مشت الايام ومريم وصكر حبهم يزداد يوم عن يوم اما رسل واحمد واحد يحب الثاني بس محد يعترف للثاني نظراتهم هية اللي تحجي كلشي...
يوم الجمعة الساعة ب 2 ونص الظهر...
احمد(خلص لاوم احجي وي صكر لان صبري خلص ولازم اخلي رسل تصير الي قبل متضيع مني)
دك احمد باب غرفة صكر ومريم..
صكر: تفضل
دخل احمد
صكر: احمد خير شصاير بيك شي
احمد: لا عيني سلامتك مابيه شي بس اجيت اريد احجي وياك بموضوع
صكر: تفضل استريح واحجي براحتك
احمد: صكر اني اليوم اجيت احجي وياك واتمنه متردني...اني بصراحة اريد اطلب ايد اختك رسل على سنة الله ورسولة
صكر: نعم؟
احمد: اي..بس ليش هيج متفاجئ؟!
صكر: لا بالعكس اصلا اتشرف بواحد مثلك يكون زوج اختي بس رسل بعدها صغيرة مو مال زواج
احمد: اي ادري بس صدكني راح احطها بعيوني وذا تريد اصلا راح اعتبرها بنتي مو بس مرتي
صكر: ههههه والله احمد اتشرف بيك بس تدري رايها لرسل اهم وتعرف انته اختي الوحيدة وماريد اجبرها على شي
احمد: طبعا اعرف شعورك وحسيت بي هم لمن انته خطبت مريم بس والله من اول مرة شفت بيها رسل حبيتها ودخلت گلبي وطبعا اجيت خطبتها اليوم وماريدها تضيع مني
صكر: ان شالله ماتضيع منك
(طلعت مريم من الحمام)
مريم: شكاعد تحجون
صكر: وانتي شعليج زلم وكاعد نحجي تحشرين نفسج بكلشي شكو
مريم: هسة ديلة شكلت علساس هسة اني ميته عليكم واريد اعرف شكاعد تحجون اصلا ميهمني وبعدين مو صوجكم صوج الي يحجي وياكم(وطلعت من الغرفة)
صكر: يبوو زعلت هسة شيراضيها
احمد: هههههه يلا روح راضيها ولتخليها زعلانه وصح لتنسه تحاجي رسل بالموضوع
صكر: ان شالله(وطلع احمد من الغرفة بعد ربع ساعة دخلت مريم)
صكر: مريم
مريم:......
صكر: مرررريم
مريم:......
(كام صكر ولزم مريم من ايدها بقوة)
صكر(بعصبية): لمن احجي وياج تردين عليه سمعتي
مريم: ااااه صكر شبيك ايدي كامت توجعني
صكر: استاذ صكر مو صكر فهمتي
مريم(نزلت دمعتها): هاي شبيك ليش هيج تعاملني شسويت اني.....كافي عوف ايدي اذيتني
أنت تقرأ
قاسي بس حبيتك💔
General Fiction• اي يفلان ؛👤.' • واذا سألوك عايش وين ؛❕👌🏽.' • دليهم علةه عيوني ؛ 💜
