اميرة وعلي

الخامس

قصه بعنوان
اميره وعلي
للكاتبه ذكرى المندلاوي
البارت الثاني

********
الام
ولك يمه عوفهة
علي
اليوم اله اطيح حظهة
فاطمه
اني شمسوية بس كولي
علي
واطب بعيني وادكول شمسويه
الام
يمه عﻻوي اني كتله نظفي السطح
انتي يمه متعرفين حسوني اربع وعشرين ساعة بلسطح
ﻻﻻ يمه هو مو بلبيت همه طالعين البيت فارغ ام احمد كلتلي

لو شايفتهة وشايفه المنظر الي هي بي جان انتي .بنفسج كتلتيهة
يلله يمه بعد متسوي هي اتعلمت واخذت درس
اميرة بدلع♡·اني شسويت غير افتهم علمود بعد ما اسوي
هم كالت
٠٠٠وصك سنونه عليها وكال ٠٠
يعني  ثوبج الي رافعته ورجليناتج الطالعة وشعرج الطاير بدون ربطة شتسمينه هذا ؟؟؟

ام علي
ضحكت۰۰۰۰
وكالت۰۰۰
هاي كولها وانت ساكت عمي حقك
ابني عﻻوي اني بمكانك ما اعوفها هههه

اندار عليها ابنها عرف امه شتقصد معلق على كﻻمها
ورجع التفت عليها وصاح مهدد
اميرة وربي
مرة الوخ الكاج  صاعدة فوك السطح ﻻ والله املص ركبتج مثل  ماتمنلص الطيرة
امه علي متسويها
طلع علي وهو ظايج من الي صار
بعد يومين
صبت اميرة العشة للكل بس علي لي هسة مجاي
تعشى الكل
اميرة لعمتها
عمة علي كلج وين يتعشى ؟؟؟بره؟؟
  ام علي
يمكن بس هو مكلي ضميله بلثﻻجه
صار
وصارت الساعة متاخرة بليل وعلي لحد الساع مجاي
وظل باله لاميرة شتسوي ادكعد عمتها لو اخوته ﻻﻻ اخاف
اخوفهم وهم مناقصبن
وظلت كاعدة وصارت الساعة 2بليل وانفتح الباب طلع علي
لكاها  منتظرته  باوع عليه
وكال
شعندح كاعدة لهل الساعة
فزت من خوفها رادت تصيح
بسرعه لزم حلكها  خاف لتكعد امه  تخترع بهل الليل
٠٠٠٠٠
وصار ت وجها كباله خدر  بعيونها و نزل على شفايفها وهو يبعد ايده
علي بهمس
اشششش لتكعدين امي فازه وادور يرتفع ضعطها
والمصيبه تشوفني بهل الوضع 

اميرة
متعجبة من كلامه
وتسأل
ششنوو ياوضع
شهكت وهيه تشوف وجه زين
هاااي شنو ؟؟
علي
اششش كتلج سكتي  نصه
اتعاركت ويه جماعة سكارة علمود اﻻجرة
اميره
بس امبين ظاربيك قوي
عكد حاجبه
عيونه مزوركه وافتهم جاي تتشفه بي
كال
اني هم مقصرت فصختهم اتفصخ بس هم ميحسون اسكارة ولدين الجلاب
كالت
وانت تحس
تعصب وكال
حضرتج جاي تتشفين بيه احسج
بعدت عيونها منه٠٠٠ حست بشراره تجذبها اله
وكالت تبدل الموضوع
هسه معلينه خلي اجيبلك الشاش
والماي البارد علمود جروح الي بوجهك
ليورم للصبح وتشوفه امك
راحت وجابت المي البارد وبدت تمسح بعيونه وبخده
مناطق الكدمات وهو يباوعله وريحه شعرها وعيونها ونفسها الحار
متحمل فوك وجعه زادت اوجاعه
اخذ الشاش منه بعصبيه
صاحت
هاي شبيك
.عوفيني وروحي اني اداوي روحي انتي روحي
نامي
متعشي
ﻻما اشتهي
ظلت واكفه تراقبه
رفع راسه
مترحين تنامين شعندك ظاله

وين اروح كالت امك بعد لتنامين يمي وروحي يم رجلج.
اتذكر حجي ويه امه
يله لعد اني راح انام على هاي القنفة وانت روحي نامي بغرفتج

اميرة
ﻻشلون يصير انت متعور انت نام بغرفتك 

محب ياخذ وينطي وياهة بلحجي كل واحد راح بمكان .
وصبح الصبح
رن جرس المنبه
كعدت اميرة وفز من نومته علي
باوع عليها وهي متكسرة من نومت القنفه تتأوه

انقهر عليها
وكال وهو يأشر على المخده البصفه

صفنت بوجها  ورجعت حست على روحها وكالت

  ﻻ اني بعد ما انام راح اسوي ريوك
واكعدهم للمدرسه
وعمتي تريد اتصلي احضرلهة المي تتوضأ
باوع عليها علي
وكال ويه نفسه لو مو اميرة هنا جان اسوت امي وحدها
وهي رغم كل هذا الشغل متمل وﻻ تتعاجز وتنفر من شغل البيت الي يكسر الظهر واخوته وطلباتهم

خطيه هواي جاي تتحمل  وساكته واني دازيدها عليها  ٠٠٠٠
٠٠٠٠٠٠
مرت الايام وهو يحاول يغير اسلوبه وياها

بعد اسبوع

فاطمه خابرت علي
فدوه علي الحكلي جوي عليه خطابه واهلي يردون يزوجوني
علي
لتقبلين انتي مو زغيرة حته يجبروج اياج ٠٠٠
فاطمه

عﻻوي انت شتحجي هي اميرة كدرت عليهم وهي مو اختهم الح اتريد اني اخلص ذوله يكطعوني

علي
شنو الحل كوليلي اني هنا مكلبجه ايدي
فاطمه
ما اعرف عﻻوي شوفلي حل  اذا اتزوجت غيرك انتحر والله
علي
اصبري  خل اشوف واخابرج ٠٠٠٠ بليل
صعدي للسطح ساعة 1حتة اتصل بيج
خوش٠٠

خوش

٠٠٠٠
بعد يومين
راح علي علة عمامة ولمهم وكللهم اني اريد فاطمه اتزوجها
اذا انتوا اعمامي صدك تلكولي حل ﻻ والله ابوكها
واسويلكم اطﻻبه ويه العشيرة

كله عمه محمد

ولك اشتحجي انت مخبل؟؟
مو انطوك مره شلون يصير
حته حرام تجمع بين خوات  اثنين انت شدسوي بينه
علي
كال
اني اميرة مثل ما اخذته ارجعها الهم هي بعدهة مو زوجتي
وﻻ داخل عليه اني احب اخته من زمان واحنه 
متفقين بس تفض سالفه الفصل اطلكها واخذ فاطمه
صاح عمه
هاي شلون اتصير هي بله هاي سالفة ؟؟

علي
لعد انتوا ليش يسموكم عمام بس عرفتوا تورطوني بوحده
ما اريدهة وﻻ تريدني بقراراتكم الظالمه
عمه
ابني هسة شي بلعقل شلون انرجع وحدة وانجيب وحدة بمكانها هي جيس تمن بابا هاي مرة واهلها شرانين وراهم عشيرة تريد تنهب
علي
هي اللبنيه اتحبني واني احبها وانتوا فتحوا وياهم الموضوع
وخل انشوف شيكلون
ومرتك شتسويلها؟؟، حرام عليك شنو ذنبها أطلك وهيه بعدها عروس وزغيرة
علي
عمي هي راضيه كتلك متفقين
عمه
يابه هي هاي سالفة شدكول الوادم من نروحلهم
والله يطردونه من الباب