Unicode
" ရောက်ကြပြီလား လာလာ "
ကားပေါ်ကဆင်းလာသော သူတို့နှစ်ယောက်ကို
မသူဇာက ကလေးတစ်ဖက်ချီထားရင်းထွက်ကြိုလေသည်။
" တိတ်နေပုံထောက်ရင် မေချိုကတရားနာခိုင်းထားပုံပဲ "
" ဒါပေါ့ဆွေးမြေ့ရယ်... မောင်လင်းညှို့ လာလေ"
" ဟုတ်ကဲ့ "
သူတို့ လာတဲ့ချိန်က မနက်၉နာရီပင် ဒီချိန်ဆို ဂေဟာတစ်ခုလုံးကတိတ်ဆိတ်နေသည်။ကျန်တာကြောင့်တော့မဟုတ် မနက်စာစားပြီး ကလေးတွေအား ဘုရားရှိခိုးတရားထိုင်ခိုင်းခြင်းသာကြောင့်။
" အိုးး အေးပါကွယ် တိတ်ပါနော် "
လက်ထဲမှချီထားသော ကလေးလေးက စူးစူးဝါးဝဝါးအော်ငိုလာတာမို့ မသူဇာကချော့မြူနေရ
သည်။
" ကလေးက ငိုလှချီလား "
" ဟုတ်တယ် ဆွေးမြေ့ရယ် နိူ့လဲတိုက်ပြီးသား
ဒိုက်ပါလဲ အသစ်လဲထားပြီးပြီရယ် "
" ကျွန်တော်ခနချီချင်လို့ "
" အေးအေး ရော့ "
ဂေဟာ ဧည့်ခန်းဆိုဖာတွင် ထိုင်နေကြတာဖြစ်
သည်။ မသူဇာက ကလေးအား ဆွေးမြေ့လက်ထဲ လွဲပေးလိုက်၏။
" ကလေးလေးက ချစ်စရာလေးပါလား ကလေးလေး ဘာလို့ငိုနေတာလဲကွာ တိတ်ပါနော်"
ဆွေးမြေ့က အနှီးထုတ်ထဲက နီတာရဲလေးကို ချော့မြူလိုက်သည်။ စောစောကပြဲလန်နေအောင် အော်ငိုနေသော အနှီကလေးငယ်က ခုများတော့သူမဟုတ်တော့သလိုပင် အငိုတိတ်သွားကာ မျက်ဝန်းဝိုင်းလေးများဖြင့် စိုက်ကြည့်နေ၏။
" အခုကျတော့လဲ ငြိမ်နေတာပါလား ဆွေးမြေ့ကို သဘောကျတယ်ထင်တယ် "
" ဟုတ်ပါရဲ့ ... မှိုင်း ကြည့်ပါအုန်းဗျာ သူက
ကျွန်တော့်ကို သေချာကြည့်နေတာဗျ"
ဆွေးမြေ့က သူ့ဘေးက မှိုင်းထံ ကလေးအား စောင်း၍ပြလိုက်တော့သည်။
" ဟုတ်ပ မျက်လုံးတွေက မြေ့အိမ်လိုပဲ ကြည်တောက်ပြီး မျက်တောင်ရှည်လေးတွေနဲ့ပါလား "
" ဒါဖြင့် အမ ဟင်းချက်လက်စကြီးမို့ နောက်ထဲသွားအုန်းမယ် ကလေးကိုကြည့်ထားပေးအုန်း"
YOU ARE READING
မှိုင်းညှို့အိမ် ( Complete)
RomanceWarning ⚠️ ပေးတာမို့ Sensitive ဖြစ်လျှင်ကျော်ဖတ်ပါရန် မေတ္တာရပ်ခံအပ်ပါတယ် Party တစ်ခုမှ ဆေးမိပြီး လူတစ်ယောက်နဲ့အိပ်ခဲ့မိတယ်။ အဲလူက ကျွန်တော့်အလုပ်ရှင်ဖြစ်နေတယ် ၊ ကံကောင်းတာတစ်ခုက သူက ကျွန်တော့်ကို မမှတ်မိဖူး ။ စိတ်မရှည်တဲ့ CEO နဲ့ ပြာယာခပ်ပြီး မဟု...
