{ اليوم ثاني }
دخل البيت وهو مو طايقه نفسه حتى
شافها نازله من الدرج راحت لها ونطقت :
جبت ورقه طلاقي !
رعد : لا
نجد : خلاص اجل بروح لبيت اهلي وورقه طلاقي توصلني قبلي !
رعد بصراخ : وانتي مصره على هذا الطلاق
نجد والغصه ( فيها لان ماتحب احد يصرخ عليها ) :
اي مصره عليه
رعد : الطلاق مهب بسيط يانجد
نجد : بسيط ولا ماهو بسيط بتطلقني يعني بتطلقني
رعد بعصبيه : الموضوع هذا انسيه من سابع المستحيلات اني أطلقك سامعه ! وطلع برا البيت
<< تمر الليالي والسنين >>
[ بعد مرور 5 سنوات
" عند أبطالنا "
يتمشون بالبحر وهي حامل بالشهر الخامس وماسكه يد رُوح الي تبلغ من العمر 5 واليد الثانيه حاضنه فيها
يد عزيز
روح بصوت طفولي : بابا ابي هذا الحلاو
عزيز : ابشري كم عندي روح انا
لفت على امها وطلعت لسانها : بابا يشتري لي حلاو وانتي لا
ضحكو عزيز وغرام
[ بجهه ثانيه ]
ساره : سعدددد تعال خذذ ولدك خرا عليك وعليه
سعد : وشفيك بس تصارخين
ساره : خذ ولدك وطس انت ويه
سعد : تعال سند بابا
جاء سند لسعد
سند : ماثويت ثيء هي تكثب
ساره : أنا اكذب يالبزر
سعد : خلاص تحطين عقلك بعقل بزر؟
ساره : شف لسانه الطويل الي يبي له قص
سند : لثاني طويل طالع عليك
" عند رايد وديم "
رايد قط نايف على ديم : ولدك ذا توبه اخذه معي مكان
ديم : احسن اسمع نيوفي حبيبي دايم روح مع ابوك ترا عنده فلوس ويوديك لمول وخليك تلعب وتسوي الي تبيه
نايف : صدق ماما
ديم : اي صدق
"عند نور و سعود"
نور:سعود خذ فرح بالله راسي مصدع
شال سعود فرح وقال:ليش تزعجين ماما وش قلنا
فرح ببراءه:خلاث اثفه (خلاص اسفه)
سعود:الحين شرايك أوديك بقاله
نطت فرح و قالت:يث يث (يس)
ضحك سعود و شالها و طلعو
" عند أسيل و فهد"
فهد:أسيل تأخرنا يلا
اسيل:خلصت يلا خذ شنطه سلطان (للعلم سمته على اسم أبوها)
"عند فارس وريلام"
فارس:عاش عاش انوسي اي
ريلام ماسكه رأسها:اكبر غلط سويته بحياتي اني أخذتك
فارس:وش فيني قاعد ارقص مع ولدي
انس:ثح ماما وين لعبتي؟
ريلام : قل لأبوك أنا وش دراني
تافف و كمل يرقص
"عند عبدالعزيز و ملك"
ملك:عزوزي
عبدالعزيز:قلبه
ملك:بالله خذ عني جوجو
شال عبدالعزيز جوري و بدأ يلعب معاها
ملك:اي بنت أبوها بس تبيك انت
عبدالعزيز:بدينا غيره
ضحكت ملك و جلست بتعب
" الكل وصل المزرعه "
الشباب يسولفون قطع سوالفهم
بكاء فرح ووراها انس
فرح : بابا ثف انس مايحليني العب نايف
سعود : وليه ان شاء ماتبي بنتي تلعب
انس : هذي زوتثي محد يلعب معها غيلي
فارس : اعقب ياولد وش هالكلام
مسك يد فرح ومشى لف عليهم وقال : زوجتي ومحد له دحل وكمل طريقه يمشي
" عند البنات "
دخل عليهم انس :
من الحين أقولكم هذي زوتثي سامعين
ومحد له دحل حتى امها وأبوها ثامعيين
" تسريع الوقت شوي "
بعد ما الكل نام
ارسل عزيز لغرام عشان تجي
راحت له فتح لها حضنه وتقدمت تحضنه
عزيز : ماجاني نوم قلت أرسلك
غرام : ولا انا ماجاني
كانو يناظرون القمر مع بعض
نطق عزيز : اللي يقول إن القمر . . ماله شبيهه ما يدري أن غرام طمس نور القمر ؟ ما فيه وجه يشبهه بين الوجيه أقرب شبيه لـ وجهه الموت الحمر
ابتسمت غرام وقبلت خده
تم بحمدالله ختم مخيلاتي الاولى { ياعيون الغرام
جرتي العشاق جور الأيام ومراره لياليها }
2024/9/26 ❤️وكان معكم الكاتبات ساره ، أسيل
