هزاتو على كتفها يتكرع حتى جا نوح هزو من عندها.وحط لها ملاك .هو هز اسلام بدا تايدور بيه و ريهام ولات غير كاتبربص ف بلاصتها بغات ترضع بنتها و نوح حداها ماتقدرش تهري صدرها حداه
نوح: واش اتبقاي شاده هاديك للبنت قاتلها الجوع ..رضعيها خخلاص
ريهام: وخا خرج و انرضعها
نوح: شناااااهوا؟ رضعيها بلا عياقة قالاك خرج زوينة هادي
ريهام: اه خرج
نوح بعناد ؛ جلس اونفاص معاها: يا اترضعييييها هنا فهاد البيت و قدامي يا خليها تبقا تبكي بالجوع
ريهام يلاه بغات تهدر قطعها : اووش رضعيها خلاص
ريهام مالقات مادير جبدت بزولتها و عطاتها لبنتها لي شدتها بالجهالة مع مسيكينة جاعت ..ريهام دارت عليها ليزار تغطات بيه حتى لقات نوح جلس حداها ف الناموسية و جر الغطا هزت راسها فيه: ولاااااا كلمة
ريهام تمانت الارض تحل و دخل فيها ولات حمرة بالحشمة و من قرب نوح ليها لي تايدوز يدو على راس بنتو لي كاترضع كاتحس بالنفس ديالو كاضرب ف صدرها بقا عليها امتى ينوض لان هاد القرب لا يبشر بالخير بلاخص مني حسات بيدو كادوز على يدها لي شادة بيها ملاك طلعات معاها تبوريشة و لسا ن تقال عليها باش تمنعو و لاغير تهدر كاتحس بصبعو تا يمشي مع دراعها و ينزل وهي الصهدة طلعتها ...ماعرفت كيفاش وصل ل وجها لي بدا تايلعب فيه و ف خصلات شعرها..حسا بيدو نازله مع عنقها تما ضربت الفقدة ف راسها و قفزت ..رجعت لور ..وهزت بنتها وقفت بالخلعة خلات بزولة خارجة و بزولة داخلة ..تمت غادة جهة الباب حتى وقفها صوتو: قبل ماتخرجي قادي حالتك ..شافت ف رايدسها تصدمت يالزربة دخلاتها و حلت الباب : بلا مانخرج هاد المرة و نلقاك ناعسة تاني على صدر سمير راه عطا الله الخدادي علاش تكاي..وشوية جي عندي دي اسلام باغي نعس
هي ولات بحال المضبعةة غير كاتحرك ف راسها باه ..هزت بنتها و خرجت مشات جلست مع مريم وعاودت لها اش طرا و للخرا شجعاتها باش تعطيه فرصة راه مهما كان بابات بنتها ولكن طلبت منها تقل و تعفر ماشي بالسهولة ترجع لمياه لمجاريها ..ناضت اتجيب اسلام من عند نوح و كاطلب من الله يكون ناعس مافيها لي تقابل معاه دخلت بالتسلات لقاتو ناعس و داير اسلام فوق منو ..تاكدت بلا راه تايسرح عجول لاخرة مشات نزلات عليه الريدو وهزات الوليد بشوية بقات كاتشوف فيه عجبها وهو ناعس بلا ماتشعر نزلت طبعت قبلة على جبهتو(رمضان هدا ههههههه) وخرجت
ف دكالة لي فيها الصداع للارض و للسما الزاهية لي مدايرة سكوندال على ثبل الهدرة لي سمعت : وااااافهموووني واش كاتفلاو عليا ...كيفاش نوح بابات ملاك
فاظمى: لعني الشيطان و هنينا غير هدرة و صافي راه مامنها ولو
بوشعيب: منها قالاك مامنهاش ..بغيتو تجلسو ونهدرو بالعقل تبارك الله بغيتو تبقاو تجعوقو ماعندي مشكل
فاطمة: اووعدي علا دابا ملاك بنت ولدي ..
جلسو ف الصالة و الكل كايتسنا بوشعيب ولا محمد يهدر : شوفو انجيكم من اللخر راه ملاك بنت نوح و ريهام ماكانتش عارفة راسها حاملة حتى طلقت و خبات عليه وتزوجت ب ينيس لي كان عارف الامر من اللول ..لولا موت مي ماكناش انعرفو هادشي و مانو ملاك اتكتب على سمية ينيس ..حيييت كلشي من هاد البكرة لي جالسة حدايا ديال سارة و ريهام
فاطمة: نتي كنتي عااارفة و مخبية . ماحشوماش عببك كنتي تاتشوفي خوك تايموت على فراق ريهام و بقيتي ساكتة
سارة وهي تفرقع عليهم وقفت ف وسط الصالة و بدات تهز ف يديها ؛ كلكم 😡😡 حاسبتو ريهام و قلتو مادارت فيها مايصلح وماشفتوش هي اش داز عليها ..لي جات من مريكان وهي يد لور و يد القدام و زايد عبيها الهدرة لي كنتو كاتقولو ليها كاتسمم ..كن لقات العائلة لي تشد ييها كانت اتجلس فدارهم من مورا طلاقها ..ماشي كل وحدة تنوض ترمي عليها ها هنية تبدا تركد ف عينيها حقا ما حقا ماعندناش البنات يطلقو سوووووقك الالة ديها ف راسك و ف بنتك لي ماخلات فقهة ولا سحارة و زايدون ريهام ماجالساش ف دار باك باش كل مرة تلوحي لها كلمة ..ريهام ماظاااااارت وااالو الا هي غلطت ف كان ردة فعل لغلط داارو خووويا كبر من غلطها ...الناس الوحيييدين لي هزو بينا ف ازمتنا ووقفو معااانا بكل معنى الكلمة هي خالتي الزاهية و ينيس الله يرحمو ..عمرهم حسسونا بلا متقلين عليهم ..مني كانت ريهام باغا تنتاحر فين كنتو ولا مني نعست ف السبطار شكون تسوق لها (دارت لعند مها ) ولدك لي تزوج و عاش الحياة وولد ماتحاسبوهش حيت هو راجل وهي مرة ..اييييوا كانقوله ونعاودها ياااااا اتفرقو عليييها و تبعدو عليها سمكم ولا انا لي اتلقاوني ف وجهكم ما انبقا ندير لا اعتبار لا لكبير لا لصغير حيت نهار لي كنت انمووووت بالتوكال لي كليت و السحر لي دار ليا حتا واحد مالقيتو بجنبي من غيرها هي و ينيس ...وكااااانقو لها لوووووكااان ينيس حي بربي مانخليها ترجع ل نوح
تنهدت سارة من بعد هاد الموشح لي قالت و مشات لعند الزهية باست لها راسها : نتي الوحيدة لي تستاهل نطلب منها السماحة و لكن حنا خبينا حمل ريهام تحت طلب ينيس ..ملاك بنتك ومايحيدهاش لك الطبيب
خرجت من الصالون وخلاتهم موراها مصمقلين حتى واحد ماقدر يهدر مورا كلامها لي قالت خرجت برا جردة تكات على رولاكس و بدات تبكي حست ب هادشي لي قات استنزف قوتها ..سارة عندها ريهام خط احمر لان لي داز عليها ماشي ساهل و الوقفة لي وقفت مع سارة لو كانت عندها ختها ماديرش عليها هاداكشي لي دارت ..
بقات كاتبكي حتى بردت على قلبها مسحت دموعها و وقفت غادا طلع لبيتها وهي تلقا مروان جالس موراها ف الكرسي و داير رجل فوق رجل ..شافتو وهي تكمل طريقها ماتسوقتش ليه حتى شدها من دراعها حيت دازت من حداه : مروان طلق مافيا لي يبدا يتجابد معاك
مروان ببرود: جلسي نهدرو
سارة: انا مافيا مانهدر عيانة باغا نرتاح
مروان: وقف: حتا انا عيان و باغي نرتاح
سارة: هااا..كيفاش؟ شوف الله يخليك حيد من طريقي ماشي هدرنا معاك هاد لليومين طلع فوق راسي
مروان: هاي هاي مابقيتيش ساهلة وعاريتي مع راسك
سارة: بفففف 😤
مروان: قرب لها حتى تلاصق معاها : ووليتي تسوطي وتنفخي
سارة دفعاتو ووالو واش تزعزع من بلاصتو: حيد من حدا وجهي
مروان بهدوء وهو مركز ف عينيها : درتي الرقية؟
سارة بدهشة':هاااا انا رقية
مروان: بلا ماتبوهلي عليا راه سمعت كلشي
سارة: مزيان الا سمعتي ولكن نتا ماشي سووووقك
مروان: شدها من دراعها: سوووووقي الالة
سارة : نترت يظها: داأااابا عاد ولا سوووقك حتا صحييت و رجع فيا الضو عاااااد بنت لك .مني كنت نتوجع و نرض مسارني ونسخف فييين كنتي .باينة ليا نسيتي كلامك بلا انا تانبان لك بحال الخرية ..دابا وليت ترية كانبان لك حتا جالس كاتنوعر عليا ..سمعني مزيااااان فوت سااااحتي لي داز عليا ماشي ساهل و مامستعداش نعاودو من جدة وجديد ..خليك مع سميرة توالمتو
مروان؛😡 اشمن سميرة ولا خرا ..سمعي اسارة انا ماعرفت مالي هادوك الايام بحالا كانو عينيا مغمضين عليك ماتانحملكش .ولكن فوق مني شي حاجة كاتخليتي نكرهك..راه حتا انا مادازش عليا بالساهل ..راه مرضت و صحتي رجعت اللور
سارة: 😏😏 باينة غير من الزهو لي كنتي كاتزها
مروان وهو واصلة ببه للعظم: بااااش انزها ا بنااادمة وانا مااااقاد حتى نقيم فهمتي ولا نفهمك بطريقة اخرى
سارة: حاولت تنتر منو يدها لي مزير عليها : ماااشغليش انا ..سير عند هادي لي حلت لك رجليها وبيها باش عرفتي راسك مابقيتيش راجل وفوتني انا
مروان: دفعها؛ تفوووو بفعايلك مانادمش حيت طلقتك
سارة: هههه تصحاب ايبقا فيا الحال من مورا هاد الهدرة غير دير ف بالك(قربت ليه حتى وصلت لودنو هدرت بصوت شبه مسموع) انك نتا زينتيني ل سيااااادك لي كنت خايفة عليها درت عليها عرس مطرطق .دابا سيد سيدك ندير غير صاحب و نعيش الحياة
مع سمعها مع عطاها 2 تصرفيقات متابعين حتى طاحت لللارض هبط لعندها وشدها من شعرها جرها لعندو: هنا اتبقاااااااي هنا بلاااااصتك رجلي على رجلك نهار تبغي تقودي ل شي قنت انكون معاك ..يلا طلعي تقودي ل بيتك
سارة وققت طلعت ونزلت فيه و مشات لبيتها و صباع مروان مطراسيين ف وجها
رجع هو جلس بلاصتو فوق الكرسي وهو مايطلع النفس و يهبطها غير بزز جبد كارو و جلس يتكيف و كلمة زينتيني ل سيادك تاتعاود ف راسو ..طفا الكارو بالزربة و سيفتو لا تبشر بخير متوجه لبيت سارة يابيه يا بيها
YOU ARE READING
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
