السلام عليكم
رواية في عداد الاعمار
الفصل 20
نورا ناصر
لو جئتني لوجدتني، يعقوب أعماه الفراق، وليس غيرك يوسفي.
ضحكت عليه بالأول بس بعدين لحظة تذكرت هو صح متزوج وامي گلتلي طلگ لأن مرته ماتجيب أطفال واكدتلي هالشي حتى خالاتي گالن صايرة مشاكل بينهم
بس الفار لعب بعبي جيت اسأله عن مرته بس ترددت وحاجيت نفسي گعدي وسكتي انت متزوجته علمود غاية
رايده اوصل لسعود
ماريد اكبر راسه من هسه ويگول تغار عليه من طليقتي
وتحبني وتهتم لأمري ومدري شنووو ، انه اصلا ماردته وبسبب المصايب الي طاحت على راسي نسيت جان متزوج
شگول عليچ إيمان وبشنو ورطتيني
جاي احاجي نفسي بدون مااباوعله
سمعت صوته اجاني يحجي بخشونة
ليش مالبستي الفستان الوردي جان راح يطلع عليج كلش حلو
باوعتله شفته محاوطني بنظراته المتروسة غموووض..
انه وين والفستان الوردي وين وانت بذات نفسك وين استمريت احجي بداخل گلبي..
سكتت ثواني ما جاوبته بعدها بادرت
وگتله تگدر توصلني لأخوي؟
ابتسم بثواني مجرد شبح ابتسامة جانبية
وهز راسه مدنگ وگال 'يجرالچ'
بقيت أباوعله متعﺟبة ليش گال هيچ.. اصلا خوفني ويه نظرته وابتسامته حسيت بلحظتها هالرجل الي گدامي مليان أسرار...
رفع راسه تقابلت نظراتنا بصمت اجزاء من الثواني
وسألته باختصار واستعجال بس يمتى؟
رد بالوقت الي يعجبج
تحمست وانا اوجه اله كلماتي انه وابوي وغفران
ااقصد خطيبة سعود
گال يصير
تقدمت بجسمي ليگدام وگتله يعني باجر ميخالف نروح؟
گعد بأريحية وببرود وايده على فكه وبتطليعة غريبة من عيونه
گال ماشي .... وبعد لحظات صمت گال جهزوا حالڪم....
رخيت ظهري وارتكيت على القنفة بارتياح وتنفست الصعداء....
يعني اخوي عايش واكيد مايجذب عليه يعني يوديني مثلا انا وابوي وغفران اكيد نشوف سعود ونرجع
رجعت لبداية حديثنا وگتله اجاوبك على سؤالك هسه
انعگدت حواجبه بتساؤل...
وجاوبته مالبست الفستان الوردي لأن اخوي مادارت سنته وما هان عليه
وهو بعيد بتظراته عني گال براحتچ...
مبين حجر جلمووود وماينطاق بارد حييل مدري شيحس مدري شيحس كلماته مختصرة نظراته غامضة حركاته مريبة خوووفني منه حييل
أنت تقرأ
في عداد الأعمار
Romanceأعرفُ أنكِ فتاةٌ باردة تشبه الجنازة، تشبه الوطن، وتشبه نفسها أيضاً إنكِ روحٌ لا يستطيع الكل فهمها، وما لا نستطيع فهمه، مقدّس..
