اميرة وعلي

الحادي عشر

رجعت اسماء الخياطة وخبرت اخوهة بكل الي صار
وهو بدوره خبر علي
علي ظل يدك بايد على السيارة ويركع راسه بيه
وصديقه يلزمه لحد ما دم روحه ويكول عوفني خلي اخلص
واخلص العالم من شري وحظي النحس
المهم بعد يومين وعلي منتظر خبر من خوال اميرة وهو كاعد بلبيت ﻻ يروح للشغل وبس يشرب جكاير وحدة ورة الوخ
اجه خبر من فاطمه خابرت علة علي وكالت برساله دزته
بتليفونه
علي حبيبي اني اعرف انت متحب تحاجيني لهذا دزيتلك.
رساله
اهلي وخوال اميرة راح يجوكم هليوم العصر علمود يرجعوني
ويحاجوكم بخصوص اميرة يردون يزوجوهة لواحد من اخوتك
علمود تنفض المشكله
فدوة عﻻوي وافق وخليني ارجع لببتي واني اسفه عليي سويته
حبيبتك فطومة
قرة علي الرسالة وهو شاط منه وكال ويه نفسة
يابنت الكلب اذا مطلع كل هذا انتي مخطتله فﻻ اسمه علي
بس اني اعلمج من ترجعين

وصار العصر واجه شاب ودك الباب علة  اهل علي وخبرهم
هم جايين
وكلولهم هلة بيكم تفضلوا
واجوي وكعدت الزلم والله بلخير
والله بلخير
وفتح نفس الموضوع خوال اميرة
واحنه مندري والفصل صار دون علمنه وهسه اللبنيه الهة
سمعته وهاي امانه بركبتنه وهي يتيمه وبنت اختنه
خو منذبهة للذيابه تنهش بلحمه (خوال اميرة جانوا متفاهمين
اكثر من اهل ابوهة )يحبون اميرة ﻻن تربت وياهم
وتفاجئوا من سمعوا بلي صار بيهة وهي حجتلهم السالفه
كلهة واتعاطفوا وياهة بس كالوا الشرف عزيز وﻻزم تقبلين
بلحكم الي راح نسويه وهي كالت اذا قابلين اتذبحوني ولو اني كلشي ممسويه وضحيه عمامي بس هم انتوا  خوالي
تحبوني ومتردولي العايله
فاطمه رادت تصلح غلطه وترجع لزوجهة وبنفس الوقت
تخلص من اميرة كلت ﻻخوته
اني حامل واحب رجلي ومااريد تمسوه واذا تردون  الحل
اني ارجع لرجلي وزجوا اميرة ﻻخوعلي محمد خوش ولد
علي سمع
كﻻم الكل
وهو بس يريد يرجع اميرة وينقذهة منهم واظطر يوافق
علة كل شروطهم
وبعد اسبوع انصلوا بيهم اهل فاطمه وكلولهم جهزوا نفسكم
وراح علي
اسوك ﻻهلة وجاب اخت رفل حته اتساعد امه بتنظيف البيت
وتجهيزه(فصة بقلم الكاتبه ذكرياتتتت الحياة)

وبيوم الخميس جهز اخو محمد للعرس وهو الغصه كاتلته
بس يتمنه اله كل خير
بلمناسبه اخو علي محمد موافق بلبدايه وكال مستحيل
شلون هي جانت الك وزوجتك
لكن علي قنع وحجاله كل الي صار انو هو جان يحب فاطمه

وازوجهة بلغلط وبيوم عرسه عرف وقسم اله انو هو مماسه
وهي بعده بنيه
يله وافق يتزوجهة
وجتي  اميرة لبيت علي واجوي خواله وزوجانهم واهل فاطمه مقبلواا يجون ﻻن شايلين من علي دزو خبر انو بعد زواج اميرة

خلي يجي هو علي بنفسه وياخذه معززه مكرمه(طبعا كل هاي من سوالفه الفاطمه)
طبت اميرة للبيت وهﻻهل وزفة حلوة وجان الكل باستقبالهم.
بس علي جان بغرفته يبجي مثل الجهال ويكتم انفاسهة
حته ليسمع احد بس اخو محمد جان يحس باخو
ويعرف انو هو يحبه
ومن زمان يعرف بحبهم ومراد يفرق بينهم
ولمة اجه السيد محمد صاح علة اخو وكله بس اني وياك
والسيد ندخل وخلي يصير الشهود اخوتي وهم هوايه خلوا شروط خلي احنه نشرط عليهم.
ومثل ما كتلكم خوال اميره جانوا متفهمين  وافقوا
وعقد القران السيد وراح لاميرة كللهة
بنتي اميرة هل انتي موافقه علة زواجج من علي ابن
فﻻن
اميرة انصدمت متدري شدكول لو السبد غلطان بلاسم
لو علي راح يدك دكة ويه اهله
واذا عرفوا راح انصير هوسه وكلشي يخرب
رد عليه السبد نفس الكﻻم
صحيح هو السيد مغلطان
وبثالث مرة وعلي ايده علة كلبه لترفض ويروح تعبة وتعب اخوه
خافت اميرة من المشاكل ومن الورطه الي وكعت بيه.اظطرت اخيرا انكول نعم
وهلهلت ام علي واخته وراهة الكل هلهل وطشوا الجكليت
والكل فرحان
وهسه اميرة رجعت لعلي
وفاطمه مطلكه ابيت اهله
علي ارتاح من رجع زوجته اميرة بس فاطمه شلون يلكيله
حل
وهي راح تجي بعد يومين ومنتضره علي يروح يجيبه.
علي راد ينطي درس لفاطمه
وميرجعه  ويخليه تتوسل اكثر واكثر وتندم علي سوته
كظت العالم وكل واحد راح لبيته  وبقت اميرة وي اخت علي
بلغرفةوتنتظر زوجهة ومثل متوقعت دخل علي
وضحكت اخته وكالت هاي اجه رجلج واني اترخص
لزمت اميرة ايدهة لرفل يعني لتعوفيني بس
رفل باوعت علة علي وخجلت وكالتلهة يله كلنه بهل الطريق
وضحكت وراحت وعافت اميرة بحيرته
رفع علي البركع من راسهة وهو يصلي علة نبينة
وانبهر من شافهة صايرة احله من قبل بهوايه واﻻبيض لا يكله
مكدر يلزم نفسه وحظنه وراد بس هي دفعته بعيد عنه
وكالت انت الي سويته غلط واخليت بلاتفاق الي بينك وبين خوالي
انصدم علي بكﻻمهوكللهة اني احبج ومستحيل اخليج ترحين.
لغيري والغلطة متكرر مرتين
صاحت بغضب
حب هذا ياحب انت اتفشمر عليه؟ شفتني اصغر منك بكم سنه
عبالك ما افتهم كلت صغيرة واجذب عليه  وعروس واجتني
بﻻش
هاي مو انت الي ضربتني علمود اطلكني وتزوج فاطمه
هاي مو انت الي كلتلي اني اكرهج واموت منج فكي ياخة مني
هاي وهاي وسطرتهن كلهن اﻻستاذة اميرة بيوم عرسه
هي رادت تنتقم لحبه ولكرامته كمراه والي سواه وياهة
مينحجي بس هو كال
ولج المخبله انتي طلعت حقودة وما اعرف بيج وين راحت
كل هل البراءة
ردت اميرة.
انت الي علمتني اصير هيجي
واتقرب منه وكال هاي تردين تنتقمين مني
ودنك وابتسم وكال اني اسف يابه شتردين يجرالج بس خليني
اتمتع بليله عرسي
ابتعدت وصاحت انت شنو يوميه عرس مشبعت من فاطمه
المسكينه منتظرتك اترجعه روحله
وهنا كبت عندة وصار نار
ولج انتي مناويه اتعدين الليله علة خير الا واتزقميني