امرأة خطرة

البارت الثالث قَصٍةّ آمرأةّ خـطًرةّ

رجعت فضة وهي طبعا ضايجة هي ماتكره ابن عمها بس تكره فكرة انو ابوها ماعنده ولد وتحاول تثبت للكل انها تكدر تشيل اسم ابوها وتصير مصدر فخر للقرية كلها من نزار ابن عمها يجي تحس بهذا النقص تخاف ياخذ كلب ابوها او ياخذ مكانها جانت تضوج دائما تفكر ابوها هو التعب على القرية مو مثل عمها سافر خارج العراق وعاف قريته وهسه لازم تتحمل نزار لان راح يبقى يمهم فهذا الشي ضايقها ....
.نزار ابن عم فضة عايش بالامارات بس زياراته للعراق مانكطعت طفولته كلها ابيت جده بس من دخل كلية الطب مازار العراق خلال 6 سنوات ولا شاف بيت عمه جانت مواصفاته طويل ضخم لان يلعب حديد ورياضة ومشترك بنوادي اسمراني شعره شويه طويل يرجع ليوره عيونه كبار وذبلانات كلبه طيب كلش ماعنده غرور ابد بالرغم يمتلك صفات من حقه ينغر بيها بس مع ذالك طيوب ودمه حلو دائما والده يكوله انت تشبه عمك شيخ همام مو مثلي وجان يحاول يرجع للعراق بس عائلته تعودو عالامارات فه جان يلح على نزار حتى يرجع للعراق لان مثل تراب الوطن ماكو بعد ونزار هو بدوره اصلا يحب العراق ويحب بيت جده بالقرية ويحب عمه همام فه من سمع عمه مريض وهو ماعنده ولد قرر يرجع للعراق هم يهتم بعمه وهم القرية محتاجة لطبيب ودع اهله وسافر للعراق ونزل للقرية طبعا هو يحب اجواء الريف والنقاء و الطبيعة الموجودة هنا وما متوفرة بالمدينة دخل الصبح عليهم وجان يشم ريحة الخبز الحار والبيض الطازج والحليب ووووو دخله ابو حسين للصالة وهم جانو يتريكون صاح .... شيخ همام وصل دكتور نزار
كام الشيخ ...هلا هلا هلا بوليدي نزار تفضل
ماشاءالله صاير رجال طول بعرض هههه تفضل وليدي حضنه وباسه ونزار باس ايده وراسه هلا بيك عمي الشيخ والله مشتاكلك
... اني اكثر ياوليدي ... تفضل ... بنيتي فضة سلمي على ولد عمج نزار
فضة جانت مستغربة الي شافتها نزار متغير كلش على اخر مرة شافته ولحية خفيفة بارزه معالم رجولته كلها ولابس قميص زيتوني وجينز وعضلات صدره وكتفه بارزة بالقميص انذهلت بالي شافته بس طبعا مابينت هالشي اله ردت ... هلا كل الهلا يا ابن العم تفضل واشرت عالميز وصاحت ام حسين جيبي الريوك لدكتور نزار .. كعدو واتريكو بس نزار مانتبه على فضة استحى يشيل راسه جان مدنك ومشغول ويه عمه ويحجي على اخبار والده والشغل والعم هم مشغول يحجيله باخبار القرية فضة من اول دقايق وضاجت الغيرة كامت تشتعل لان تعرف والدها يحب نزار وهم مشغولين بالحجي والكلام لساعات
طلعت وراحت للمطبخ سمعت سحر دكول يمه شفتي شلون هذا الدكتور ولج يخبل ماشايفه بسحره ابد يمه شكد حلو ياريت يبقه يمنا وضحى وام حسين يضحكون يكولون اي والله حلو ضاجت بالزايد طللعت كبل للمزرعة فتحت الوشاح ونزل شعرها مثل المي وصعدت بالمرجوحة وطارت بيها بلكي تخفف عنها الضوجة
.همام. وليدي كوم ارتاح اني هم اخذتك بالحجي
. لا عمي مرتاح اكوم افتر بره واشم هالهوا الي يرد الروح وبعدين ارجع ارتاح
.. بكيفك كوم البيت بيتك وليدي نزار
. راح نزار يتمشى بالمزرعة ويباوع على حقول الحنطة والقطن وريحة المكان تخبل جان فرحان وهو ياخذ النفس كانما يمشي بالجنة ويشوف الفلاحين يشتغلون بقه يتمشه راد يرجع لكه شال ذهبي يطير باتجاهه لزمه اتفاجأ منين اجه هالشال شمه ريحته تخبل وناعم ومبين راقي مو مال الفلاحين مشى باتجاه الي اجه منه الشال سمع صوت اقترب شاف مرجوحة وصاعده بيها وحدة بس ماشاف وجهه جان ظهرها عليه انذهل من الي شافه جان الشعر يطير بالهوا ومن تنزل المرجوحة شعرها يلامس التراب بحياته ماشاف هيج منظر حلو فرك عينه كال اخاف اني بالجنة وهاي حورية بقه دقايق يتفرج بعدين سوا صوت وكفت المرجوحة ودارت فضة عليه منو هنا ....
... العفو العفو موقصدي اخوفج جنت اتمشى وشفت هذا الشال و و و ( ارتبك من شاف جمالها العيون كبار ومتكحلة باللون الاسود والطول هيبة ماعرف شيكول بس جان مستسلم لهالحسن )
-- و شنو ؟؟؟؟ وشجابك هنا هذا المكان محد يخطاه غيري وانطيني الشال اخذت الشال من ايده وشالت شعرها ولبست الشال وشدته بطريقتها وعيونها تجدح نار وهو بدون نفس بس يباوع كأنما اول مرة يشوف انثى كدام عينه
-- فضة .....
--- نعم ...
-- ها لا قصدي انتي فضة بنت عمي همام
-- اي طبعا لعد منو مو اتريكنه الصبح سوا
-- اسف مانتبهت عليج الصبح جنت مشغول ويه عمي ... صدك غبي
---العفو ... شنو قصدك
--- اني صدك غبي شون مانتبهت على هالحسن الصبح ...
-- دكتور نزار .. ابن العم مايتغزل ابنت عمه وهسه من رخصتك رايحة عندي شغل بالمجلس
--- مجلس ؟؟؟؟
راحت بدون ماتجاوبه وهو بقه واكف مذهول معقولة عنده بنت عم بهالجمال ومايعرف وانذهل اكثر بكلامها وقوة شخصيتها