ـ بأسمه تعالى ـ
فدك فاطمة
.
.
قراءة ممتعة
البارت طويل عذروني على الاخطاء الاملائية
.
.
أَوَل مَرة أَعبر من ضَباب الجام
لا أَسمَك كتبتَه ولاعفت ذكرى
ميسر
شعور اول ليلة لمن تحرر من قيودك و الاشياء الجنت تتمناهة تحسها بعيدة تصير شعور ماينوصف
لا الضحك ولا الفرح يعبر عنها حرارة الراحة التنطلق بالدم وية القهر و الحسرة مزيج من العواطف ماينوصف
حرگة الاعصاب و الصياح و البحي و الخيبة كلهة تتجسد گبالك ردت الومة ردت اعتب على اي شخص غيري
اگلة ليش عيشتني هيج؟
بس المجرم القتل روحي و احلامي مايهزة عتب ولا لوم اضطريت ادوس على كلشي بقة بية واطلع
بعد ما اريد اشوفة باوعتلة بحب و بقهر و خيبة و حتى غصب عني باوعتلة بعد ماريد اسوي شي اندم عليه
گعدت بالصالة بمشاعر باردة لان اعرف الأذوني و الجان الهم ايد بأذيتي ما يحرك بيهم صياح و عتب
حسيت ايد على جتفي رفعت راسي لأنصاف گعدت بصفي حضنتني حجت بهمس: لا تلومين روحج كلشي سواه بيج هي ذنوبة و عقاب الة
ميسر:ليش اني ؟
أنصاف: هذا المكتوب الج المهم خلصتي منة هسة رفعي راسج خليهم همة يدنگون و يخجلون من افعالهم
حجيت أريد اوگف:خل اروح منا ما اتحمل البيت
ساعدتني رجلية ماتشيلني طلعنة بالباب و سمعت صوت دوريات و سيارات الشرطة و الخبصة مالتهة
رجفت ايد انصاف بأيدي صعدت بالسيارة عايفتني ماتحركت عيوني عليهم انتشروا بالبيت و بالحديقة
لحظات و طلعو معتقلين برهان على كرسي متحرك مدنگ راسة ما رفعة شعرة مغطي ولا كلمة حجة
مو مثل قبل شوية هرجنة بالصياح شوفتة هيج عاجز بدون حيلة تشفي گلبي گمت ابجي مادري على شنو
صار صريخ بالبيت طلعت ام برهان تركض تتعثر بالباب و تگوم صوت صياحها عبى الجو رادو يلزمونهة ماكدرو
و عسل بالباب تنوح لازمة بطنها عيونهم شابحة على السيارة المشت گعدت ام برهان بالباب الخارجي
لطم و صريخ تشيل التراب تخلي على راسها مشت سيارات الشرطة بقينة بس احنة و صوتها الغطة المكان
YOU ARE READING
أرث بالدم|| باللهجة العراقية
Romanceالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
