أرث بالدم|| باللهجة العراقية

Part 21

-بأسمة تعالى ـ
فدك فاطمة
.
.

استكثرت بيه الوفى واني الوفيت
حسبت تالي الوكت يصفالها
اتصورت ينطون الاحلام ابلاش
تاخذ وماتنطي شي حسباله

.

لاتنسون التصويت و التعليق لطفاً
اتمنى لكم قراءة ممتعة❤️

اعتذر عن اي خطأ املائي

.

مـيسر

أنصاف هي جايتني فززت كلشي بية حسيت روحي طير و فتحولة القفص ردتها بس تسحبتي و تطلعني

انتهيت ما بقى بية شي ولا عندي شخص يسندني و كل ابالي طلعت من كابوس برهان تالي رجع علية

شوفتة هو يفتح باب غرفة المستشفى اديه لحضنتني خلت گلبي ينملي برعب و الخوف كل ضني رجعت لنفس العذاب

لو يقتلني قابلة يخلصني من هاي القذارة و الألم بس هو لا جان يعرف شنو ليوجعني جان يقرب كل ما ابعد

هسة ماريد بس يعوفني مستعدة احبس روحي بغرفة ولا يتدنالي ماخلة بية روح ولا گلب يتحمل

حسيت بأيدها على خدي مسحت دموعي تبجي و ياي : شگد شفتي ياريتني بيومها ما خليتج تطلعين ويا

ميسر:لا ما ندمانة على سويتة لأمة ولا ندمانة على روحتي لو ما معترف ابقى طول عمري وية قاتل امي فكرة هاي تخبلني

أنصاف: الله يصبرج و ماضيع شي عندة ياخذ حگج من برهان

ميسر:اخوج مريض ماكو بشر سَوي هيج بهل دنائة متعقد مريض من حياتة الجان عايشها امة بيئتة مادري بس من غبائي طحت بيدة

أنصاف: اني مثلج والله مصدومة لهسة بي اگول هذا حلم عشت ويا اكثر منج سنوات هو ساندني و مدللني تالي يطلع كلشي جذب

سكتنة كل وحدة عدها خيبتها اني جنت بانية احلام وردية ويا و راسمة حياتي و جنت مستعدة اغيرة ولا اخسرة و اتحمل

هسة شوفتة كارهتها اريدة بس يبتعد اتنمالة الموت و العذاب تحسفت على اللحظة الصوبتة بيها ما خليت المسدس براسة و قتلتة

غمضت عيوني عسى و لعل أنام حتى نوم تعبانة منة الاحلام ماتعوفني كلشي يدخل ببعضة واعيش خيال اسوء من الواقع

ثاني يوم اجتني أنصاف حجت متوترة: برهان يريد يحجي وياج

فزيت خايفة من فكرة شوفتة:لا فدوة والله ماريدة لا يجي يمي لا يقرب