وصلو ريهام و نوح لي ماقاداه فرحة مني تجمع هو وريهام عاود ومعاهم وليداتهم ...طلعو للدار عند مريم لي لقاوها موجدة الغدا و كاتسنا ف سمير باش يتغدو مجموعين ..جلسو و هما فرحانين نضرات العشق و الاشتياق بيناتهم ..اما مريم غيى حاضياهم و فرحانة لهم حيت مهما كان حبهم قوي و كان خاصو غير دفعة باش الامور ترجع لمجاريها ...جا سمير و تغداو وهو ينطق نوح: سمحولينا بزاف ماحناكم معانا ..ان شاء اله انا و رسهام ارجعو ليوما للدار
مريم: و علااش بقاو شوية مونسينا
ريهام غير ساكتة عارفة مازال تابعها تحقييييييق ف الدار وخاصها تجاوب على كل الاسئلة
نوح: لا والله مرة اخرة خاصني نقاد اموري هنا باش نرجعو لامريكا
رسهام: امريكا ؟
نوح؛ واشنو ..ولش ناسية خدمتي لي مخلي. ..نوضي وجدي راسك باش نوصلو بكري
ريهام ناضت رضخات لهدرتو مشات للبيت لي حط فيه هاداكشي لي شرا من المحل ..لقات حويجات طوال ولكن مستيليين ..لبست سروال تجين زرق و فوق شوميز غوز طويلة حد الركبة فيها فتحات ف اجناب و لبست سبيبيط بلا مارو وهزات صاك مارو ..دارت شوية للماكياج من عند مريم لي مشطات ليها شعرها سبولة و جاها فن .لبست لبنيتها كسيوة غوز و دارت ليها باندة غوز وخا البريهيشة قرعة و اسلام لبساتو شويريط باج و بودي بيض ..هاكا و جدات هي ووليداتها لانها ولات كاتعتبر اسلام ولدها ..رضعت بنتها و سايبت الرضاعة لاسلام باش مايجوعوش ف الطريق
دخل عندها نوح لي كيف شافها بقا متبعها من رجليها لراسها قرب لها و طبع بوسة على جبينها: الله يخليك ديما منورة
ريهام عنقاتو من خصرو' الله يخليك لينا ديما
شاف ملاك و اسلام لي فوق الناموسية فنيونين وعنقها : كانواعدك اريهام انعيشو احسن ايام نا لي باقا ..انتبدل و مانبقاش هاكا والله غير عمرك تخليني
ريهام : خايفة من الهدرة و المشاكل لي اتوقع ف الدار
نوح: هز لها راسها بيدو وقرب لفمها : خايفة واونا معاك ..سمعيني حتا واحد ماسوقو كانو ايهدرو باداب انجوبوهم باداب كانو ايبداو يتهزو و يتحطو راه مايسالونا مانسالوهم ..فهمتي...طبع بلة على شفايفها و اندامجو مع بعض حتى طلقت ملاك زواكتها ..وهو يخنزر نوح: راه قلت لك دايرة بحال عمتها سلعة وحدة ...هز اسلام و خرج و خلا ريهام كاضحك مع بنتها لي غير خرج نوح سكتات ..توادعو مع مريم و مراتو و شدو الطريق ..
اما عند التنائي لاخر لي مرواااان مبرد باغي يفقصها وهي طالع لها الدم
مروان: حبيبة نريحك ف السوقان باقا للطريق بعيدة.
سارة : شافت فيه بنص عين ..حبوبة تجيك ف اللسان ماتلقا ليها دوا
مروان وهو يشدها من حناكها : والا جاتني الحبوبة باش انبوس
سارة: ههه هاداكشي لي هامك..ماتخافش وخا تجيك ف الفم عندك باش اتخدم
مروان؛انا باغي نبووووسك نتي
سارى: 😡😡 مروان عيقتي نتاا صافي قلب عليا درنا فيك خير بلا ماتندمني
مروان: هههه بحالا كن ماخليتينبش نمشي معاك كنتي اتعتبيها ..سوقي سوقي ماحظي معاك زوين
سارة : ماهدرتش معاه ..و دورت لوطو و رجعات منين جات
مروان:ا فين راجعة
سارة : ياك انا الشيفور ايوا نمشي فين بغيت
مروان؛ الله يستر حال ووعقل عندك ..انا ما عندي مشكل و خا ديني ل جزر القمر مهم نكون معاك ا حبيبة😁
سارة : زادت شوية وهي تهدر: علاش تادير هادشي
مروان : بلا مايشوف فيها : ماكندير والو ا سارة ..
سارة : وهي الغصة ف قلبها : لا كادير ..كنت هانية علاش رجعتي تاني ل حيااتي
مروان : شاف فيها و هي مركزة ف للسوقان و مزيرة على الفولون: انا اصلا كنت ف حياتك ماشي عاد انبان ..كاع لي كوبل كايوقعو بيناتهم مشاكل و تايرجعو ولكن نتي مازال مقصحة راسك
سارة: هههه مقصحة راسي. علا هادشي بي وقع ليا معاك راه ما خاصنيش نشوف فيك حتى الشوفة
مروان؛ نتي عارفة ماكنتش ل خاطري شي خاجة قوا مني و منك كانت فارقانا
سارة: وهادشي لي غافر لك انني عارفة ماكنتيش ل خاطرك و كانتعامل معام على اساس و لد عمي و بس
مرولن؛ وانا ماباغيش هاد كلمة و لد عمي ..نتي راك مراتي و حبيبتي ولي دوزنا ماشي ساهل
سارة: 😏 كنت مراتك ا مروان ..يلاه اتكمل هدرتها وهو يصوني بورطابلها طلعت نمرة ماعرفتهاش ..خافت شي واحد يكون من ريسطو وجاوبت وهي دايرة لهوت باغلوغ باش تسمع وتركز ف السوقان : الو ؟؟
..:الو سارة صافا
سارة: وي الحححمد الله ..شكون معايا
...:وايلي ماعرفتينيش ..صوتي تنسا .
سارة؛ شوف الله يرحم حدك غير اتقول شكون نتا ولا انقطع
...؛ هههه وااباقا قبيحة نع راسك ..ايوا الالة انا مراد
سارة: شافت ف مروان شوفة مخطوفة لقاتو ايطرطق: اه مراد صافا
مراد؛ الا كنتي نتي صافا حتى انا صافا . ايوا فين غبرتي لا برية لا تلفون
سارة شافت عصب مروان بدا يزيد يلاه اتهز تلفون باش تحيد الهوت باغلوغ وهو يشدو مروان و قاليها براسو كملي سرطت ريقها و كملت الهدرة من بعدنا سمعت مراد تايعيط لها؛وغير الوقت اخويا وصافي .ياك نتا هاني الخدمة مزيان
مراد: توحشتك اسارة
سارة مالقات ماتقول وهي كاتشوف ف يد مروان لي مزيرة على تلفون لي صبر حتا عيا وهدر : نهار نعرفك عيطتي ليها دياااالك نحيدو و نقطعو نلوحو لخوتك لكلاب..سارة رجعت لراجلها لي هو انا ..ونمرتها ضرب عليها ...
قطع عليه و بلا مايهدر نع سارة خيد للباتري ديال بورطابل و حبد لاكارط هرسها ولاحها ..وسارة لت كلمة عرفت راسها الاهدرت اترعف كملت سوقانها حتى وصلو للفيلا و دخلو وهو مخنزر خاصو غير معامن وزادت كملات مني سمعو الصداع ف الفيلا و المعيار واصل لفين
لقاو نوح لي تايصعر على العاؤلة لي كلها مجموعة وريهام لي طايحة للارض بالبكا و شادة بنتها ف حضنها والزاهية لي كاتشعون بيديها : تبااااااارك الله على بنت ختي لب كنت حاسباها ف حسبة بنتي يطلع منها هاد العجب كااااامل وانا لي فرحانة بالزيادة تانقول انشم ريحة وليدي و نتي صدقتي ملقطة ليا برهوشة من الزنقة
نوح وهو واصلة فيه العضم ولي تايزيد يصعرو تايشوف منضر ريهام اي فاشلة و دموعها ماحبسوش جات لعندها سارة حاولت توقفها وهي والو واش بغات تحرك ليها ولا تهز راسها فيهم ...نطق نوح بصوت زعزع الفيلا : 😡😡 جمعي فنك قالاك من الزنقة رااااااااها بنت الحلااااال و عندها بااااها ..جيتيني مرة و خالة ريهام لي وقفت معااااها اما بربي حتى نتبعك لولدك ...اتصوني لسانك حسن لك ولا انوريك وجهي لاخر
محمد؛ نووووووح احترم شوية
نو ح: بلا نوح بلا زمر ..جر ريهام نن دراعها وقفها وهي شادة ملاك اما حتى اسلام عند فاطمة ..دور يدو على خصرها زيرها باش ماتفشلش ....ليه وهدر بكل تقة فالنفس و نضراتو كايدوزو من واحد لواحد : سمعوو مزيااااان هادشي لي انقوووول ...مانعودوووش ..حتى واحد قيكم ماعند الحق يحاسبني انا و ريهام بجوج بينا ماكانش عندنا العقل ودرنا اغلاط و حنا لي تحملنا اغلاطنا و عشنا بعاد على بعضياتنا ...كنتو كل مرة اتبقاو تلوحو الهدرة ف من دابا تانقولها انمشي انا وهي لامريكا وعمركم تشوفو وجهنا ..ونتي الالة الزاهية لي جالسة مشبهاها ليا ببنات الزنقة هي راه اشرف وحدة وماكدبت على حد لان الموضوع كان عارفة ولدك الله يرحمو ورااااضي علين يعني نتي ماعندك فين دخلي .الا لا بغيتي تسمعي مني شي هدرة طايحة..بغيتي دابا تجلسي معززة مكرمة مع ختك تبارك الله ..وانا ماشي ولد الحرام ريهام وملاك مانمنعهمش عليك راه حتا نتي كنتي كاتسنايها تحي تعمر لك الدار ولكن فكري مزيان تبغي بنتي تهز سمية راجل اخر...ريهام ماغااالطااااش موضو ع تايهمني انا وهي مامان لاش ديع لعند كلشي وتعاود له قصة حياتها ..هادشي لي عندي قلتو ديروه ف ودنكم و نااافقونا ولو غير شوية حتا نقاد اموري و نرجع بحالي ..
شاف ف سارة : شدي ملاك من عندها و طلعيها لبيتي
سارة دارت داكشي لي قال وهو هز ريهام بين يديه لي صافي نابقاوش عندها الرجلين بالمعاملة لي تعانلت بيها من مها و باها و خالتها لي ماخلاو فيها غير لي نساو ..اما سميرة و هنية فالكلمة المخيرة تايعطيوها لها ....ماكانش نوح بغا الموضةع يوصل لهنا ولكن هما تجاوزو حدودهم ..طلعها لبيتو نعسها فوق الناموسية وهي مغمضة عينيها و الدموع نازلين باسها ف راسها و خلاها تبكي على خاطرها على الله تفش شوية ..حط حداها ملاك وسد عليهم الباب و خرج ركب لوطو و تحرك يقاد الوراق باش يديهم مابقاش حامل يجلس ف الفيلا وهز نايشوف نظراتهم كانهم ظايرين شي منتيف
ESTÁS LEYENDO
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
