متنسوش التصويت والتعليق وإذا كان في أي انتقاد أو تساؤل عند البعض سأتقبّله بصدر رحب ..
الفصل القادم لو اتأخر شوية أرجو المعذرة منكم عشان عندي امتحان يوم الثلاثاء، دعواتكم معايا ♥️
قراءة ممتعة ♥️
______________________________________
دق بهيج على باب الشقة ووقف ينتظر الرد، بضع ثواني وفُتح الباب ليظهر من خلفه والد زبدة "راضي" ، وسرعان ما اعتلت الضحكة وجه بهيج دون تحكُّم صائحًا قبل أي سلام :
_انت لسة بـ فنلّتك من ساعتها ؟؟
نظر له راضي بملل شديد وهو يطالعه باستصغار، بينما لم يتوقف بهيج عن الضحك مضيفًا تعليقًا آخر :
_خد قرض وهات تكيف يا عمي بدل ما إنت حران على طول كدا
وازدادت ضحكاته بعنف، مردفًا :
_قرض بضمان الفانلّة
لم يلتفت راضي لأي من حديثه وردد باستحقار :
_إنت جاي تهزر؟؟ لأ و ليك نِفس تهزر أوي؟
بينما تضاعفت ضحكات بهيج بشدة وهو يجيب :
_وهو اللي يشوف فلنّتك يتكلم جد إزاي ؟؟
_ايه اللي جابك يا عديم الإحساس إنت؟ بقى يهون عليك تجيب البنت الغلبانة دمعتها على خدها ومكسورة الخاطر ؟
_إنت عارف أصلًا ايه اللي حصل؟
_لأ معرفش عشان بنتي أصيلة مش بتطلع أسرار بيتها برا، بس يعني هتسيب البيت ليه إلا لو حضرتك زعّلتها؟
_الله عليك يا عمي يا أبو المفهومية يا اللي بتلقطها قبل ما تطير حتى ... عدّيني بقى كدا؟
تحدث بانبهار ساخر ثم تحولت ملامحه إلى الملل مع طلبه الأخير وهو يزيحه عن طريقه ليدخل إلى المنزل عنوة، فسارع راضي يوقفه :
_تعالى هنا رايح فين !؟
_داخل للبت بتاعتي عايز ايه؟؟
_ليه مفيش حد تستأذنه؟؟ طرطور أنا ؟؟
أخفض بهيج بصره لملابس راضي وعادت ضحكته تصارعه من جديد لتظهر وقال :
_بالفانلّة دي اه !
اتسعت عيون راضي بصدمة، بينما تحرك بهيج إلى الداخل وكأنما يتجول بين أرجاء بيته صائحًا بصوت جهوري مُفزع :
_زبدة !!
انتفضت زبدة على صوته المفاجئ ونهضت في دهشة راكضة نحو باب غرفتها لتفتحُه وتخرج إليه، قابلته في وجهها وهتفت بسخط :
_إيه اللي جابك هنا؟؟
التفت لها وتحدث بحدة غير مقصودة ؛ولكنه فقط غاضبًا من قرارها بترك المنزل :
YOU ARE READING
عَصْر الدبَابِير || AGE OF HORNETS
Actionرُبـمـا لا بَـأس أن تَـقـعِي في حُـب واحدٍ من الـدبَـابـيـر، ولـكن هل سـتستطيعينَ تَـفـادي لَـدغـاتِه؟؟ حـسنًا إن كُـنتِ مُـصـرّة، فـيـوصى بـاقتناء خوذة و درع قبل الانـخـراط بين هؤلاء الأشباح المجرمين لتجنّب أي إصابات .... رِحـلـة حُـب سَـعـيدة ~ . ...
