ـ بأسمه تعالى ـ
ـ أرث_ بالدم ـ
.
.
أنه وياك
سَيف مچَلب
برگبه
تبعَد انذبح ، تدنى
أچلب بيّك
مَشاعَرنا وطن
وثنينا بغُربة !
.
.
ميسر
بقى ساكت فترة و رد: يحلفاني و حجي عيوني
طاح الجهاز من ايدي عيوني على الرقم فرگت صدري الضاگ علية ومعدتي گلبت كلشي فات صار گبال عيني
خليت ايدي على حلگي امنع صوت شهگاتي شلت جهاز حجيت برجفة:لـ..ليش
معاذ: ماتوقعت الـ ليش منج
ميسر:خسيس حيوووان لك بشنوو أذتك بشنو فهمنيي شلون انطاك گلبك تسويهة شلووون
معاذ: وعيونج مامسويها
ميسر:لااا تحلف لا تكفر شفت بعيني كلشي شفتة ياسافل الله يحرگ گلبك الله ينتقم منك وياخذ حگها من عيونك بحرگة اتنمى مايوم تتهنى
معاذ: جذبي عيونج دخيلج لاتصدگين سألي گلبج ماتعرفيني
ميسر:اعرف كل واحد بيكم كلمن يگول ياروحي ماعدكم لاذمة ولا ضمير واحد سكير و مدمن مثلك كلشي اتوقع منة ما يهدالي بال الة اشوفك تتعاقب و تخيس بالسجون
معاذ: مو انة ماسويها لو حد السيف على رگبتي
شهگت رافعة راسي فوگ تقربت يم الشباك رجع كمل : وداعت عيونج مالمست شعرة منها
ميسر:لا .. لا تجيب طاريها على لسانك القذر كافي اللي سويتة ماصدگ بعيوني شفتهن سمعتهة تتوسل لك انام واصحى تتراوالي
معاذ: كافي بجي فدوة لعينج
ميسر: اخخ ماما شلون عفتها وشردت شلوون خليتها وحدها هناك عفتها بحالة ماترضي الكافر القاصي و الداني شافها
عفت جهاز مختنگة شح الهوة علية الغصة جلبت بلعومي ماگدر اشهگ زحفت للشباك ادك على صدري
صوتة يجي ناصي من السماعة فتحتة عيوني بدت تغمض وگعت أنيت من ضرب راسي بحافة الميز صارت الدنيا ضلمة بعيني
اصوات بعيدة توصل الوجع طر راسي فتحت عيوني بألم عرفت نفسي بالمستشفى من تكرار هذا مشهد گبالي
نرد الباب طلعت ممرضة بدون ماتشوفني حاولت اگوم ماكدرت راسي مأذيني رفعت ايدي اتلمس الشاش
فترة ودخل برهان وجهة ثگيل واضح الغضب عليه دنگ ساعدني خلة مخدات وراي حجيت بألم:شصـار
YOU ARE READING
أرث بالدم|| باللهجة العراقية
Romanceالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
