#قصة_هوانا
@nada hs
الجزء4
4
ومر يومين يمكن وهم خلصن بنفس الروتين ... وبليل هم اجتمعو الكل وخالي رحيم جان مزعوج مااعرف ليش بس حقه لان العيشه ويه كريمه متراد جنت اشوفها تخبث متقصده ع تماضر.. اذا شافت ملابس بنات تماضر تشمرهن ع جهه وتشر ملابسهه هي.. لو اذا اجت تاكل لازم تصفي الجدر ع ايدهه وخاصه اذا تعرف تماضر بعدهه مجايه بس جنت ارجع واسويلهه شي سريع من تجي كبه لو بتيته اكليلها وهي تعرف بس ساكته متحجي...
المهم ورا هاي الجمعه رحنا آٌنـّ ℳέ ـّي وبيبي لغرفتنا واندك الباب وهم طلع احمد...
حسيت گلبي رجف... وبيبي رحبت بي ياهله بعد اهلي وياهله بعوينتي ... هم بقه نفس كعدته يمنه وجان متقصد يبقه لان يعرف بيبي تنام من وقت.. ردت اكللها بيبي فدوه لتنعسين... بس شويه وكالت راح انام اني ابقو سولفو بس مو تظلون للصبح...
اني هنا اختنكت صدك... ياالله هسه شسوي...
وصدك بيبي خلت راسهه وبدت تشوخر واحمد كاعد كبالي...
گلي يله جيبي فونج اعلمج اني طلعته من الكنتور وانطيته اله...
وصرت بصفه واذا حرك ايده عكسه يطخ بيه ويشرح وصوته همس عود خاف تكعد بيبي ولحظه والثانيه يضحك ع نفسه شلون يشرحلي... طبعا هو يحجي واني صرت قالب ثلج ولااسمع الي يكوله... هو انتبه عليه لان آٌنـّ ℳέ ـّي بس اهز براسي جان يقرب من اذني ويهمسلي ..
انتي دتسمعيني ؟
بلعت ريكي وباوعت بعيونه كلتله اي... هو خله أيٌده ع حلكه وضحك ضحكه من كل كلبه بس مكدر يطلع صوت علمود بيبي...
بعدين كال اكص ايدي اذا عرفتي اني شحجيت...
كلتله اي تعبانه وتأخر الوقت... هو كام من مكانه گلي لعد نامي تصبحين ع خير شوشايه...
شوشايه من اسمعهه منه وبصوته الخشن الي كله رجوله ماادري شنو احس .. احساس مينوصف..
مرت ايام واحمد جان منشغل بدوامه ووشغله وي ابوه لذلك قليل جنت اشوفه ... وبعصريه اجن خواتي ع بيبي وحرت بيهن وبهوستهن وبالجذب محد كلتلي شنو محتاجه واصلا تعودت عليهن هيج وموزين وشفتهن هم نعمه...!
وبيوم جنت بالمطبخ كالعاده مقري الرئيسي... واحمد وامه بالصاله كاعدين سمعتها تكله شوكت افرح بيك! وتخليني اشوف جهالك... كللها بعدني ماما مو هسه... وغير السيره هو وبقو يسولفون...
راحت امه لغرفتها واجه هو للمطبخ استند ع الثلاجة وشابك ادي
كلي شلونج؟
-الحمد لله..
-اذا تردين اعلمج هسه ماعندي مانع لان ماعندي شي...
-هااا .... وقبل مااجاوب كلي آٌنـّ ℳέ ـّي بالصاله تعالي لهناك
ورحت مثل الثوله اخذت التلفون وكعدت بصفه مديت ايدي دانطيهيا جان يلزم ايدي والتلفون بيها... وعيونه بعيوني...
وگبل جريت ايدي وهو گلي اسف بس اني بيش كيلو هذا الاسف مالته.. وين نيته هذا وين يريد يوصل...
صدك حسيت نفسي موبامان ومااكدر احجي لان اكيد محد يصدكني وينطون بي... هذا احمد بعد!
شويه وكلتله آٌنـّ ℳέ ـّي ٱروح نعست... وفلتت بريشاتي ع الغرفه وهم منمت ليلي من وراه...
صارت حتى اللكمه كوا تنبلع بذيج الايام وضعفت وخايفه ومالي احد احجيله ومااعرف شنو نيته ويايه هو عاش بلندن فتره مو قليله وطالعه عينه هناك الظاهر...
ويوم ورا يوم اني اتحاشاه ومااقرب ولاادوس كاعه... ووين متكعد بيبي اكعد وراهه لو بصفهه حته صارت تحجي عليه شنو زعطوطه لازكه بيه ...
ونظراته مافكت مني ياخه وشفت امه شلون تراقبه من يباوعلي واعتقد حست اني سويت نفسي مادري بشي..
وبيوم جان عيد ميلاد علا وعزمت صديقاتهه واهلهه هم مجتمعين طبعا امهه تقصدت يجن صديقاتهه بلكت احمد يشوف وحده منهن... بيبي بيومها مخلتني هيج كالت راح اجيبلج فستان واكعدي ع صفحه لانختلطين بيهن زايد بلكت وحده تشوفج وتخطبج لاخوها لخالها...
هنا حسيت نفسي ثگل ع بيبي بس سويت الي تريده لبست الفستان الجابته وتعجبت ليش هيج جابت صحيح البس قصير بالبيت بس موهيج ضيك ولاهيج مشلتح فد مره... المهم لبسته وخليت شال خفيف فوكاه وطبعا كل هل كشخه واني خدامه الحفله... اهل علا بوسوهه وكلمن راح لغرفته وبقينا احنا بالخطار وشغلن اغاني وركص وهوسه سونها ..اني وتماضر كعدنا ع صفحه بس نصفك وبعدين راحت تماضر والبنات هم راحن لان صارت 10 بليل وعلا اخذت هداياهه وراحت... صفنت ع غرفه الخطار وجانت المواعين والهوسه ذاك حدها...
بديت المهن شي ورا شي واوديهن للمطبخ... بيبي اجت كلتلي اني راح انام كملي وقفلي باب المطبخ... غسلت اول كم ماعون وكلت خل اروح اغير الفستان والبس دشداشه حته اغسل براحتي...
