في قلبي انثى دكالية 1

4

نمشيو لاكادير عند ريهام لي كاينه في ريسطو لي مشاركه فيها هي وولد خالتها ينيس لي ف عمرو 26 سنه ومن صغرو وهو تايبغي ريهام ولكن هي ماعارفتش بمشاعرو  لانها كاتعتبرو اخ بالاخص انها ساكنه معاهم ف نفس الدار مع خالتها لي هي ام يانيس و لي مني توفى زوجها جات هي وولدها سكنو مع مها بالاخص مني دار خوات عليها
ريهام : ينيييييس
هو: مممم غير مني كاتطولي هاد ينيس كانعرفك باغا شي حاجا
انا :اناااااا واااااباااااااز ما بقيتش انقولها ليك بمره
هو :غير هدري ا لاله طلباتك اوامر
انا :جات جلسات حداه :دابا كيف عرفتي عمي جا من امريكا خاصني نمشي نشوفهم
هو:اهاه وشكون ايقابل ريسطو
انا : وهانتا كاين
هو:رييهام ما تسطايش عليا انا لا كنت كانجي هنا نعاونك ماتيعنيش اني مسالي راك عارفه ماكاين لي مقابل الشركه ديال الواليد  من غيري
ريهام:وققات وبدات كاتعصب ايييوا اسييدي المره اللوله  مادخلش معايا شريك
هو :وقف وشدها من يدها دخلها للبيرو وسدو :اول حاجه هدري بشويه بالاخص كان لكليان تاني حاجه شريكك حيت ما بغيت تاواحد اخر يدخل معاك وتالت حاجه الالا الاكنت باغا تمشي سيري ولكن ماتفوتيش 3 ايام
انا :حشوووومه عليك اينيس 3 ايام ماتكفانيش حتى باش نرتاح من الطريق و زيد انهبط لكازا باش نجي انا وسمير
ينيس لي غير سمع سميه سمير وهو يجعر وبدا تايهلل: شووووفي ماكاين لا كازا لا زمر اتهبطي لداركم نيشان وترجعي نيشان ..شويه وقف و جرها من يدها خرجها من ريسطو  و ركبها ف لوطو ورضخ الباب ريهام ما بقاتش هدرات عارفه عصابو  خايب لدلك فضلات تسكت باش مايكبرش الموضوع ..طول الطريق والصمت سيد الموقف حتى وصلو قدام  الباب ديال الدار بغان ريهام تهبط وهو يهدر ينيس :عندك ربع ساعه توجدي راسك انا لي انديك
ريهام :اويلي تسطيتي راه بعيد الحال ونتا عندك الخدمه
هو :كلمه وحده قلتها بغيتي تمشي يلاه ما بغيتيش جلسي
نزلات ورضخات لباب طلعات للدار وخلات ينيس لي شاعله فيه نار الغيره مني عرفها اطرق سمير وهو وياه ماكايتحاملوش بالاخص عارفين مشاعر بعضياتهم اتجاه ريهام لدلك قرر هو يوصلها وهاكا ايرتاح بالو

دخلت ريهام كاترضخ وتعاير ابوحدها خلاتها كل من خالتها وجداتها على خاطرها حيت مني كاتكون معصبه ماكاتجاوب حد كملات جميع لي خاصها نزلات سلمات عليهم وقالت ليهم انها غادا لدارهم تشوف عمها و اتجلس واحد 3 ايام وترجع
خرجت معاها خالتها قدام  وبقات توصي و تعاود بالاخص ايشدو طريق بليل .ركبت هيام حدا ينيس وهما ساكتين صوت راديو فقط لي كايتسمع
نخليهم ساكتين واجي نعرفكم على بطلتنا لي هي ريهام هي اخت مروان ونبيل من اب دكالي و ام شلحه زينها ف شي شكل عويناتها مشفرين وكحلين وشوفاتها حارات هي بيوضه وشعرها طوييل وكحل رطب دايما جامعاه باش مايبانش طولو اما مم ناحيه الطول ف هي قصيوره شابهة لمها لي كايشوفها مايحطهاش فيها دكاليه ..ساكنه مع عايله ماماها ف اكاير بعدما كملات قرايتها وحلمها كان انها تفتح مطعم مختص في الاكلات البحريه لدلك وقف معاها جدها وهو لي سيفطها لاكادير بعدما كانت كل العائلة رفضت بحجه انها بنت وخاصها تبقا ف دارهم
فالفيلا ديال عايله اليازيدي كل واحد دخل لبيتو يرتاح....
~الحاجه دخلات لبيتها لي شهد حيات مع الحاج هزان تصويرتو وادمعه  ف عينيها وكاتردد كلمة وحده :ولادك تجمعو ووصيتك اتنفد