#قصة_هوانا
nada hs
الجزء8
سمعت كل حجيهن وكلت اي بعد انتهت قصتي ويه احمد مدام قررن ...
وصدك طلعت ام احمد تقاعد وصارت كاعدتلي ركبه ونص...
وبيوم من الايام الصبح كعدن سوا واني اشتغل واسمعهن...
-يله حجيه خابريها كليلها تجي باجر الصبح..
رفعت بيبي تلفونها واتصلت وعرفت الي خابروهه هي ام الولد الي يريد يتقدملي... منو همه ومنو الولد معرفت...
وصدك وره يومين اجت ٱلصبح... واجتني ام احمد للغرفه وكلتلي البسي شي حلو وصعدي لغرفه علا خلي حمره شويه لونج باهت وتعالي قدمي جاي...
ماسويت شي لان اتمنيت الموت بذاك اليوم ودخلت بدشداتي الگصيره العاديه مال بيت ...
ام صادق:اي خوش بنيه.. عجبتني.. خاله شبيج ساكته! انتي راح تصيرين جنتي!
اخ ياگلبي! شوصفلكم الصار بيه! نزلت دمعتي وايدي ترجف مسحت دموعي...
ام صادق:شبيج خاله ؟ يااا ليش تبجي؟
ام احمد:لالا بس هي خجلانه وممتعوده ومطالعه منا لهنا... والله ياام صادق تشوفين هذا البيت هي كله شايلته ووبس اخلاقهه كافي وابنكم انتو هم ممكمل دراسه...
(هه لعد اذا هيج اني لًٍيش مقبلتي بيه!)
مكيه:صادق عنده محل كهربائيات كلتيلي مو؟
ام صادق:اي عين الله علي وووو وبدت تمدح بأبنها والي فهمته هو عمره24 سنه وعنده سادس ابتدائي بس وكاعد ويه اهله الي همه امه واخوانه 3 وهو الجبير...
راحت المره وبقيت جامده بمكاني وبس ابجي وصرت اصرخ بصوت ماكدرت اضم اكثر... الاسبوع الجاي يجون ونعقد! اني لازم اسوي شي لازم اوصل لاحمد بكل صوره...
بس ياما حاولت مانفع! بيبي حابستني بالغرفه وامه تفتر فوك خاف تخمل مني بيبي.. وماشفت احمد غير بس نظرات ومن بعيد... ومر الاسبوع هيج واجه صادق وامه وخالته وجايبين شيخ وياهم الصبح...
جنت منتهيه بوقتها لااكل ولاشرب واجت كريمه سوتلي شعري ومادري شخلت ع وجهي واني مثل الجثه بين اديهه وطلعتلي فستان من علا لبستني وخليت شال ع راسي وجانت لازمه ايدي ودخلتني عليهم...
عبالك دتاخذني لگبري! كعدت وبيبي بصفي وكل شويه وكرصتني يعني شتتوقعون مني اسوي...!
ماشفت حته الولد زين لان جان مخي واكف وماافكر بشي.. اتذكر بس ذيج اللحظه الي خلو الحلقه بيدي ومن سألوني موافقه 3 مرات وبيبي كرصتني حيل من زري وطلعت مني ...
من طلعو اجت كريمه تباركلي وتريد اطير من الفرح!
اني عبالك اجتني ضربه ع وجهي من شفتها هيج فرحانه!
-اني شسويتلج! انتي ليش هيج ويايه! وصرخت بعالي صوتي
شسويتلج اني هااا احجي بشنو اذيتج!
هي بقت واكفه ومحجت شي بعدين طلعت وفلشت الخطار والغراض الي موجوده بي! صرت مثل المخبله لحد ماوكعت من طولي ولزمتني بيبي من ايدي واخذتني للغرفه... باوعت عليه وبجت وهذا الخوفني اكثر ليش بجت؟ الله اعلم شنو هذا صادق
ولثاني يوم اجن اثنينهن كعدن كريمه ومكيه يمي وتهديدات دك خاف احجي لاحمد ويخربها! وخابرن ع ام صادق واجت ورا يومين وعقدنا بالمحكمه! وانتهى كل شي هسه!
بس من عقدت بعد فكن مني ياخه شويه... وطبعا جنت كاطعه الاكل وصار عندي نحول موطبيعي وبيبي كوا تخليني اكل سوتلي اكل بالمطبخ وراحت...
شويه واجه احمد! اااااه لوتدري شصار!
اجه وبعيونه شوك مال سنين...
