Unicode
" မြေ့အိမ်ရေ ဟိုအပတ်က အသစ်ဝယ်လာတဲ့
အကျီရှာပေးအုန်း "
" မြေ့အိမ်ရေ ကိုယ့် boxer တွေဘယ်နားထားလဲ"
" မြေ့အိမ်ရေ မနေ့ကလျော်ခိုင်းထားတဲ့ polo shirt လေးရော "
" မြေ့အိမ်ရေ မီးခံသေတ္တာပေါ်က ဖိုင်တွဲရော
တွေ့မိသေးလား "
အိပ်ခန်းဆီကနေ ကြားနေရသောအသံတွေ
ကြောင့် ဆွေးမြေ့ စိတ်လေသွားရသည်။
ဟင်းချက်နေတာ ကောင်းကောင်းမချက်ရ။ မိုးလင်းကတည်းက မြေ့အိမ်ထဲ မြေ့အိမ်နေတာ မပြီးနိုင်မစီးနိုင်။ တူတူနေတာ ကြာလာလေလေ အကြောင်းပိုသိလာလာပဲ။ ပိတ်ရက်မို့ နားရမယ် မထင်လိုက်နဲ့ ခုလို ခေါ်သမျှကို လိုက်လုပ်ပေးနေရတာအမော။ခုလဲ သူမလာမခြင်းအော်နေတော့မှာမှန်းသိတာမို့ ပေါင်းအိုးခလုတ်လေးကို
နိုပ်ခဲ့ပြီး လူရှုပ်ကြီးဆီလာခဲ့ရတော့သည်။
" မှိုင်းရာ တစ်အိမ်လုံးကို ဆူညံနေတာပဲ
ကျွန်တော်ဟင်းကောင်းကောင်းမချက်ရတော့ဘူးလား "
အခန်းထဲ ဝင်ရင်း ပါးစပ်ကပါ ရေရွတ်လိုက် တော့သည်။ မှိုင်းကတော့ အပေါ်ပိုင်းဗလာနဲ့ အောက်က boxer တစ်ထည်သာ ဝတ်ထားပြီး ဘီဒိုရှေ့ခါးထောက်လျက် ဟိုရှာဒီရှာလုပ်နေ၏။
" ဟာ ဖယ်ဖယ် အဲတာတွေကို ဆွဲမထုတ်နဲ့လေ
ပွကုန်ပြီ မှိုင်းဘာလိုချင်တာလဲပြော "
အိမ်နေရင်း သီးသန့်ထည့်ပေးထားတဲ့ အကန့်ကို ဆွဲထုတ်နေသဖြင့် ကြားထဲဝင်ကာတားလိုက်ရ၏ ပြီးရင်သူပဲအလုပ်ပိုမှာလေ ။
" ကိုယ်ကမဖွပါဘူး ရှာနေတာ "
" ဟုတ်ပါပြီဗျာ ဘာလိုချင်တာလဲပြော "
" အရင်ပတ် shopping ထွက်တုန်းက
မြေ့အိမ်ရွေးပေးထားတဲ့ ညဝတ်အကျီဝမ်းဆက်"
" အဲတာက ဒီဘက်ခြမ်းမှာ ဒီဘက်က အတိုတွေထားတာ ဒီဘက်မှာက အရှည်တွေ"
ဆွေးမြေ့က အဝတ်တွေကို တစ်ထည်ခြင်း
လှန်ပြီး ရှာပေးလိုက်သည်။
" တွေ့ပြီ ဒါမို့လား "
သူ့နောက်မှ ရပ်နေသူထံ ကမ်းပေးလိုက်၏။
YOU ARE READING
မှိုင်းညှို့အိမ် ( Complete)
RomanceWarning ⚠️ ပေးတာမို့ Sensitive ဖြစ်လျှင်ကျော်ဖတ်ပါရန် မေတ္တာရပ်ခံအပ်ပါတယ် Party တစ်ခုမှ ဆေးမိပြီး လူတစ်ယောက်နဲ့အိပ်ခဲ့မိတယ်။ အဲလူက ကျွန်တော့်အလုပ်ရှင်ဖြစ်နေတယ် ၊ ကံကောင်းတာတစ်ခုက သူက ကျွန်တော့်ကို မမှတ်မိဖူး ။ စိတ်မရှည်တဲ့ CEO နဲ့ ပြာယာခပ်ပြီး မဟု...
