『Unicode』
အခန်း ( ၁၈ ) : ရွှေတြိဂံ၏ သဘောထားကွဲလွဲသော မြင်ကွင်း။
※※※※※※※※※※※※※※※※※※※※
နေပြန်ကောင်းပြီးသည့်နောက် ဝမ်းရန်သည် တစ်ဦးတည်း ပြင်းပြင်းထန်ထန်စာဆက်လေ့လာခဲ့သော်လည်း ကားဂိတ်ကိုသွားရန် ထိုလမ်းအား လုံးဝအသုံးမပြုတော့ပေ။ ဆန့်ကျင်ဘက်အနေနှင့် စုန့်ရှုအန်း၏ နောက်ဆက်တွဲက ပိုပြီး ပြင်းထန်လာသည်။ သူဟာ ဝမ်းရန်ကို တစ်စုံတစ်ရာပြောချင်သည့်အလား ဝမ်းရမ်ကို မကြာခဏကြည့်လာတတ်သည့်တိုင် မပြောပါချေ။ နောက်ဆုံး တစ်နေ့၌ သူ ချီတုံချတုံဖြင့် မေးလာတော့သည် : " ဘယ်လိုလုပ်ပြီး မင်းက သူနဲ့ဖြစ်........ "
စုန့်ရှုအန်းတစ်ယောက် မည်သည်ကို အထင်လွဲနေသလဲနှင့် မည်သည့်အတိုင်းအတာအထိ မှန်းဆထားသလဲ သေချာလှ။ဝမ်းရန်မှာ သူ့ကို အလုံးစုံမပြောပြနိုင်သဖြင့် အကျဉ်းရုံးသာပြောရတော့သည် : " ဇာတ်ကြောင်းရှည်ပါတယ်.... "
" ကောင်းပြီ။ " စုန့်ရှုအန်းမှာ စာနာရိပ်များထင်ဟပ်လာပြီး : " ငါ မင်းကောင်းဖို့ မျှော်လင့်ပါတယ် "
ကိုယ်စိတ်ဆင်းရဲစရာ နောက်ဆုံး စာမေးပွဲပြီး၍ နှစ်ရက်မျှ နားပြီးသည်နှင့် သူတို့ နွေရာသီစခန်းသွင်းသွားရန် အသင့်ဖြစ်နေကြချေပြီ။ ဝမ်းရန်၏ ခရီးဆောင်အိတ်လေးမှာ သနားစရာကောင်းအောင် သေးငယ်သည့်တိုင် သူ အကုန်ထည့်ပြီးတာတောင် အိတ်၏ တစ်ဝက်မျှသာ ပြည့်ပါ၏။ ယင်းသည် သူ တရုတ်ကို ပြန်လာစဉ်က ဤမျှသာ ယူလာခဲ့ကြောင်း အမှတ်ရမိသည် ၊ သူ့ပိုင်ဆိုင်သမျှအားလုံးပင်။
အောက်ထပ်မှ ရုတ်ရုတ်သဲသဲဖြစ်သံတွေကြား၍ ဝမ်းရန် တံခါးဖွင့်ကာ ထွက်ကြည့်လိုက်၏။ ချန်ရှု့ဟွေ ပြန်လာသည်ပင်။သူမသည် လူမှုဆက်ဆံရေးပွဲတစ်ခုမှ ပြန်လာပြီး အနည်းငယ် ထွေနေသည့်ပုံပေ။ ဝမ်းရန် သူမကို ကူညီရန် အောက်ထပ်ဆင်းလာလိုက်ပြီး အန်တီိဖန်းကတော့ ပျာပျာသလဲနှင့် အမူးပြေဟင်းရည်သွားလုပ်ပေးသည်။
ချန်ရှု့ဟွေကို အခန်းကူပို့ပေးပြီးနောက် သူမဟာ လက်ကိုင်အိတ်ကိုပစ်ချကာ pajamasလဲရန် အဝတ်လဲခန်းသို့ ထင်သွားသည်။ အိတ်ကို ဆိုဖာပေါ်မှာ ပစ်တင်ခဲ့သဖြင့် ဖုန်းက လျှောကာ ကော်ဇောပေါ်ပြုတ်ကျလာသည်။ ဝမ်းရန် သွားကောက်လိုက်ရာ စခရင်က လော့ပွင့်နေသည်အား တွေ့လိုက်၏။မက်ဆေ့ခ်ျဘားတန်းတွင် မက်ဆေ့ချ်တစ်ခု ပေါ်လာသည်။ ပေးပို့သူမှာ မန်နေဂျာလျိုဖြစ်ပြီး မက်ဆေ့ချ်၌ နံပါတ် နှစ်လုံးသာပါသည် : 10 , 3 .
![](https://img.wattpad.com/cover/367601023-288-k785138.jpg)
YOU ARE READING
အဆုံးမဲ့ည၌အကျဉ်းကျခြင်း || ဘာသာပြန် ||
Romance97.5% " ကုယွင်ချီ ၊ မင်း လွတ်လပ်သွားပြီ။ ငါ မင်းအတွက် ပျော်ပါတယ် "