امرأة خطرة

البارت السادس قَصٍةّ آمرأةّ خـطًرةّ

كعدت سحر مقابل الشيخ وبدت تساعده وجان نزار واكف يمها وكلهم يحجون ويضحكون بهالاثناء كعدت فضة وشافت هالمنظر اتخبلت صاحت -- بابا انت كعدت وركضت دفعت سحر وحضنت ابوها وتبوس بيه وباديه --- هههههه ولج بنيتي على كيفج هههه
دارت على سحر . خلي الصينية يمج اني اوكله وبعصبية ضاجت سحر وانقهرت وخلت الصينية وكالت تامرين شيخة ونزلت ضاج نزار كال -- فضة على كيفج ويه البنت خطية جانت تريك ابوج -- ها... اي شفت الرجال مريض وانتو كاعدين تضحكون وانت ليش ماكعدتني اني اجيب ريوك اله .. اووف ..  تكدر تاخذ راحتك تعبناك روح ارتاح
الشيخ- وليدي نزار روح اسبح ونام ارتاح اني صرت احسن
نزار - ماشي عمي من رخصتكم طلع نزار وهو ضايج من فضة ويكول بكلبه لا خلص راح نزار الشاعر الحباب اني الج يابنت العم راح اشوفج نزار ثاني هذا الخشم العالي والغرور الا اكسره راح سبح ونام بغرفته العصر كعد نزل جوا شاف فضه كاعدة بالصالة ولابسه كلابيه ماروني طالعة كلش حلوة سوا نفسه مامهتم صاح سحر اجتي سحر تركض ها دكتور نزار
-- اولا مايحتاج دكتور شيليها كولي بس نزار وثانيا ميت من الجوع
-- حاضر دكتور دقايق واجهز الغدة
-- ههههه يله انتظر
راح وكعد وماسلم على فضة وهي اشتعلت بنار الغيرة كامت تحرك برجلها من العصبية تريد تحجي بعدين تسكت كبرياءها يمنعها وهو دايحس بيها ويضحك من داخله يكول بعد اشايفة ههههه
مرت ايام ونزار هيج متغير ومامهتم لوجود فضة ويحب يشعل غيرتها بسحر هي ماتعرف شديصير الكلبها الكوي والعنيد تحاول تتجاهل اي شعور يجيها فد يوم كاعدة بالصالة وجانت لابسه كلابية اخضر وطالعة حلوة كالعادة جان نزار من يشوفها بهالجمال بلكوه يلزم نفسه ومايتغزل بيها مايريد يزيد غرورها كعد
فضة-- الناس دكول صباح الخير يا دكتور نزار
-- العفو مانتبهت عليج صباح النور
زادت ضوجتها وعصبيتها كل هالجمال وهو مامنتبه عليها كامت مااتريكت وراحت تتمشى بالمزرعة طلع نزار وراها وكعد هو واوراقه شافته
-- شنو هالاوراق شتسوي
-- من اضوج اكتب شعر
-- ها ..... اي وش الي تكتبه اجاك الالهام
-- ههههه اي تقريبا ... تحبين تسمعين
-- تفضل ...بلكي اساعدك ويه الهامك
-- إذا مر يومٌ. ولم أتذكر
به أن أقول: صباحك سكر...
ورحت أخط كطفلٍ صغير
كلاماً غريباً على وجه دفتر
فلا تضجري من ذهولي وصمتي
ولا تحسبي أن شيئاً تغير
فحين أنا . لا أقول: أحب..
فمعناه أني أحبك أكثر.
إذا جئتني ذات يوم بثوبٍ
كعشب البحيرات.. أخضر .. أخضر
وشعرك ملقىً على كتفيك
كبحرٍ.. كأبعاد ليلٍ مبعثر..
ورحت أعب دخاني بعمقٍ
وأرشف حبر دواتي وأسكر
فلا تنعتيني بموت الشعور
ولا تحسبي أن قلبي تحجر
فبالوهم أخلق منك إلهاً
وأجعل نهدك.. قطعة جوهر
وبالوهم.. أزرع شعرك دفلى
وقمحاً.. ولوزاً.. وغابات زعتر..
إذا ما جلست طويلاً أمامي
كمملكةٍ من عبيرٍ ومرمر..
وأغمضت عن طيباتك عيني
وأهملت شكوى القميص المعطر
فلا تحسبي أنني لا أراك
فبعض المواضيع بالذهن يبصر
ففي الظل يغدو لعطرك صوتٌ
وتصبح أبعاد عينيك أكبر
أحبك فوق المحبة.. لكن
دعيني أراك كما أتصور..
.فضة. حلو الشعر ومنو صاحبة الالهام
نزار ؛- انتي شدكولين
-- ماعرف اني ماعندي شغل بهيج مواضيع احتمال تكون سحر لان اشوفك مهتملها
-- ممممم ( بكلبه يكول مايصيرلج جارة عنووودة )) سحر ؟؟  يله احتمال كلشي يصير
شبت فضة بنار الغيرة وعيونها تجدح نار ونفسها يتسارع عافته وراحت بقى نزار حاير بفضة ليش هيج تسوي ماتنطيه مجال وبنفس الوقت يحسها تغار عليه مافاد وياها الطيب ولا الشر