اميرة وعلي

السادس

ام علي بعد مسمعت هذا الحجي من اعمامه لعلي
من اجوي كلهم ملتمين للبيت جايبهم علي وجاي ديرحون
لبيت اهل فاطمه
ام علي
ولك عﻻوي صدك تحجي وهاي مرتك شبيهة مقصرة وياك.
شنو ذنبهة بنت الناس اطلكها واتعوفها هي هم سوتلك شي
علي ﻻيمه بس اني ما احبها اني احب اختها فاطمة
وهذا الحجي من ايام الكلية وهي منتضرتني ورفضت هوايه.
علمودي
رجعت امه وكالت
ومرتك اميرة
تعصب وعاط بيهم كلهم

ياناس اني ما احبها اني احب فاطمه واني اريدهة
ترحون لو اسويلكم طﻻبه

سمعت اميرة كل الحجي الي دار بيناتهم وكالت لاخو علي
اني اريد احاجي عمتي
صاح امه واجه
كلتله ها يمه سمعتي
اي عمه سمعت اني الي ميريدني هم ما اريده الي يبيعني
عمه لتزعلين هم ابيعة واني عندي حل يرضي الكل
شنو يمه اميرة لحكيلي عليه تره علي ناوي عله طﻻبه
اريد هذا الحجي يصير يمه هو
كالت ام علي لابنها روح صيح اخوك كوله امك اتريدك

اجه علي بسرعة
هاي يمه شكو شبيج
مو اني الي اريدك هاي مرتك اميرة
جتي اميرة وهي تباوع بعيونه وتريد اتشوف لهفته علة فاطمه
وزواجه منها بنفسها حته تيئس منه   واطلعة من گلبها
بس وين المسكينه حبته وحبها انزرع بگلبهاومستحيل تكدر تقلعه 

علي من باوعلها  خجلان منها وهي تباوعله بعيونها
الذبلانه تعتب بس هءا هو اميره خلص

هو  يحب غيرج  ومنطيها وعد وميكدر يخلف

كلتله وصوتها مبحوح وخانكدتها العبرة

اهلي واخوتي اذا رحتلهم هسه بدون حجه يتعاركون وياك

ومو بعيدة تصير بيناتكم مثل ما صار قبل ويروح ﻻ سامح الله
تصير دموم
اتقرب منها و
كمش جتفها متعصب  وهزها

شنو قصدج يعني ابقى عمري عايش ويه وحدة ما احبها ولا معتبرها زوجتي وشكد متسوين اني گلبي
بفاطمه مستحيل اعيش ويه غيرها
نزلت دموعها  غصب مقهوره على عزه نفسها وحبها
اله
علي حس بروحه
تندم  ٠٠٠دائما يتسرع بكلامه وياها ويجرحها 
وهي صدك متستاهل الي ديصير بيها

كال
اميره انيي٠٠٠٠
قاطعته تأشر بيدها يكفي وكالت
حقك اعرف عشت وياك ست اشهر وعرفت الي بگلبك شنو لدير بال اني متعلمه ٠٠٠٠
واكولك
تستاهل كل خير واختي فاطمه هم اتحبك
وهي منتضرتك صارلها سنين واني وياهة اتفقنه من يوم الي عرفت بي زوجتك
اجت لهنا وفهمتها احنه مثل الاخوه ماكو شي بينه
وانك ناوي ترجعها بس يصير مجال
وصدك لو اعرف انت تحبها اصلا مقبلت اصير بمكانها

واسمع مني الي اكوله
عندي الك حل حته يصير الي ابالك واتصير اختي فاطمه زوجتك

علي ٠٠٠بقى ساكت يستمعلها وهو مصدوم من اسلوبها ٠٠٠٠وكلامها
خصله جديده يعرفها عنها 
ذكيه٠٠٠٠ من طريقه تفكيرها والحل الي نجدته بي
اميره

اتروح لاهلي واتكول
اني اميرة مشايفها من ثاني يوم زواجنه
ومقبلت اكوللكم لتصيرعيبه ﻻن سمعتكم من سمعتي
صارت واعتبرتكم  اهلمن يوم مخذتها منكم  والي صار نسيته  بسسس
بتكم مجتي لحد هساع واني عجزت ادور عليها
واهنا  لعد ماعدكن حجه لان
فصلكم مكامل لو تزوجوني اختها
٠٠٠
بعد ميكدرون مالهم عذر ومكدامهم غير هل الحل ينطوك فاطمه

ها شگلت
علي٠٠٠ انصدم بتفكيرها الجهنمي  هذا صحيح
واذا مشى حسب كلامها   مراح اتصير اي مشكله وينطوه فاطمه
والكل يطلع منها بسلام
كال
بسسي وانتي

شنو اني
مو راح يدورون عليج وخااف يأذوج
اميره

لتخاف انت راح اطلكني بس يوافقون ينطوك فاطمه
وراح اطلع من البيت
كللهة
ﻻ  ما اقبل شعرفتي عني مو للهدرجه مو  زلمه علمود اعوف بنت الناس بلشوارع والف رايي وانام

لتخاف ادبر روحي
فكر شويه وكال
اني راح اوافق على الي  الي كلتيه بشرط ٠٠٠
تبقين عايشه بينا ومحد يدري لحد منشوف شلون تصفى
لتحير بيه دبر شغلتك  الاول وتزوج الي يريدها گلبك
كز ع سنونه وكال

اني كلت تبقين ويانه وتعيشين حالج من حالنه لحد منشوف الج حل فاهمه

اضطرت تقبل من شافته مصر وهيه تعرف اختها
فاطمه مراح ترضى بلوضع اكيد
قبلت  اصراره تبقى وياهم

وبعد مراح ﻻهل فاطمه
صارت هوسه واخوانه لفاطمه عارضوا بلبدايه وتعاركوا
وياهم لكن بل أخير الحكم هو الي قرر

وقبلوا وجابها  الفاطمه  بهﻻهل وثوبها الابيض ورجع علي حب حياته و صارت زوجته
واجه السيد يزوج فاطمه
اتذكر علي كلام  اميره من كالت

وادموعها تنزل بدون متسيطر عليهن  وتمسحهن بيديها
انت
ﻻزم اطلكني ميصير تزوج اختي اﻻ اطلكني
سأل شنو سبب هل الدموع ؟؟؟
معقوله هيه حبته

صاحت اﻻم
مو هسه
اميرة
ﻻ عمه هسه اذا مطلكني راح اطلع من البيت

وافق يطلكها علمود يتزوج فاطمه

فز من صوت اخو احمد عليي وين صرت
كمل كلشي  وصارت فاطمه زوجته
وبعد مفكت الهوسه
اخذها  لغرفته الي هي نفسها غرفته هو و اميره
اميره الي ظلت وياه
اشهر بدون ميلمسها بس لمس گلبها وخلاها تحبه

اميرة
ظلت  الليل كله تبجي من الي وصلتله منخنوع وذل
اشلون قبلت على روحها تحبه وشلون رضت تبقى وياه بعدها
تموت ميت موته وهيه  تسمع ضحكاتاهم 
وتحاول تسد اذانها بيديها الثنين
وتبجي بغرفه ام علي الي هبه هم
كابلتها وكامت تبجي على  بجيها ونست هرس ابنها الليله
يتبع