نايضة من صباحات ربى وراى خدمة
اي على اساس نخدم مع البنتاغون
هى خدمة العازة يشحوروا فينا ويعتلوا علينا ومافيش سيولة
باش واحد يعبي بنزينة باش نشرى نتسمسم نمشى خدمة
ولا بالك يحسابونا نخدموا بالبناء الضوئي
خشيت عمل نشبح هاديكا الزحمة الا تقول سوق البرصة
نصبح يمين يسار ما حد لاهى بحد
خير شن فيه يوزاعوا فى حليب مدعوم
وازا به الدولار
تى خيره
تعرفى دولار فى نازل شكلها حاتحلو
امس كان 9 شن الى نزله اعطوه شربوا حرارة
باهى مدامه نزل بروا جيبولنا فطور
لا السلع قاعدة غالية
امالا نزل شن فايدته نتفرج عليه
انتى اصبرى شن تحسابيها فى ليلة ونهار تنزل
الى يشبحكم فرحانين يحسابه ليبيا خشت كاس العالم
ردى بالك تبيعي البطاقة
انا اصلا ماعنديش بطاقة وماخديتش 400
علاش يامهبولة
دوران يبي بنزينة وبنزينة تبي فلوس وفلوسي فى مصرف
احمدى ربى الخدمة قريبة وسيقانى يخدموا
راه فصلونى وقعدت نشحت من جامع
هذا كان لقيت من يعطينى
الرزق على ربى
غير كان نرتاحوا من الخنابة
خنابة شن
من قال خنابة انا قلت لا قصدى حسناء العنابةرسوم زمان 😒
الدولار وصل لى 3
باهى وانا شن استفدت
الايامات السود مافيش سيولة نقولها بالعبري
