اميرة وعلي

السابع

والصبح كعدت اميرة تسوي الريوك للعرسان
سوت اشكال بيض ابو عيون وكيمر ومربه وخبز بيت خبزته قبله بيوم وكيك
كعد علي طب للحمام وسبح وفاطمه عيني بعدهة نايمه عروس
علي اتفاجأ بلريوك الي مسويته اميرة الهم وخجل وكال
جان خليتيهة هي تسوي من تكعد من النوم
ميصير هي عروس بعدهة خلي تفرح
لعد ليش انتي من اول يوم كمتي بنفسج سويتي الريوك
اني وحد وهي وحد (قصدهة انت تحب فاطمه بس تكرهني الية)
افتهم علي شتقصد بكﻻمهة
هو ميكرهة هو عندة شعور تجاهة بس ميعرف شنو هذا الشعور حب فاطمه وخوفه لتروح منه وتزوج غيرة
خﻻه ينسه احاسيسه تجاه اميرة

مرت اﻻيام
واميرة بعدهة ابيت علي وتنظف وتمسح وتكنس مثل كل يوم شغل لبيت كله عليها حته تطبخ يعني صارت خدامة لفاطمه اختهة
فاطمه كاعدة بغرفتهة متطلع منهة بس من تريد تاكل
وتسبح وعلي ميدري شكو ماكو بلبيت يودي الصبح ويجيبه الليل
وفد يوم رجع من وكت شافهة ﻻميرة مخبوصه تنظف ومرته
بغرفته نايمة
راحلهة وكللهة كومي عيب هاي المسكينه شنو ذنبهة
عايفة شغل البيت براسهة كله دكومي ساعديها
صاحت بي
عوفني لخاطر الله ارد انام ياهو الي كللهة نظفي
معرف شلون يتصرف وياهه
علي ويه روحه:
(اخخ منك انت الي ردته عﻻوي)
كالتله امه
يمه دتشوف هاي المسكينه من الصبح لليل وهي تشتغل
هاي شنو ذنبهة هاي جي قبلت اتعيش ويانه ايقابل
هي خدامه
اني ما اقبل بهل الوضع راح افتح وياهة موضوع بلكي تقبله
خو متبقه هيجي طول عمرهة خدامة لمرتك
شكول لربنا من اموت مو هاي يتيمه وربنا وصانه بيهة
علي
شنو قصدج ماكو حل
اني هاي صارلي اسبوع افكر بيهة ازوج اميرة الواحد من اخوتك
تخبل علي وعيونه كامت تجدح نار وبدت الغيرة تلعب لعبته
وياه وتهيج احاسيسه من حس انو بدة يفقدهة
هو جان مطمئن هي يمه متروح بعيد بس الى متى
علي ﻻمه
ايقابل هي سلعة وتنطيهة لهذا وذاك غير اتساليهة
ﻻ يمه ﻻ اني هم جزيت ننبضهة وعرفت جا امك اصغيرة
متفتهم شلون اطبب نفسي بسالفة وما بيهة مقدمات
علي جان متلهف من امه اتكول شنو رد اميرة
شكالت
اني سالته اذا بقت ويانه ﻻزم تتزوج خو متبقة هيجي
الى متى
وهي شكالت
كالتلي الي ترضين بي ويرضه بي علي اني هم راضيه
يعني شنو مفتهمت
يعني كالت سالي علي اذا قبل اني هم اقبل
كام علي من حيله وصاح
واني ما اقبل
شنو شتقصد ليش تبقة البنيه معلكه ﻻ هي بسمه وﻻ هي بلكاع
شوفي يمه هذا الموضوع ما اريد اسمعه منج زواج هسه ماكو
ليش ابني شو انت تامرهة هي بعد بكيفهة هي قابل
بعدهة مرتك بعدين انت مداخل عليه لووو
كلي اذا داخل عليهة

علي جذب علة امه وهاي اول مرة يجذب
اي يمه دخلت عليه بعد شتردين ميصير تاخذ اي واحد من اخوتي
انصدمت اﻻم معقوله الي ديحجي ابنه ورادت تتاكد
زين راح ازوجه ﻻبن عمك ثائر (ابن عمة اخو متزوج اخته لعلي)وهو شاب موظف وبيتهم مو هنا بالجنوب
علي شاط بعد متحمل دفر المواعين الي جانت يمه بايدة للكاع
وصاح
اذا سويتيهة راح احرك البيت حرك انتي اتعرفيني من اتعصب

عيون امه صعدت للسمه هاي شي يريد علي من بت الناس
ﻻهو يخليهة تروح تتزوج واتشوف حالهة
وﻻ تتطلع من البيت بس ﻻ يحبه هي هم لعد ليش طلكه
هل ابن الللل استغفر الله****

حقوق محفوظة للكاتبه ذكرى المندلاوي
العصر
فاطمه تكرز حب وعلي واخوته واﻻم كاعدين سويه جتي اخت
علي هي ورجله
والكل كاعد يسولف اله اميرة
باوع علي ماكو اميرة ظل يفر بعيونه وينه
سوه روحة رايح للمطبخ كام يدور عليه
فر البيت فر عليه
لحد ملكاهة بلسطح فارشه فراش وحاطة كتب وكاعدة تقرة.
اميرة رفعت راسهة
شافت علي يدور بعيونه ويباوع علة سطح جوارينهم
اميرة
لتخاف
حسوني مموجود
وشمدريج
اخوك كلي طلعوا كلهم
باوع علة كتبهه
شنو هاي
هاي كتب مال سادس
شسوين بين
اقرة
انتي مترحين مدرسه شلون تمتحنين
اخوك محمد قدملي علة الخارحي وانشاء الله امتحن
واهلج متخافين ليشوفوج
ﻻ راح اروح بسيارة تجي للباب وترجعني منا لحد ما اكمل
الله يخلي لمحمد هو راح يتحمل هاي السالفه

ﻻ اني راح اوديج واجيبج معليج بمحمد(اشتغلت الغيرة)واذ
ردتي اي شي بخصوص الدراسه اني موجود
لاا بنتره
شنو ﻻ
ما اريد منك اي مساعدة .
باوع عليه ليش
ما ااريد وخلص انهي الموضوع
جر القلم الي ابيدهة وهي تكتب رفعت راسهة لمعت عيونه
وهي تباوع عليه نزلت دمعة
وهو يباوع
كالت
ما اريد اتسويلي اي منيه
صاح
شنو منيه انتي وسكت.
انت شنو انت متعودلي ﻻ انت رجلي وﻻ اخويه وﻻ ابن عمي انت متعودلي بشي
كان المنظر الي كدامه شعرهة السرح الي نازل علة خدودهة ومغطي نص وجهة وهي مدنكه تحجي بخجل وياهة عبرة وخنكه
سحبها من ايدهة ولمهه لصدره وكال
والله احبج