في قلبي انثى دكالية 1

52

خرجت  ريهام و نوج دوزو النهار  على برا تايهيل  ماخلاو فين مشاو وصلو  مهدوودين ..دخل نوح يدوش  و خلا بورطابلو  فوق الكومود حتى بدا  تايصوني  هزاتو ريهام  لقاتها  نمرة  مامكتوباش  عليها السمية دوزت الخط  و ماهدراتش  حتى  نطقات ايلينا: الوووو الوووو نوح جاوبني   هئ هئ حرام عليك هلدشي لي تادير  فيا .الوو نوح  و هدر ..لازم نتلاقاو ونهدرو   موضوع مهم بيناتنا  خصو يتحل
بقات كاتهدر  بوحدها  حتى قطعت ريهام . مسحت لابيل  و رجعت البورطابل  لبلاصتو ..صايبت كاس ديال القهوة  و خرجت للبالكو  حتة  جا  عندها نوح لاوي  فوطة  على نصو و شغرو فازك  باسها ف عنقها و جلس حداها  خدا  الكاس من يدها شرب جغمة : مال الزين  ديالي ساكت
ريهام: والو  غير  جييت  عيانة  من لخرجة
نوح: اتبقا  الدار خاوية  عليا  مني اتمشب
ريهام: دابا تولف
نوح: مسطية اشنو انولف كاين شي واحد يولف  روحو بعيدة عليه
ريهام: شفتي لبا البيي؟
نوح: اه غدا  عندك  الطيارة مع 10 الصباح
ريهام: اوكي
نوح: ماكي  شفتك  ناشي  حتى لتما
ريهام: لا لا  ماتشطنش بالك معايا
نوح: بغيت نهظر معاك  ف واخد الموضوع
ريهام؛ خير؟
نوح: ان شاء الله  مني تجي نمشيو  نشوفو  الطبيب على قبل الولاد راه شحال  و حنا نزوجين  و مازال ماحملتي .
ريهام: اويلي  على شحال يلاه 3 شهور و رجعتينا عاقرين
نوح: صااااافي  انا تجننت على  الاولاد باغي  منك بيبي  يشبه لك  و نجي نسسمع توغويغو ف للدار و يكون  مشاكس
ريهام: يلاه نعسو  غدا  فايقة بكري
توجهو  للناموسية  و تكات و عطات  يظهرها  ل نوح  حتا عنقها  من لور  وهدر  ف ودنها: مااال حبييتي
ريهام : والو  ا نوح
نوح: حاس بيك  ا ريهام قولي لسا مالكي
هي بلا ماتحس ظارت  عندو ة عنقانو تخشات ف صدرو  و بدات تبكي وتشهق وهو تايسولها وهي والو   واش كاتجاوب حتى صعراتو : واااااهدري بلا ماتجهليني  ف هاد  ليل واش  هدر  معاك شي واحد
ريهام: لا
نوح: ايوا مالكي
ريهام؛ انتوحشك  بزااااف و رجعات تاني كاتبكي قلبها مزير عليها ..خايفة  من كلشي  و لب زاد مرضها تعلقها  ب نوح لي هاد الاخير  تبدل ووولا تا يحماق  عليها  و لكن  مابقاتش دايرة فيك التقة  عايشة حياتها ف شك  غدا ولا بعدو يقولها كانبغي و حدة اخرى .كاتبكي على مكتوبها  لي من بعد 3 شهور الزواج  اترجع  مطلقودة و فوق من هادشي 0 درهم  ف جيبها  لان هي لي طالبة الطلاق ...بقات هاكاك ونوح  مزير  عليهها  بحللا اتهرب ليه حنى نعسات بين يديه  وهو حلف النعاس الا جاه
وصلت  6 الصباح  نوح لي مانعس ماشافو  بدا تايفيق  ف ريهام  لي  بزز  باش  حلات  عينيها : حبيبة  فيقي يلاه توجدي  راسك  باش نمشيو للمطار
ريهام'؛كاتجبد : مممم واخا 
نوح؛ باسها  ف فمها ؛يخليلي القطيطة ظيالي ...انتوحشك
ريهام: حلات عينيها فيه  باين عبيه ماناعسش  ماشعرتش  حتى  تلاحت عليه  باستو و ندامجو حتى  حس  نوح  بدموع ريهام  على وجهو  و  حبس شد ليها و جها بين يديه : مالكي  ا ريهام  و بلا ماتقولي والو ؟
ريهام ؛ كاتنخصص : والو والو  انوخ غير قلبي  مزير  عليا
نوح: جرها لعندو وعنقها : مامانحملش نشوف  دموعك كايحرقوني
ريهام: زادت زيرت عليه: انتوحشك  بزااااف
نوح: حنا دابا لاش كانمرضو ف ريوسنا جلسي  ماتمشيش حتى نمشيو بجوج 
رسهام: لا لا غير هليني  نمشي  انحاول نجي  قبل من الوقت
نوح : ايوا  نوضي  دوشي باش  نتحركو
دخلت ريهام  للدوش و نوح  هز  كارو  و خرج  للبالكو  يتكيف ..خرجت عندو ريهام ببينوارها لقاتو متكي  يديه على  البالكو و تايطل  جات بالزربة  حيدات  ليه  للكارو   و طفاتو؛ ماشي  على للريق  انوح حنى تفطر  بعدا
نوخ: شكون  ايبقى  يتسوق ليا مني اتمشب
ريهام:شفتك كاتهدر بخالا ماانرجعش راه واقيلة  انجلس غير 4 ايام  .
نوح: بصراحة ماحاملش هاد  المشية
ريهام: انمشي نلبس  باش مانتعطلش  و نهدرو  ف الطريق
نوح: 😤😤 اوك اوك
لبس حتى هو  و ماراشقة ليه  على  وااااالو  ماحاملش  راسو ..تحركو  بجوج  للمطار  و الصمت  سيد الموقف  من غير يد نوح لي  شادة ف ريهام  و مزيرة عليها  و صلو  للمطار  و قادو الاجراءات اللازمة  ..حتى تسمع  النداء الاخير للرحلة  ديالها وقفت ريهام و نوخ بجنبها  جرها لعندو وعنقها  و حابس الدمعة  بزز باش  ماتنزلش  اما هي  ف  عطات العنان  لدموعها  ياخدو طريقهم  حيت لا حبستهم  اطرطق ..رسم على  شفايفها قبلة طويييل لي كاتبين  شوقو  و اشتياقو ليها  مني اتمشي  عليه ..دارت ريهام  ساكها على  كتافها  و زادت  باش  ماتشوفش فيه ..كيف وصلات الباريير لي اتعطي فيه  الباسبور ديالها دارت عندو و لقاتو باقي  واقف بلاصتو  و ووجهو حمر و مزير علي  يدو  ما شعرت حتى مشات كاتجري عندو  و حتى  هو حل ليها يديه  تلاحت  لعندو  كاتعنق  و تبوس بيه  ف وجهو حتى ولاو الناس لي  ف المطار  مقابلينهم
ريهام كاتبكي  وتنخصص: نووح  تهلا ف راسك و كول مزيان و بعد من الكارو و ولي تنعس  مزيلن
نوح: هههه براكة  عليا من  النصاءح  هادشي  ما انديرو  حتى تكوني  حدايا ..دابا سيري  راه  بقيتي  غير نتي ..
هبطها  من حضنو حيت كان هازها باسها ف راسها : كانبغيك و انبقى نبغيك  لاخر  نفس  كايطلع  و ينزل  فيا
ريهام: باشتو فف مو وهي مغمضة عيتيها : كانبغيك  كتر من روحي ..سمح ليا انو ح  سمح  ليا  على  كلشي
مشات بلجرا و نوح  بقا واقف  حتى غبرات  عليه  مشا لوطو  ة ديمارا رجع للدار  دوش  و مشا لخدمتو وهو  مخزف  ماحامل  حد
اما ريهام كيف ركبات  ف الطيارة  بدات  تبكي  و تنحط و كلشي مقابلها شي تايقول مسكسنة طلقت  شي تايقول خلاها  و مشا عليها شي تايقول مات ليها شي حد  من عاءلتها  و الخبار وصلاتها كل واحد و لشنو  تايقول و ماعارف اش بيها غير ريي العالي  لي عالم  بالقلوب ..
جبدات تلفونها وصيفطات مسج لينيس و طفاتو  ..غمضات  عينيها ونعسات حيت لابقات كاتفكر  اتنازل  على كلشي و اتنسا  امر الانتقام  و هادشي هي لي  كاباغاش حيت  فينما كاتفكر محاولة  خيانة نوح ليها و معيارو ليها  كاتجهل ..
وصل نوح  للبيرو  وهو  تايجدب  باغي غير  معامن ..صونا بورطابلو شاف شكون و قطع  بقات طاتصوني شي 6 مرات  عاد  جاوب: اااااااش باغا واش  عدو ربك كاتفهمي  من ترمتك قلت لك قيييييليني  عليك
ايلينا : بلا ماتبقا  تنفخ  عليا عندي لك جوج  كلمات  خاصني نقولهم لك
نووح: جوج كلمات زيديهم  ف راسك انا  ماباغي نسمع  منك والو
ايلينا؛ سمع مني انا حسن  ماتسمع من قنت  اخر ..ها الكرة  عندك  ختار نهار  تكون  مسالي  وعيط ليا
قطعت عليه  وهو بقا مصمر من طريقة كللمها  متعودة غير  تسمع صوتو تبدا  دمع حاول ينساها و ينسي هدرتها و ركز  ف خدمتو و مرة مرة كايهرب تفكيرو  ل ريهام 

وصلت  الطيارة  ديال ريهام  لمطار محمد  الخامس  ولقات  نبيل  خوها  لي ملقي  ليها من بعد  السلام و السوال عن الاحوال  شدو  الطريق حتى  نطقت ريهام؛ مال مروان ماجاش  معاك؟