قاسي بس حبيتك💔

B6

وطلعت مريم من المستشفى وتذكرت الدوام مالتها ولمن المدير طلب ايدها وكلبها تسارعت نبضاته وصلوا لمكان....

مريم(باستغراب وتعجب): احمد شنو هذا البيت ليش مانرجع للبيت مالتنه؟

احمد: حبيبتي مراح نرجع لبيتنه وهذا بيتنه الجديد صحيح صغير بس اني اشتريته حته نسكن بي اني وياج

مريم: احمد بس بابا بقة وحدة منو راح يسويله اكل اصلا شلون راح يعيش وحدة

احمد: مريم اعتبري ابونه مات من زمان

مريم: بس.....

احمد: لا بس ولا شي احنخ راح نعيش هنا تعرفين انتي هذا اللي تكولين عليه بابا لمن انتحرتي شكال كال بلكي تموت واخلص منها ومن مشاكلها بي كليلي اكو اب هيج يكول عن بنته بدل ميشيلها ويركض بيها للمشتشفى

مريم(نزلت دمعتها): احمد بابا ليش ميحبنه وهيج يعاملنه

احمد: الله اعلم يجوز نطلع كاتلين اهله ومندري يله حبيبتي نزلي دخلي للبيت طبعا لمن جنتي بغيبوبة ثقتي بربي ماراحت وجنت واثق اني راح تصحين ف اني اشتريت البيت ونضفته ورتبته خليته كأنو جديد يلا مريم.دخلي للبيت اني راح انزل الغراض

مريم دخلت للبيت شافته وتفاجئت من جماله مع انو كان صغير الا انو يخلي الواحد يحب يكعد بيه والوانه اللي تفتح النفس وترتيبه

مريم: واووو احمد تدري ذوقك يجنن مثلك

احمد: ههههه طالع على اختي الحلوة

مريم(حضنت احمد): احمد تدري لو ماجنت موجود او لو ماجنت جنت اخوي ماعرف شنو جان راح يصير بيه

احمد: والله لو انتي اللي ماجنتي اختي اني اللي ماعرف شسوي الله ليحرمني منج

مريم: ولامنك
........................

مرت 3 ايام واحمد ومريم كاعدين ومرتاحين بس صكر جان منتظر مريم على نار ويريدها تداوم

مريم: احمد اني لازم اداوم والا راح يفصلوني لازم باجر اروح

احمد: بس مريم لازم بعد ترتاحين انتي لحد هسة ماصرتي زينة كلش انتظري اسبوع وداومي براحتج

مريم: لا لا احمد لازم اداوم باجر

احمد: ماشي براحتج

واجه اليوم الثاني وياريت ما اجه....
........
احمد وصل مريم للشركة وراح دخلت مريم وعبالك اول يوم تدخل بيه للشركة

مربم: ياربي سترك خلي اليوم يعدي علة خير ياربي معايزة مشاكل اني
راحت مريم لمكتبها
دك التلفون

مريم: بدينا على رحمة الله

مريم: الوو

صكر: تعالي للمكتب

طوووط طوووط

مريم: ياستار ياربي المدير اعصاب شراح يصير ياربي استرني يارب