اسفه اسفه مرهه على السحبه 🥹🩵🩵
شافها عزيز ابتسم وقال : فعلا روح من الله
شالها عزيز وبدا يأذن باذنها وكانت غرام تصوره
غرام : عزيز عطني ايها
عطاها عزيز
طاحت من عين غرام دمعه
عزيز : غرام مو وقت البكاء الحين
غرام : الدكتور قال بسبب الولاده المبكره بالشهر السادس ممكن تكمل أسبوع بس
عزيز : لا بأذن الله بتكمل العمر كله معنا
غرام : طيب تعال بصور
حط عزيز يده وحطت غرام يدها فوقها وشالت روح حطتها قريبه من يدينهم ومسكت يد روح وحطتها فوق ايدينهم وصورت
طلع عزيز ودخلو العيال والجد عساف ونايف
قال فارس : صغيره
رايد : وش متوقع تكون كبرك مثلا ؟
فهد : حبيبت خالو أنا
الجد نايف : الله يحفظها ويخليها لكم
الكل : آمين
دخلت عليهم الدكتوره قالت : لازم آخذ البنات
رايد : خليها شوي
الدكتوره : البنت الصغيره وجايه بالشهر السادس خطر عليها
اخذتها ومشت
طلعو العيال بعد ماتطمنو
ودخلو البنات
ملك : خير اخذتها بشوف بنت اخوي
ديم : بالشهر السادس جايه وش متوقعه يخلونها كل الوقت
ساره:صح وش بتسوين ب الكلبه
سكتت غرام و نظراتها شر
نور : متى تطلعين ؟؟؟
اسيل : شفيكم شوي شوي
غرام : بكره بطلع
نجد كانت بعالم ثاني مو معاهم تفكر برعد يحبها ولا يكرها عرفت تعرف شخصتيه الغامضه
ساره : هيي بنت شفيك
نجد : هاه هاه ولا شيء طلعت برا تتصل برعد
مارد
نجد : افف شفيه مايرد
رجعت تتصل فيه برضو مايرد خافت طلعت
برا المستشفى شافت تاكسي ركبت معها وصلت البيت
دخلت البيت وبدت تدخل غرفه غرفه ماشفته خافت يكون صاير فيه شي
دخلت الغرفه نزلت العبايه ولبست بجامتها
وانتظرته صارت الساعه 5 الفجر وماجاء
كان فيها النوم بس تتنظره
"الساعه 10 الصبح "
دخل بيته شاف اتصالاًت نجد
راح فوق لغرفته شافها صاحيه
راحت تركض لعنده حضنته وبدت تبكي : وين كنت
خوفتني عليك
استغرب رعد وحس في احد يهتم له وقبل لا يتزوج محد مهتم متى رجع متى راح
شالها وداها على السرير حطها بحضنه
رعد : خلاص يكفي بكى ياعيوني انتي
نجد استغربت من كلمته لفت عليه ورجعت حضنتها
بادلها الحضن وبدا يمسح على شعرها بعدت عن حضنه شاف
دموعها وبدا يمسحهم : خلاص لا تبكين يلا نامي ماهي إلا شويات ونامت
الساعه ٤ العصر
سلمى:قومي انتِ وياها
ساره:شفيه شفيه
سلمى:غريبه اول مره تقعدين بدري
ساره:هل لأني ما نمت
اسيل:خلاص بنام
سلمى:انقلب السحر على الساحر قومي بس انتِ وياها
أسيل:أوف طيب
سلمى:وانتِ
ساره:ماما تكفين بنام بس ساعتين
سلمى:ساعه و أقعدك
اريام:انت ما ودك تتزوج
سعد:أنا أتزوج؟ أحلام ابليس بالجنه
اريام:ولا سعود يتزوج
سعود خزها وراح لغرفته
دخل غرفته و بدل ملابسه و انسدح على سريره
و كان يفكر بكلام اريام ، والي فباله مو قادر ينساها
اريام:شفيه نفسيه
سعد ضحك:ما تعودتي
اريام:لا ما تعودت عليه كذا
دلال:اريام تروحين معي؟
اريام:وين بتروحين
دلال:لغرام بزورها ببيتهم
اريام:يلا دقايق أغير لبسي و اجي
الساعه ٥ العصر
سلمى:ساره و صمخ
فزّت ساره من نومها
ساره:بسم الله الرحمن الرحيم فيه احد يقعد كذا
رمت عليها سلمى علبه منديل
سلمى:ماني أسيل ولا صديقاتك تكلميني كذا قومي يلا
قامت ساره و ماهي بوعيها مانتبهت على الطاوله و صقعت فيها
قامت تضحك أسيل بصوت عالي و تصورها
"ببيت نايف "
رايد : يبه
نايف : وصمه
رايد : ابي اخطب
نايف : ومنهي الخبله الي تبي تأخذك ؟
رايد : يبه رجاء بدون تحطيم
نايف : خلص خلص منهي بنته
رايد : ديم ديم بنت فيصل واخت عزيز
فهد قام يضحك
رايد : عفوا قلت شي يضحك سيد فهد ؟
فهد : خبله إذا قبلت فيك
رايد : وش هالعايله المحطمه لو قايل لامي ابرك
نايف : وليه ماتنقلع لامك لا اشوتك بهالعصا
رايد قام وقال : احسن لي
فهد مازال يضحك
نايف : ماودك تنقلع انت الثاني
فهد : ابشر
رايد راح لامه
رايد بدون مقدمات : ابي أتزوج
هيله : هذي الساعه المباركه ياوليدي اني أشوفك عريس من بكره أدور لك
رايد : موجوده
هيله : ومنهي ؟
رايد : أخت عزيز ديم
هيله : ونعم فيها من بنت خلاص بكره اخلي غرام تكلمها ان وافقت اخلي الرجال يخطبون رسمي
رايد : خليها اليوم
هيله : صاحي انت
رايد : يمه تكفين أنا آخر عيالك
هيله : امري لله جب جوالي
رايد راح يجيب جوالها
هيله دقت على غرام وقالت لها كل شي
قفلت غرام من جدتها
وكان عزيز عندها وشايل بنتهم " رُوح "
غرام : عزيز
عزيز : عيونه
غرام : رايد يبي يخطب ديم ويبي يشوف إذا هي تبيه عشان يتقدمون رسمي
عزيز : وليه ماتقولين لها انتي مب عمك
غرام : وهي أختك
عزيز : خلاص بقولها بكره
غرام : الاخ مستعجل قلها الحين لا يموت علينا
عزيز : خله يموت
غرام : هيي مارضى على عمي
عزيز بتقليد : هيي مارضى على عمي وطلع
ضحكت غرام
"بغرفه ديم "
دق الباب : تفضل
دخل عزيز : مشغوله ؟
ديم : لا
عزيز : اسمعي في واحد متقدم لك...
قاطعته ديم : لا مابغى أتزوج الحين ابي اكمل دراستي
عزيز : نشرط عليه تكملين دراستك بعدين ماتبين تعرفين منهو؟
ديم : مين
عزيز : رايد
ديم باستغراب : عم البنات ؟
عزيز : ايه شوفي حنا محنا جابرينك على شيء صلي استخاره وشوفي وطلع ( ملاحظه عزيز علم أهله قبل لا يقول لها )
طلع عزيز انسدحت ديم على السرير والابتسامه شاقه وجهها وتفكر
" بعد شهر "
رايد : يمهه
هيله : يارب صبرني على هالولد ماردو خلاص يمكن البنت ماتبيك طول هالشهر وانت تسأل
راح رايد للحوش الخلفي وبدا يفكر بكلام امه هي فعلا ماتبيه ؟ صار متكلمين بالموضوع من شهر
عند غرام
بدت تطلع لبس لها ولروح عشان الطلايع طلعت فستان لروح بيبي بينك مع
ربطه لشعرها على شكل فيونكه اما غرام طلعت لها فستان ابيض علاق وسوت
شعرها ويفي
( الي مايعرف وش يعني طلايع يعني يذبحون عشان سلامه الأم وبنتها او ولدها أتوقع كذا )
لا تنسون النجمه حبايبي
