#قصة_هوانا
nada hs
الجزء11
بيبي جانت تحجي ويايه واني مااسمعها شتكول وعيني ع احمد بعدين دخل وگلي شلونج... شگلك شلوني من بعدك!
-الحمد لله...
-مجان اكو احد بلبيت لذلك اني جبت الحجيه...
فهمت منه هو راجع للبيت بس شصاير بحاله... باوعت ع ايده وجان خاطب! ايييييه هيج تاليتنا شنسوي هم اختارو قدرنا..
-مبروك ع الخطبه..
-الله يبارك بيج..
وبين منحجي بيبي صاحت .. بيبي شگد آلج بيا شهر انتي؟
-مادري بيبي... احمد دار وجهه وطلع بس شفت وجهه انطعن احمر ...
مرت ايام وصرت آحـسن بس خطر الاسقاط بعده ولازم اكل هوايه والمشكله مااشتهي شي ابد صادق ولايمه السالفه...
ومره بليل اني نايمه اشو مااحس بَس الدفره اجتني...
صادق:كومي لج سويلي عشا... نايمه بنت النعل!
-وليش تسبني ها؟ انت شايف ابويه حته تسبه؟! مو حرام عليك!
ومااحس بس الكفخه ع وجهي...
-دووولي يله روحي سوي عشا وجيبي للغرفه لااكسرج!
عزا هذا شبي ... نزلت ركض سويت عشا وهالحجي جان ورا12
ومرت الايام ويوم ع يوم اكتشف شغله بصادق.. سمعته يخابر بالحديقه بوحده ومحجيت ويا ولافكيت حلكي... طلع من يجي بليل شارب وميدري وين الله مخلي وصار يضربني ع الرايحه والجايه واني مااحجي ولاارد عليه بس يشتهي يضربني ..
شكد استحقرت نفسي واتمنيت اموت آٌنـّ ℳέ ـّي والي ابطني من مذله اليتم لمذله الرجال ليش يربي ليش...
كبرت بطني واني سونار ممسويه وخواتي بالجذب محد اجتني وشافت شمحتاجه شنو وضعي شنو الي اخذته..
لحد مااجت بيبي عصريه وحجت ع ام صادق وكلتله انطيتج البنيه امانه وهي يتيمه ليش ممراجعه طبيبه وهي ضعيفه وصغيره ومريضه!
ام صادق ضحكت وكلتلها يااا حجيه عود كلت الجمعه نروح اني وياهه بيبي سكتتها وكلتلها اي اي فنج اتسويها... اخذتني بيبي للطبيبه وسويت سونار وطلع ولد واني بشهر 6 هسه مافرحت ولاحسيت بشي كأن الي جاي مو ابني..
بيبي جانت تارسه جيزدانهه فلوس ومخلت شي مااشترته اليه حتى عشا جاهز من المطعم اشترتلي وملابس وعطور ومكياج وحته لابني هم اشترت وكالت ديري بالج ع رجلج هي متدري بسوالفه ولاراح اسولفلها لان بيبي تعبانه ومومثل قبل حته من جنه نمشي تلهث كامت ...
من رجعنا بالسياره سألت بيبي ع احمد وكالت امه تريد الشهر الجاي يتزوج وهو يكول موهسه وعرفت امه خطبتله الدكتوره اساور وعلا همين مخطوبه وعرسها قريب... بيبي كالت خوما بعدج تحبي.. اني نفيت وكلتلها لا سالفه انتهت لساني يكول شي وعقلي وكلبي شي ثاني... موبيدي انساه ولالكيت الرجال الي ينسيني ويسعدني بالعكس شفت المهانه ويا وضربه اليه والشرب مالته واهماله اليه وصديقاته الي كل وقته الهن...
ومرت ايام وبديت اجهز لابني وصرت كلش ثگيله وكوا اتحرك وفوك هذا ادويه وابر مال ضعف وفقر دم...
ودخلت بشهري والدكتوره كالت متجيبين طبيعي لان دمج قليل وضغطج يهبط وخاف متتحملين...
وصدك اجت بيبي وتماضر وياهه وهم جانت حامل تماضر... وجان احمد الي جايبهن ومنتظر برا..
طبعا رادو يسوولي العمليه ع العام بس بيبي طلعت لاحمد وكلتله تعال خليها ع الخاص وهو انجن شلون تخلوها بالعام! ودفع فلوس وگعدنا نسجل طبله دخول والموظفه الي تسجل گلتله انت زوجها ممكن اسمك الكامل...
هو باوع عليه ولمن سألته مره لخ گلله لاموزوجها ...
الحسرة جانت بعيونا اثنينا بس شيفيد بعد ...
اخر نظره بقت بعقلي قبل لاادخل هي نظراته... ومن بعدها دخلت وخلو الابره بالكانونه ومادريت بنفسي...
