امرأة خطرة

البارت الثالث عشر

وره يومين ام حسين كالت بنيتي مايصير لازم تتصلين باهله عالاقل يجيبون جثته من بغداد ويدفنو مايصير احنه مانندل الطب العدلي جابت التلفون ودكت جان يجاوب ابو نزار وفضة بس تبجي اتخبل عمها-  بنتي شكو احجي بيج شي
؛--- عمو نزار .... نزاار
-- شبيه نزار
--  مات نزار وعافني
-- شنوو  شوكت انتي شدتحجين
-- قبل خمس ايام سوا حادثة
-- خمسة ايام بنتي هسه حجيت وياه قبلج بخمس دقايق
--- شنوووو ... واغمى عليها
ام حسين- ولج فضة شكو شالت التلفون ها ابو نزار انت ويايه
-- ام حسين شبيها فضة نزار هسه حجيت وياه هو ابغداد يم واحد صديقه باجر راح يسافر يمنا صاير شي ليش دكول مات لاتخبلوني
-- انصدمت صدك تحجي يعني نزار ماميت عدل .  وفهمته كلشي وشصار كال بسيطة هسه راح اخابر نزار واخلي ينزل عليكم وتطمنون
ام حسين -- كومي فضة بنيتي فسلت وجهه كعدت مثل المخبلة وينه نزار وينه
-- بنتي هاي الحمدالله طلع عايش كومي باجر يجينه وتكحلين عينج بيه
-- مااصدك معقولة عايش عفية كولي لعد ليش كالو ميت ليش
- بنتي البشر ماتحس بقيمة الاشياء الا من تفقدها وانتي من فقدتي نزار حسيتي بقيمته ومكانته
-- اي صدك كلامج والله احبه واعشقه بس خلي يرجع وكامت تبجي
-- كافي تبجين كومي اكلي شي باجر ان شاءالله هو يمج
-- لا لا ماريد مااخلي شي بحلكي الا هو يجي عفية خلي يجي هسه
-- ههعهه بنيتي الطريق طويل بين مايجي هسه الدنيا ليل خلي تصبح الدنيا الله كريم
بقت فضة سهرانة الليل كله ودكول الله انتقم مني هو نايم صار اسبوع واني سهرانة وابجي دخيلك ربي رجعه بالسلامة الي طلع ضوا الفجر نزلت فضة وجانت لابسه دشداشة اسود وعيونها وارمات وجوا عينها اسود وشعرها مفتوح ومامرتب طلعت للمزرعة حتى بلكي تشوفه من يجي بقت واكفة وانوب تروح وتجي ماتت من الانتظار
ضحى-- ام حسين روحي فوتيها خطية ومنا العالم لاتشوفها
-- ههههه عوفيها براحتها العشق يجنن البشر ويطير العقل هههه وهي هسه حست بهالعشق خليها
فضة عيونها ملت من الطريق بس تباوع وماكو شي  شافت من بعيد نزار لابس جينز وتيشيرت بني وبيده الجنطة مالتها ماصدكت عيونها بقت تباوع وتبجي معقولة هذا نزار معقولة الله رجعه الي
ونزار ابوه من خابره وكاله على سوء التفاهم الي صاير وانو فضة صار اسبوع ماماكلة شي ومنهارة كبل اخذ جنطته ونزل للقرية جان يمشي سريع ومامصدك حب حياته واخيرا حست بحبه بس جان يريد يشوفها من دخل قريب عالمزرعة شاف فضة كباله بس ماصدك هاي فضة منهارة وذبلانة وواكفة برا تنتظره ركضت عليه حضنته شكد ماعدها قوة وتبوس باديه ودكول سامحني اعذرني لاتعوفني ابد احبك نزار اعشقك اني انانية سامحني وجان نزار يبجي على بجيها ويحضنها ويبوس بيها ويحاول يهديها -- حبيبي حبيبي اهدي اني بين ايدج ماميت وماعايفج لاتبجين اكو واحد يعوف روحه كومي خلي نفوت جان توكع بين ايده شالها بحضنه ودخل سريع عالقصر اتلكوه البنات يبجون ويهلهلون برجعته
-- ام حسين جيبي مي بسرعة فضة اغمى عليها
-- طبعا صار اسبوع ماماكله عناد وتعرف انت عنادها .....-- هههع انتي راح دكولين ههه كلش زين اعرف
..نومها بمكانها وانطاها علاج وجاب اكل وجان يوكلها ويبوس بيها وهي كل شوية تحضنه وتبوسه وام حسين تضحك عليهم