#قصة_هوانا
nada hs
الجزء7
وطلع حته متعارك ويه علا وضاربهه راشدي...
وامهه متخبله وطبعا كل هذا مردوده عليه... اني الي اتحمل نتائجها... المهم استمرت ايام واني مااكل واشرب اذا مو الناس كلهه تخلص وبيبي واكفه ع راسي...
وبيوم صعدت انظف الطابق الثاني وغرف الجماعه ومعبالي احمد موجود ومحد يعرف بي هنا لان عبالهم طالع من وقت...
ماحسيت اله باب غرفته انفتح وانجريت من ايدي لجوا غرفته
وماشفت اله اني ع الحايط وهو مخلي ادي ع الحايط...
-ليش متخليني اشوفج!
-بيبي متقبل.. ومتخليني اتحرك منا لهنا..
-وانتي بهل سهوله تخليتي عني؟
-لك لااااا .. ماكدر اتخله عن نفسي...
بوسني وحجالي حجي طيرني فوك الهوا بقه يبوس بيه مثل الملهوف من وجهي وحلكي ورگبتي وتقريبا شبه فقد بس اداركت الوضع وكلتله كافي! وسمعت منه حجايه بوقته خفت منه
(خليني اتقربلج ومحد يكدر يمنعنا بعد!)
جريت نفسي منه وردت اطلع لزم ايدي وباسهه ... وكال اني اسف مادري شلون طلعت مني...
طلعت من الغرفه ووجهي يصب عرگ ونفسي عبالك جان مكطوع
نزلت وبيبي مجانت تدري بأحمد موجود... كملت شغلي ودخلت للحمام ونمت بدون غدا...
ويوم ورا الثاني صارت تزيد المشاكل وخالي عرف وهم حرضته كريمه وتعارك ويه احمد ووصلت لدرجة بيت خالي جبار رادو يطلعون من البيت وبيبي تمرضت من كلولها يطلعون طبعا احمد مجان قابل وكللهم اطلعو بس آٌنـي مااروح وياكم...
بيبي خربت فد مره لاتاكل ولاتشرب تخاف خالي يطلع من البيت وهي متكدر ع فراكهم.. من وكعت محد قربلها بس اني وتماضر خطيه هم جانت تجي تكعد تفركلهه رجليهه وساعدتني هوايه..
وبيوم الصبح اجت كريمه ودخلت يم بيبي وصرفتني...
-شوفي حجيه ماطول هاي المتتسمه هنا اني ماابقه! شوفيلها رجل وزوجيها اذا متردينا نطلع!
-دخليهم يتزوجون هي واحمد هي تصيرلج خدامه..
-اني ربيت ابني وتعبت علي وتردي ياخذ وحده لاشهاده لاثقافه
-هي مثقفه ومابيهه عيب واذا ع دراسته.. اذكري ليش بطلناهه مو انتي دكيتي بطلوهه بطلوهه..
-هذا حجي فات... احمد مياخذ شهد اله واني بكبري..
-ميخالف.. اي واحد يجيها ازوجها بس لطلعون منا.. يمه اموت اذا مااشوف جبار...
