أرث بالدم|| باللهجة العراقية

part 14

- بأسمع تعالى -
أرث - بالدم
.
.

اتمنى لكم قراءة ممتعة
لاتنسون التصويت و التعليق لطفاً
.
.

عَزيز العُمر
بَس والله فلس مايسوى
مِن دونچ
وعَزيزة العين
بَس شتفيد اذا ما شافت
عيونچ
.
.

ميسر

ماكو شي يأذي اكثر من موت شخص عزيز عليك وحش الحزن يمتص كلشي حي بروحك و يفتك بي وينهي

مو اللي صار وياي صدمني مصيبة وگعت على راسي عقلي ما تقبلها شحال گلبي نار اشتعلت بي ما اضنها تنطفي

وصلت هناك شفت بعيني ياريت عيوني نعمن ياريتني ماصرت ولا وصلت لهذا اليوم ولا شفتة

كل ما تكثر الايام كل ما يزيد الحزن بگلبي الوجع صاحي والافكار تمرد بروحي بمكاني ومن القهر انشال لسابع سمة و انشمر لسابع گاع

ماضن واحد غيري يبقى بعقلة و يبقى صاحي موت ماما كسرني بس اللي دموني اكثر طريقة موتها الصور و الاثار الشفتهة نهت كل تعقل عندي

نطفت الدنيا بعيوني لحد يوم الأربعين اني مامقتنعة حتى من شفتهة بثلاجة الموتى حتى من دفنونها گبال عيوني

نطفت روحي برد كلشي بية مشاعري كلهة استهلكتها دموعي جفت وصوتي راح على كد الصريخ الصرختة

لو اذبح روحي من حزن ما اوفيها ماما تحملت هواي لخاطري هو البشر شكد مابين قوي داخلة لين هي سمعت اطنان الحجي وتحملتة لعمودي

من طفولتي اشوف ماما تتعذب ماتبجي گبالي ولا تبينلي وجعهة وماتت ما جنت وياهة مثل ماهي وياي

شلون راحت لوحدها بذاك البيت البارد ماتت وحيدة وبقت جثة محد مر عليها مايسترها شي

عصرت عيوني ايدي تجري دم من گد ما اعضعض بيهة باوعت لبرهان لغافي خاف يفز على صوتي ابجي

طلعت برة البيت يخنگني الحياطين تضغط على صدري حاولت افتح  غرفة ماما قافلهة كعدت بالباب   خلص الليل و خلص وياه گلبي عيوني شابحة للسگف ماتغمض

تمر ايام مايمر النوم النهار اخلصة و يجي الليل مثل السم علية گمت گوة مسيطرة على رجفة ايدي

رجعت للغرفة الصبح طالع و اسمع هوسة من برة كلهة گعدت ارتكيت على الجرباية خليت هيتفون بأذني اسمع قصائد بجهاز برهان

ما امل ولا يهدالي بال اذا اصفن وية افكاري أنجن عقلي يصورلي ابشع الصور اشوف بروحي ابشع اللحظات