الصباح عند كل مواطن ليبي صالح ولا طالح ماتفرقش اهو مهم شمس تزرق فى نص عينه من روشن حتى لو روشن البرسيانة مسكره بى تل
الصباح المشترك بينا هو الخبزة اهو ماتقولوليش عاد فالحات ما فالحات فى فالحات بس فى الى ماعندهاش وقت باش تعجن وحتى كان عندها تلاقى شكارة الدقيق غالية
ما علينا ..
الليبي من هنا يشد الطابور من قبل حتى الديك ما يأدن مع ان ليا زمان ماسمعتش ديك يأدن فى ليبيا شكلهم لحقوهم على الحمير الى داروه لحم مستورد
يوقف عمنا الليبي فى هداكا الطابور جاى فرحان عاد يحساب روحه الاول يلاقى امة لا اله الا الله واقفة امته طلعوا وجو هنا الله اعلم
يجيه اولى علامات الاحباط يتوسد بالوا ولا حيط مشقق الى جنب الكوشة وشاد هاديكا القفة عاد ولا حتى يرفعها فى ايديه يحطها فى سيارة مايهماش تتعبى فتاريش خبزة ولالا مهم غير يحصل خبزة باش يوكل النعاج الى فى حوش
اسفين باهى خلاص انتى وياها قصدى العائلة الكريمة الهاى كلاس باهى هك
وهداكا الطابور يقعد يستنى لن تشرق عليهم شمس التيليتابيز الى مايعرفهاش شن هى يدورها فى جوجل مش وقتها
