بعد فتره هدت فرح بس كانت مصره على الطلاق
سعد:السلام عليكم
محمد:وينك انت
جلس سعد:مع اخوياي خالتي منى جت؟
اريام:اي جت
ابتسم سعد قام حظن اريام،كانت دلال تصورهم و نزلتهم ستوري
عند ساره كانت تتابع مسلسلها كل عاده ،فتحت جوالها وشافت ستوري دلال
حست بغصه و نار تحرقها من داخل يوم بدت تحبه طلع يحب بنت خالته،كانت تبكي بدون صوت اول مره تتعلق بأحد كذا وتحب احد كثر سعد رغم أنها ما شافته إلا مرتين او ثلاث
أسيل:ساروه افتحي الباب اخلصي
مسحت ساره دموعها بسرعه و فتحت الباب
رفعت حاجبها:شفيه وجهك
ساره:مافيه شي بس قمت اعاطس أكيد من الغبار المهم وش تبين
أسيل:قررت أذاكر تذاكرين معي؟
ساره:تمام دقايق و أجيك
(للعلم كان العصر)
سعد:ارياموه الناس تكبر تزين انتِ تكبرين تشنين
خزته اريام:اقول لا تمون
ضحك سعد ، طلع سعود من غرفته وهو منفس
ابتسمت اريام و قامت:شخبارك سعود
طنشها سعود و راح للمطبخ،حزت بخاطرها
سعد:ما عليك منه معقد احمدي ربك شفتيه اليوم أتحدى ان شفتيه مره ثانيه
ناظره سعود وقال:ما يخصك بالله اذلف و خلك بنفسك
ضحك سعد:إذا قلنا الحق سكّتنا حلوه ذي
عصب سعود:قلت لك ما يخصك تفهم ولا ما تفهم
قام سعد:وإذا ما فهمت وش بتسوي
<مافي احد غير دلال و اريام و سعد وسعود>
قامو البنات يحاولون يهدون العيال
سعود:بدوس عليك فاهم
عصب سعد:جرب بس اكسر رجلك
سعود بصراخ:تاكل تبن و تحترم الي اكبر منك تعال
مسك سعود سعد كان يضربه بكل قوته و كان يصارخ و يقول كلام مو مفهوم لأكن الي قدرو يفهمونه <قلت محد يتدخل فيني ما عشتو الي أنا عشته ما تتدخلون فيني>
عبدالله بصراخ:شلون ابي افهم شلون
ياسر:هاذا الي صار ما قدرو يمسكونه
عبدالله مسك ثوب ياسر و قال:ان ما جبتوه قسم بالله ما تشوفون خير برا برا
طلع ياسر و قام عبدالله يكسر أغراض الغرفه بدون ماينتبه ليده
-
سمع رعد صوت تكسير من مكتب أبوه فتح الباب بقوه لقى أبوه يكسر الأغراض و ايده غرقانه بالدم من القزاز
-
بيت جديد (آل ماجد)
كلهم كأنو متجمعين و جالسين بالمجلس
ماجد:اي والله انك صادق عليهم كرم و طيب
راكان:اي والله ما شاء الله
ليليان:لا تجيبون طاريهم عندي
راكان:انطمي اشوف ما بقى إلا البزر يسكتنا قومي أشوف
قامت ليليان وهي معصبه قررت تتصل على سميه صاحبتها
ليليان:ميمي تكفين عجزت أتحمل
سميه:شفيك يا بنت
ليليان وهي تبكي:انحرق يوم يجيبون طاري غرام وهي زوجه عزيز لا قالو غرام حرم عزيز نار بداخلي
سميه بشر:طيب الخطه نخلي غرام تنفر منه
ليليان بعصبيه:يا غبيه لازم عزيز هو الي ينفر منها
سميه:لا غرام لان مو تقولين عزيز مهووس فيه غرام لو جاء الرفض من غرام ما يقدر يرضيها
ضحكت ليليان بصوت عالي ،اتفقو هي و سميه يسوون محادثه فوتوشوب بين عزيز و ليليان و يرسلونها لغرام
-
فكو سعود من سعد بصعوبه
سعود:الي مثل اشكا..
قاطعه محمد بكف من قوته طاح سعود على الأرض
محمد بعصبيه:ما تستحي يا قليل التربيه تضرب اخوك بهالشكل ما تستحي أنت شكلك ما تربيت
مسك عقاله محمد
نطقت منى:دلال اريام بسرعه لدور الثالث ،راحو البنات لسطح عشان ما يسمعون الصراخ جلسو وهم يرجفون
-
نطق سعود بصراخ:اضربني يلا اضربني تبيني افسخ لك البلوزه تبشر ،شال سعود البلوزه الي لابسها انخرعو من بشاعه المنظر كان ظهر سعود كله علامات و جروح كبيره ،انصدمو كل الموجودين حتى سعد و ماننسى باسم الي طلع من صراخهم
سعود ناظر سعد:شفت الي بظهري هاذا كله خليت أبوك يضربني عشانك و عشان خواتك كل ما جاء يمد يده عليكم أنا الي أوقف بوجهه و إذا جاء معصب يفرغ طاقته فيني بدون اية سبب
-
كأنو البنات يسمعون لأنهم نزلو من هداء الصوت
كانت دلال تبكي بدون صوت وهي تشوف جسم سعود الي كله علامات
-
كمل سعود ناظر لمحمد:بتفرق لو ضربتني انت ماراح تفرق بالعكس بنبسط تدري ليه؟لأني تعودت ولا صرت احس بشي بالعكس اتلذذ لما تضربوني لأنها مو اول مره ولا بتكون آخر مره
ناظر سعود لدلال الي كانت تبكي بانهيار ، دخل غرفته و قفلها
(نرجع لفرح و فواز اقترحت منى عليها أنها تروح عند أهلها تريح كم يوم و تفكر فيها)
اليوم الثاني الساعه ١٠ الصباح
ساره:أسيل تكفين ذاكرت بما فيه الكفايه امس
اسيل:ياخي اشرحي لي ذي
تأففت ساره و قامت تشرح لها
" بالمستشفى "
خلص مغذي عزيز وبيطلعون وجاها اتصال وماكان لها خلق ترد وقفلت الجوال
غرام : يوجعك شي ؟
عزيز بابتسامه: لا
ركبو السياره وغرام قعدت تطقطق بالجوال
وكان عزيز يناظرها ويتذكر خوفها عليه وابتسم اكثر
عزيز : تبين نمر كوفي
غرام : اي
"ببيت تركي ال نايف "
فهد : فارسس ياحييييوانننن ويين تشيرتيي
فارس : وانا وش مدريني مب كل ما ضعيت شيء قلت فارس وفارس
فهد : خلص وين التيشرت
فارس : ماعرف
فهد : ماتعرف وراح لدولاب فارس ماتعرف اجل هاه؟
فارس : هو جاء من نفسه
فهد : احلف فرعون جاء وحطه بدولابك مثلا؟
فارس : يمكن
ببيت ال عساف
عبدالله : مالي دخل أنا ابي حقي من الورث!
فيصل : صاحي انت تورث ابوك وهو حي
مشعل : ياحسافه تربيت أبوي فيك بس
عبدالله : أنا ما قلت شي ابي حقي!
دخل عساف للبيت : وش فيكم
عبدالله : ابي حقي من الورث
عساف ضرب عبدالله كف وقال : تبي تورثني وانا حي ياقليل الأدب
عبدالله بعصبيه : حقي وانا حر فيه ! ابي فلوسي!
مشعل : لا ترفع صوتك على أبوي لا يصير لك شيء مايعجبك
عبدالله : وش تبون تسوون مثلا؟ هاه وش تبون تسون ماتقدرون تسون شيء أصلا وانا ماقلت شيء غلط ابي حقي من الورث!
كان رعد يناظر وبدا يتذكر فلاش باك
" مزون : فك الباب الولد راح تذبحه
عبدالله : الولد ماتربى يبي له تربيه من اول وجديد
كانت مزون منهاره بس تسمع صراخ رعد ومب عارفه وش تسوي
عبدالله شاف رعد بدأ ينزف دم تركه وطلع
مزون دخلت وحضنت رعد : يمه ولدي وش يوجعك
رعد بصوت مبحوح: كل شيء يمه كل شيء
مزون : حسبي الله عليك ياعبدالله جعلك ماتتوفق وين ماراحت
"انتهى"
عند عزيز وغرام
دخلو الكوفي
عزيز : وش طلبك
غرام : V60
عزيز : تمام
وراح طلب
وغرام راحت تجلس
لا تنسون النجمه حبايبي🥹🩵
