قاسي بس حبيتك💔

B4

مر شهر كامل واني على هاي الحالة منا بابا بس يضرب بيه ويرزلني ومنا المدير ميتحاجه ودائما المشاكل تطيح على راسي بس ما اكول غير الحمدلله والشكر على كل حال بعد شسوي تعودت لان كظيت حياتي من صغري ولحد هسة هيج اليسوة والمايسوة يغلط عليه ويرزلني...ااااااه

(سمعت الهاتف مال الشغل يدك اكيد راح احصل رزالة من المدير)

مريم: ااا الوووو

صكر: بعد وكت ليش ماضليتي فد شوية وجان رديتي....(بصياح) حضرتج وووين جنتي صار مية مرة ادك عليج

مريم(دمعتها على خدها): ااا اسفة استاذ والله(بشهكة)بس جنت العفو بالحمامات(جذبت عليه لان تدري اذا تكله جنت صافنه راح تصير سالفة شكبرها)

صكر(حس انها بدت تبجي): تعالي للمكتب بسرعة

مريم: ح ح حاضر استاذ
(وراحت للمكتب)دكت الباب

صكر: دخلي

مريم: نعم استاذ محتاج شي

صكر: تعالي كعدي(كعدت مريم على الكرسي اللي كدام صكر)

صكر: طبعا اني ملاحظ بهذا الشهر انو انتي متغيرة هيج احس نفسيتج تعبانه وجهج اصفر مو على بعضج احجيلي شبيج

مريم: بصراحه استاذ اكو مشاكل شوية بالبيت

صكر: اذا بيج شي تكدرين تحجيلي يعني فرغي همومج عادي

مريم: استاذ اني قصتي طويلة وكلها معاناة

صكر: عادي تفضلي احجي

(مريم بدت تحجي قصتها من لمن توفت امها لحد هذا اليوم ومن اول ماحجت ودموعها مثل الشلال تنزل وكل حجاية تحجيها لازم وياها شهكة حزن وشهكة جرح وشهكة عذاب)

مريم: وهاي قصتي استاذ من اني صغيرة لحد هذا اليوم واني اتعذب بالبيت وبالشغل وبحياتي كلها

صكر(انقهر عليها): اكدر اساعدج بشي اذا تقبلين

مريم(باستغراب): شنو هو

صكر(بثقة): راح اتقدملج

مريم:(انصدمت وتفاجئت): شنوو تتقدملي

صكر: اي اتقدملج

مريم: استاذ انته شاب الك هيبتك تتزوج وحده مثلي

صكر: ليش شبيج انتي

مريم: استاذ انته صاحب شركات معروفة بالعالم....بعدين استاذ اني جاي اتعذب بالبيت وية ابوي وانته هنا هم تعذبني وتجرحني بكلامك تريني اتزوجك تريدني اتزوج واحد كل يوم يرزلني على شغلات تافهة

صكر: اني راح اتقدملج باجر راح اجي اني ومهند وغصبا عليج راح توافقين يعني يا اما توافقين او تتركين الشغل راح انطيج مجال تفكرين اليوم

مريم: استاذ صكر انته مو من حقك تسوي هيج صار ساعة احجيلك على قصتي والعذاب اللي دا اعيشه وهسة تجي تكلي لو توافقين لو تتركين الشغل انته تدري اني داعيش على هذا الراتب

صكر: لعد وافقي عليه ومراح تركين الشغل

مريم: عن اذنك اني رايحه مع السلامه(طلعت مريم واتصلت على احمد وكلتله تعال عليه كللها بعد وكت هسة الساعة ب 12 كلتله ماعدنه شي خلص الشغل جذبت عليه وخلته يجي)
(وصلوا للبيت)

مريم: السلام عليكم

ابومريم: عليكم السلام
(طلعت مريم لغرفتها بسرعة وماحجت اي شي عدا السلام جانت كارها الدنيا دخلت الغرفة وقفلت على روحها الباب طلعت موس ولزمته بيدها وضلت تبجي بحركه بعدين بدت تگطع شرايين ايدها لان صبرها خلص والمشاكل مجاي تخلص بعد دقيقة بدت ماتشوف شي وبدة السواد يقتحم المكان بعدين وكعت على الكاع)

ابو مريم: احمد كوم شوف اختك تاخرت بالغرفة خلي تنزل تسويلنه غده يله متنه من الجوع وهية اصلا شبيها اليوم سلمت وصعدت بسرعة لا كلام ولاشي

احمد: والله يابه مادري هسة اكو اصيحها

احمد(دك الباب): مريم مريم...مررريم

مريم: لارد

احمد(يفتح بالباب ماتنفتح): ياابه ياابه تعال مريم قافلة الباب وداصيحها ماترد

اجه ابو مريم يركض: شنوو خلي نكسر الباب
(وبدوا يدفعون بالباب بعد 10 ضربات انفتحت الباب وشافوا مريم بالكاع والدم تارس المكان)

احمد(انصدم من المنظر اللي كدامه): مرررررررررريم تسمعيني مرريم الله يخليج فتحي عيونج مريم حبيبتي خيتي فتحي عيونج

مريم: لارد.....

ابومريم: هاي اختك تخبلت شبيها هيج تسوي بس الحمدالله ياريت تموت واخلص منها ومن مشاكلها

احمد(بصياح وعصبية): اااااانته السبب بكل اللي كاعد يصير اختي هيج سوت بسببك انته مو اب انته ماعندك ضميرر وماعندك گلب ماكو اب هيج يعامل بنته للللللك هاي قطعة منك تعرف شنو قطعة منك يعني دمها هو دمك ولحمها هو لحمك تعررررف شنووووو معناه هذا الكلام......صدكني ماراح اسامحك لاخر يوم بحياتي وبعد ماخليك تشوفني ولا تشوف مريم ضل كاعد بهاي الخرابة وحدك واتحمل اللي سويته بيه وبنتك
(احمد شال مريم وطلع يركض ركب السيارة ودها للمستشفى)

احمد(بصراخ): دكتووووور دكتوورررررر(الناس كلها تباوع عليه واجه الدكتور يركض صحيح احمد دكتور بس من كثر ماخايف عليها ومتوتر نسه شلون يداويها)دكتوور الله يخليك اختي راح تموت الله يخليك دكتور انقذها
(اخذوها لغرفة الطوارئ)

احمد(متوتر ودموعه تنزل): يارربي شافيها ربي والله ماعندي غيرها هاي اختي وروحي من الدنيا والله اذا يصير الها شي ماراح ابقة عايش بهاي الدنيا وراح اكتل روحي والحكها
                   __________
بعد تقريبا ساعتين طلع الدكتور راح احمد يركض عليه................

..................
لهنا يخلص البارت اتمنى يعجبكم طبعا ادري استعجلت شوي بس حته ما اخلي الرواية طويلة كلش لاتنسون ادعموني ب لايك وبتعليقاتكم الحلوة حته استمر❤💕