو
عزيز : وش تبون؟
ملك : v60
ديم : امريكانو
وراح طلب
ببيت الجد نايف
غرام حاولت تدق على جوال عزيز بس مشغول
راحت غرام لفهد
غرام : فهد توديني
فهد : وين عزيز
غرام : مادري ادق عليه مايرد
فهد : تمام انتظرك
وراح ولبست عبايتها ولحقته
تسريع الاحداث
رجعت غرام وعلقت العبايه وفتحت الدولاب تطلع لها بجامه وطلعت لها بجامه ورديه ولبستها ودخلت دوره المياه ( الله يكرم القارى ) وسوت سكن كير واخذت جوالها وجلست على السرير تتفرج
رجع عزيز وفتح جواله وشاف
رسايل واتصالات غرام دخل الغرفه واستغرب لان النور شغال والمكيف برضو شغال دخل وشاف غرام قال متى جيتي ومين جابك؟
غرام: قبل شوي جابني فهد
عزيز : تمام
غرام: اي صح
عزيز وشو؟
غرام : بكره كلنا بنروح لمزرعه جدي
عزيز : متى
غرام : الساعه 9
عزيز : احتمال مااوديك
غرام : ليه
عزيز : يمكن يطلبوني
غرام : بس بكره إجازتك
عزيز : عاد أشوف بكره
غرام : تمام
راح عزيز قفل النور و انسدح بسرير ونام
كانت تتأمله و مانست اعترافه لها ،،بعد وقت حست على نفسها و نامت
الساعه ٧ الصبح
صحت بطلتنا صلت الفجر و سوت روتينها اليومي
عزيز وصوته فيه نوم:غرام جيبي لي بندول
غرام رفعت حاجبها:ليه؟
عزيز:راسي مصدع جيبي لي
قامت غرام توجهت له ،مسكت رأسه
غرام بصدمه:عزيز قوم نار قوم
عزيز بتعب:مافيني شي جيبي لي بندول
قامت غرام نزلت تحت
غرام:ملك جيبي لي كمادات سريع
ملك:ليه عزيز فيه شي
غرام:مسخن نار بسرعه
قامت ملك تسوي له كمادات
اريام:يلا ماما
منى:تعالي خذي الشنطه بسرعه
قامت اريام أخذت الشنط و توجهو للمطار
اريام:ماما الحين من فيه هناك
منى:عائله آل نايف و آل عساف و اهلي
انصدمت اريام:يعني هناك فيه بنات واجد
منى:اي مو زي هنا
انبسطت اريام و ركبو الطياره
خلصت ملك و ركضت لجناح عزيز و غرام
غرام:هاتيهم بسرعه
عطتها ملك الكمادات
غرام بخوف:اتصلي على السواق يجي
اتصلت ملك،،جاء السواق حاولو غرام و ديم و ملك يخلون عزيز يقوم
راحو المستشفى
محمد:خلصتو بخرتو
دلال:اي يبه
عقيله:وصلو
محمد:حي الله منى الحمدلله على السلامه
ابتسمت منى:الله يحييك الله يسلمك
دلال و اريام سلمو على بعض
عقيله:ما شاء الله كبرتي اريام
ضحكت منى:تشوفين يمه أقولها تقول توني صغيره
عقيله ضحكت:وهي صادقه صغيره
خجلت اريام و جلسو يسولفون
باسم بصراخ:العن شكلك يا كلب
انخرعت اريام
منى تنهدت:للحين باسم
عقيله:اي والله للحين ما خلى احد صاحي في هالبيت
اريام:منهو باسم؟
دلال:خالك حبيبتي
اريام بصدمه:امانه عندي طلع عندي خال ثاني احسب بس خالي فواز
نزل فواز و ضحك:سمعت اسمي
الكل ضحك
فرح:الحمدلله على السلامه ياروحي
منى:الله يسلمك ياقلبي الناس تكبر و فروحه ما تكبر
ضحكت فرح
فواز:للحين تنادونها فروحه تراها عجوز،وضحك
نزلت رأسها فرح و حست بغصه
فرح:أنا استأذنكم عندي شغله لازم أخلصها ،،رقت فوق دخلت الغرفه قفلت عليها الباب و انهارت
عقيله بعصبيه:ما تستحي البنت بذمتك تعاملها كذا لمتى ما تعقل يا فواز البنت احمد ربك للحين صابره عليك ولا من يبيك و يصبر عليك
دلال بصوت خفيف لاريام:تعودي حنا كذا عادي يعني
اريام بنفس النبره:عادي مو اول مره متعوده مثلك
منى:فواز متى تعقل الناس تكبر وانت عقليتك نفس ماهي
فواز بصراخ:مالكم دخل زوجتي وانا حر
نزلت فرح و تكلمت:من قالك اني زوجتك تطلقني قدامهم الحين
انصدمو كل الموجودين
عقيله:استهدي بالله فرح يمه
وفرح و دموعها:يا عمه أنا صبرت عليه بما فيه الكفايه كل مره يفشلني و يهينني أنا خلاص مقدر أتحمل صبري نفذ
سكت فواز ولا قدر يتكلم
"بالمستشفى "
غرام بغصه:شفيه يا دكتور
الدكتور:مافيه شي بس حراره و بعطيك أدويه لازم ياخذها كل ٨ ساعات
أرسلت غرام بقروب العايله أنها ما تقدر تجي
<الكل ما راح لان جات شغله مهم لنايف و رائد>
ملك:ها شفتي مافيه شي تحبين الدراما
ضحكت غرام:كل ذا ومافيه شي بغى يفطس
كان يسمعهم عزيز و ابتسم بخفه
ملك:الأمير الصغير قام
عزيز ببحه:الأمير الصغير الي تقولين عنه لو قام عليك يصرعك
ضحكو ملك و غرام
فرح كانت تشاهق و تقول كلام مو مفهوم
منى:فرح تعالي معي
صارخت فرح:خلاص تراني إنسان احس تدخلوني الغرفه و تجيبون لي اعذار خلاص ،اشرت على فواز خلوه يحس خلوه
طلعو كل الموجودين و سمعو كلام فرح
اخذتها منى بالقوه و دخلتها الغرفه
منى:ماراح أقولك اعذار بس هدي نفسك
