The Goodbye Girl

Ang Kuwento ni MIA

Exactly a month after we last saw each other, nagparamdam ka.

Kung bakit naman kasi dinelete na kita sa contacts ko pero hindi kita blinock. Kaya ayun, nakuha ko iyong message mo.

"Nagtatampo ka na naman..."

Iyun ang sabi mo sa akin. Parang gusto ko pumasok sa screen at kutusan ka. Hindi ako nagtatampo. Ang babaw ng tampo. It was more than tampo.

Alam ko madalas akong magtampo at madalas kitang awayin dahil sa mga simpleng bagay. Tulad ng hindi mo pag-reply sa text messages ko o kung hindi natutuloy ang plano natin. O kaya kapag hindi ko nakukuha ang gusto ko.

Pero itong nangyayari sa akin ngayon, hindi lang pagtatampo ito. Masama ang loob ko. Galit ako. Umiiwas ako. I am actually trying to live my life without you.

Ang hirap din kasi sa sitwasyon natin, hindi ko masabi ng diretsahan sa iyo. Hindi ko masabi na gusto ko na tapusin ang lahat kasi kung tutuusin -- wala naman tayong relasyon. Wala naman tayong sinimulan kaya wala din akong tatapusin.

Kaya umiwas na lang ako sa iyo. I stopped replying to your messages. Hindi ko sinasagot mga tawag mo. Inunfriend kita sa Facebook at inunfollow sa Instagram at Twitter. Akala ko, gets mo na that I need to detach myself from you to stop hurting.

"I don't want to lose you," sabi mo sa akin minsan.

Kinilig naman ako noong narinig ko yun. Ayaw mong mawala ako sa iyo. Feeling ko mas sweet pa yun sa I love you.

I don't want to lose you.

Pero narealize ko... Kaya pala ayaw mo ako pakawalan hindi dahil sa mahal mo ako... Hindi dahil sa kailangan mo ako... Kundi dahil ayaw mong mapunta ako sa iba.

(WANT TO READ MORE OF THIS? BUY THE GOODBYE GIRL BOOK AT ANY NATIONAL BOOKSTORE FOR ONLY P185.)