قاسي بس حبيتك💔

B3

راحت مريم لمكتب صكر دگت الباب

صكر: دخلي

مريم: نعم استاذ محتاج شي

صكر: تفضلي ليش واكفة(كعدت مريم)شوفي انسه مريم خلي احجيلج على الشغل وقواعدة وقوانينه

مريم: تفضل استاذ

صكر: اولا انتي اليوم اجيتي متاخرة يعني بس كليلي اكو واحد يجي للدوام ب8 ونص وين لاكيتها هاي باجر اريدج ب مكتبج موجودة الساعة ب7 ثانيا تقليل الادب كلش ماحبه وانتي حجيتي عليه واصلا انتي متعرفيني منو اذا كنت مدير او موظف ف تقليل ادب ماريد واذا سمعت اي شكوة عنج بنفس اليوم تجيني على مكتبي ورقة استقالتج ثالثا اذا انطيج شغل وطلبته منج بوقت محدد معناها يكمل بنفس الوقت اذا يتاخر دقيقة وحدة عن الوقت اخليج تعيدي مرة ثانية رابعا اذا اني جنت منطيج اوراق شغل او اي شي ومخليها عندج واتصلت عليج معناها اني اريدهن يمي ف بسرعة تجين لمكتبي وتجيبيهن هسة تكدرين تروحين

مريم: بس استاذ اليوم اكو شغل الي

صكر: اذا جنت محتاج مساعدة راح ادز عليج

مريم: بس استاذ سؤال يعني بيش الساعة يخلص الدوام

صكر: الساعة ب 3 الظهر واحيانا اذا صارت عدنه اجتماعات يمكن نضل ل 7 بليل

مريم(تفاجئت): شنوو ل 7 بليل

صكر: اي ليش ماعاجبج

مريم: هااا لا عادي يلا اني اروح عن اذنك

صكر: اذكرج مره ثانية لتنسين القوانين خليها بهذا (وياشر على عقله)

مريم: ان شالله (وراحت لمكتبها)
.........
مريم وتحجي وي روحها (اوووف ياربي ليش هيج يصير وياي والله تعبت ليش المشاكل كلها تجي فوك راسي ليش ياربي ليش...استغفر الله ربي واتوب اليه استغفر الله)
حطت مريم ايدها على خدها وصفنت وراحت لغير عالم...

صكر: مهند مهنددد

مهند: نعم استاذ

صكر: صيحلي مريم

مهند: حاضرر

مهند: انسه مريم

مريم: ......

مهند: ااا احم احم انسه مررريم

مريم: هاااا شنو شكو

مهند: سلامتج بس المدير يريدج ب مكتبه

مريم: اهاا اوك واسفة بس جنت صافنه منتبهت عليك

مهند: لا عادي يلا عن اذنج

وراحت مريم لمكتب صكر(بينها وبين نفسها ادري هسة كل شوية تريدني بمكتبك تره والله مصارت هاي شلون لزكه) ودگت الباب

صكر: دخلي

مريم: نعم استاذ محتاج شي

صكر: تعاي كعدي هنا
وراحت كعدت

صكر: اخذي هاي الاوراق وسوي......(وكللها شنو تسوي بيهن) اريدهن جاهزات بعد 5 دقايق
(رادت تروح تسويهن بمكتبها)

صكر: وين رايحه

مريم: اسويهن بالمكتب مالتي

صكر: سويهن هنا احسن

مريم: بس...

صكر: لا بس ولاشي كعدي هنا

مريم: ان شالله(وكعدت تسوي الاوراق مرت 3 دقايق بس)

مريم: استاذ خلصت

صكر(متفاجئ): بس بعد مصارت 5 دقايق

مريم: استاذ هذا شي سهل بالنسبة الي وهسة خلصت

صكر: انطيني خلي اشوف(جنت احاول الكيها ناسية شي واحد بس كلشي جان كامل)

صكر: احم شكرا الج

مريم: هذا واجبي....بعد محتاج شي استاذ

صكر: سلامتج تكدرين تروحين

مريم( سبحان مغير الاحوال قبل شوية جان ميتحاجه وهسة شكرا وتعبتج وسلامتج ياربي سبحانك)
...........................................

صارت الساعة 3 الظهر

مريم: استاذ عن اذنك اني راح اطلع

صكر: اوك الله وياج

مريم: عن اذنك
(رجعت مريم للبيت)

ابو مريم: حضرتج الساعة 3 ترجعين للبيت بهل الظهاري هسة شتكول الناس عليه هاي بنته تطلع من الصبح وترجع الظهر

مريم: ب بس بابا هو الشغل هيج ب 3 يخلص واذا صارت اجتماعات ب 7 يخلص

ابو مريم: والله يامريم اذا سمعت عنج شي ماراح اخليج عايشه صدكيني

مريم:💔💔😭

(مريم: اووف ربي شوكت اخلص ياربي ماتاخذ امانتك وتخلصني ياربي ااااه اه)
.............

رسل: واخيرررا اجه اخوي العزيز يمه فدوة شهل جمال

صكر: ههههه طالع على اختي الحلوة

رسل: اوووي فدوة

صكر: اي ماكتلج لكيت سكرتيرة جديدة

رسل: صدك اي كلي شلونها حلوة لا شاطرة لو كلشي ماتفتهم

صكر: اوووف جمالها رباني وشطارتها ماكو منها  تخيلي انطيتها اوراق كتلها خلصبهم ب 5 دقايق لا اكثر خلصتهن ب 3 دقايق والله فاجئتني

رسل: اوووي خاف انعجبت بيها

صكر: والله يمكن ههههههه.....بس تعرفيني مااحب الحب ولا هاي السوالف

رسل: ادري ياخوية عمرك 27 سنه ماتكلي شوكت تزوج اريد افرح بيك واريد اصير عمه والله اذا تزوج اردحلك ردح الا اذب لحم

صكر: فديت حبيبي ان شالله بس مو هسة

رسل: انته كل ما اكلك تكلي ان شالله بس موهسة😒بس شسوي انتظرك بفارغ الصبر

صكر: ههههه فديتج خيتي

رسل: فداك عمري❤
.................................
لهنا يخلص البارت ادري كصير كلش ومابي احداث بس شسوي واسفة تاخرت هواية بالنشر بس صار عندي ظرف وماخلاني اسوي اي شي لا تنسون سووا لايك وخلوا تعليقاتكم حلوة مثلكم❤😘واسفة اذا اكو اخطاء املائية❤