زَوّجٍّتُّي اٍّلَّغٌّريبّْة

الحلقة 1

الساعة 5 الفجر ..
جنت نايمة بغرفتي محسيت غير مي بارد انكب علية ..
..لج ورد اكعدي ليش بعدج نايمة اني شكتلج البارحة مو كتلج تكدين قبل الاذان ..
ورد : اسفة بعد ما اعيدهة والله ..
.... اسمعي ورد اني متحملتج لحد الان لخاطر اخوج ماشي لو ما انتي اختة ما جان لفيتج عندي فأسمعي الكلام احسلج لو ليلة الجاية تنامين بالشارع..
ورد : حاضر .. « مرحبا اني ورد عمري 17 سنة اعيش وية اخوية بامريكة و زوجتة المجنونة اخوية اسمة احمد و زوجتة اسمهة عسل ما ادري شلون اهلهة سموهة عسل صارلي سبع سنين ما شايفة امي الان هية بالعراق واني بأمريكة حتى اتصال ما اكدر اتصل عليهة دائما اشوف احمد و عسل يحجون وياهم بس ميخلوني احجي واشوفهم لان ابوية يكرهني هسة تكولون شلون اب يكره بنتة اني اكللكم ابوية يكره البنات و اني البنية الوحيد عدهم والباقي كلهم ولد عندي خمس اخوان كلهم اكبر مني خلي احجيلكم معاناتي قبل سبع سنين ..
عودة للماضي ..
...ابو احمد راح اموت الحكلي اه الحكلي ..
ابو احمد : موتي وموتي الي ابطنج هم ما اريد اشوف جهرتهة ..
احمد : يابة علة كيفك خلي انجيب القابلة خلي تجيبهة وبعدين انحلهة لخاطر الله ..
ابو احمد : شتريد تسوي سوي اني مالي شغل بيهة..
ام احمد : الحكولي بعد ما اتحمل عااااااااا راح اموت الحكولي ..
تسريع احداث ..
القابلة : مبروك ابو احمد مرتك جابت بنوتة تخبل ..
ابو احمد : ليش ما ماتت ؟
القابلة : لا الحمدالله ما ماتت ..
ابو احمد : لا حول ولا قوة الة لله ليش ما ماتت هاا ؟
القابلة : ابو احمد هي الخلفة قسمة بعدين شكو بيهة اذا جتك بنية بعدين البنية زينة البيت ..
ابو احمد : لتخليني اتجاوز عليج هاي الي تكولين عليهة زينة البيت ما اريد اشوف خلقتهة ماشي ..
« اخذت القابلة ورد ودتهة لبيت عمهة اخ ابو احمد ربوهة وراة ما صار عمرهة 10 سنين صار حادث وماتو بيت عمهة ما نجة منة غير ورد و عسل الي هي زوجت احمد تزوجهة احمد بطلب من ابوية واخذنة احمد اني وعسل لامريكة طبعا عسل ما جانت اطيقني ابد وتكرهني واخوية احمد جان مخليهة علة راحتهة وشدكلة يصدك بيهة ويجذبني واني جنت عايشة عدهم مثل الخدامة طبعا ابوية حالف بس ايشوفني يدفني اني وعايشة وامي متعارضة لان متكدر تحجي اتخاف يصيرلي شي » عودة للحاضر ..
كمت من الفراش طبعا اني انام بالكاع لان عسل متقبل احمد يجيبلي جرباية « سرير » كمت الساعة 5:10 طبيت سبحت وخلصت طبعا وتوضيت وصليت صلاة الفجر نزلت لكيت البيت مگلوب گلاب رتبتة ونضفتة باوعت عل ساعة الساعة 7:00 كملت ورحت حضرت نفسي ورحت للمدرسة مشي وصلت دخلت جانت المدرسة مختلطة طبعا اني جنت محجبة وبسبب حجابي محد يتقرب مني لان يعتقدون اني ارهابية وميحبوني ودائما يسولي مشاكل و سحبوا الحجاب من راسي اكثر من مرة بس كل مرة اكول لخوية عسل توكف بيناتنة وطلعني مو خوش فة فضلت اسكت و ما اكول لاحد اتعرضت للضرب اكثر من مرة من الي وياي بالمدرسة جنت كلش هواية اعاني ومثل كل مرة دخلت الصف وكع علة راسي سطل « دلو » بي طحين وتلوصت من فوك ليجوة وبعدين اجوي مجموعة مال بنات ذبو فوكاية مي فصرت كلي عجين رحت اركض دخلت للحمامات و كمت ابجي وبعدين طلعت ملابس من الجنطة لان اني تعودت علة هاذة الشي بدلت وطلعت دخلت للصف جان الكل يباوع علية ويضحك رحت علة مقعدي لكيتة ملوص كلة بالطين والوصخ طلعت رحت للخزنة مالتي وطلعت منهة وصلة ومسحتة وكعدت انتهى الدرس الاول و طلعت مشيت بالممرات وصلت لخزنتي فتحتهة وگع مهة اوراق مكتوب بيهن «اخرجي من المدرسة ايتها القبيحة النكرة » شلتهن من الگاع ورمتيهن بالسلة اخذت كتبي ورحت للصف جات شلة الي دائما تسويلي مشاكل موجودة دخلت واني منزلة راسي دخلت وگعدت بالمقعد جان مقعدي بنهاية الصف ما باوعت عليهن ولا حاولت اهرب لان اذا هربت راح يصير الوضع اصعب راحت وحدة منهن وسدت الباب ..
..... هيي انتي يا قبيحة قفي لان .
ورد : ممماذا تريدين ؟
تريس : اسمعي الكلام وقفي ..
ورد : وكفت تقربت مني كريس و و تريس دفعوني عل حايط و جينا طلعت التلفون مالهة وكامت تلتقط صور وتريس و كريس لزمني وكامن ينزعني حجابي و فتحن القميص من ناحية الصدر ولتقطن صور واني من النوع الضعيف و ما اكدر ادافع عن نفسي تركني مرمية عل گاع واني ابجي و مكسورة ما اعرف شراح يسون بالصور شلت الحجاب وسديت قميصي لبست حجابي و اخذت حقبتي وطلعت من المدرسة ضليت امشي بالشارع ما جنت اريد ارجع للبيت بهاي الحالة ضليت ابجي وامشي وفجئة حسيت نفسي صرت ثكيلة شفت مسطبة قريبة گعدت عليهة واني دايخة كعدت تقريبا بالنص ساعة كمت رحت للبيت لگيت البيت مگلوب گلاب جنت كلش تعبانة رحت لغرفتي بدلت ونزلت رتبت البيت ونضفتة ورة شوية اجة احمد عصبي ..
ورد : اصبلك غدة ؟
احمد : ايا بنت الكلب وضرب ورد كف خلاهة توكع بالكاع لج تنهزمين من المدرسة ويامن رحتي هااا احجي يا بنت الكلاب والله تستاهلين ابوية متبري منج يا قندرة يا حقيرة ..
ورد : ماحجيت شي لان اني جبانة و ماكدر ادافع عن نفسي واعتقد هذا الشي كلة قبل جانت عسل واكفة بعيد وتشمت بية واني جنت ابجي من الوجع الي دحس بي نتيجة ضرب احمد الي ورة ساعات من الضرب تركني احمد ممددة علة الگاع و طبعا جان وجهي كلة دم و جسمي كلة مزورك ..
عسل : طبعا جنت وية صديقاتي وخابرت علية مديرة المدرسة مال ورد وكالت ورد مفقودة طبعا اني طرت من الفرحة رئستا سديتة من المديرة و خابرت علة احمد وكتلة ورد انهزمت من المدرسة وهو صار كلش عصبي و كمنة ندور عليهة بعدين كتلة خلي نروح للبيت بلكي نلكيهة هناك اول ما دخلنة لكيناهة دتنضف احمد من العصبة لزمهة موتهة كتل بس وكل هذة وهي ما طلعت صوت لان هية من النوع الهادء و مطلع صوت لو شو ميصير واني جنت مكيفة لان هية عبارة عن حظ سيء ..
ورد : مرت ايام واني ما اشوف وجه احمد لان يطلع من الصبح وميرجع لليل واني اروح للمدرسة ونفس الشي عذاب وراهة ارجع انضف البيت واروح ادرس ومرت اشهر ونفس الشي ..
********
احمد : ورد وينهة ؟
عسل : بغرفتهة يعني وين ..
احمد : صيحيهة خلي تجي ..
عسل : اوكي هسة اصيحهة ..صعدت وصحتلهة ونزلت وياي ..
ورد : نعم احمد ..
احمد : اكعدي يمي ..
ورد : ماشي وكعدت ..
احمد : ورد باجر نرجع للعراق وانتي راح تجين ويانة ..
ورد : بلعت ريگه وابوية شلون ؟
احمد : هو طلب اخذج لعدهم ..
ورد : ابتسمت صدك يعني اخيرا ابوية رضة عني وتقبلني بنتة ؟
احمد : ما ادري انتي روحي حضري نفسج
ورد : طبعا كلش فرحت وصعدت رتبت غراضي لان باجر من الصبح نطلع للمطار واجة الصبح طلعنة من البيت ورحنة للمطار ركبنة الطيارة واني طايرة من الفرحة لان راح ارجع للعراق لبلدي و راح اشوف امي واشم ريحتهة الاول مرة بحياتي واشوف خواني الي ما اعرفهم ولا شايفتهم وصلنة للعراق ثاني يوم طبعا جنة كلش تعبانين لان جانت الرحلة طويلة نزلنة من الطيارة وطلعنة ..
احمد : اكفن هنا اشوف بكر اجة لو لا ..
ورد : عسل منو بكر ؟
عسل : هه هذا اخوج يا غبية اخوج الي اصغر من احمد اسمة بكر ..
ورد : هااا شكرا ..
بكر : اااااحححححممممدددد ..
احمد : اوجعة بعد اكبر تصير ..
بكر : يمعود سبع سنين مو قليلة مشتاقين هواية ..
احمد : اني الاشوق خيوو يلة خلي نورح نجيب عسل و ورد ..
بكر : ورد جتي وياك ؟!
احمد : اي اجتي ..
بكر : انت مخبل اذا شافهة ابوية غير يدفنهة ..
احمد : لتخاف هو اتصل علية وكلي جيبهة وياك ..
بكر : هااا يلة وينهة اختي الصغيرونة ..
عسل : مرحبا بكر شلونك شلون صحتك شخبارك ..
بكر : بستهزاء زين وين ورد ؟
ورد : هياتني جان واكفة ورة عسل ..
بكر : حضنتهة وبستهة من راسهة طبعا سبع سنين فاتت جانت بطول رجلي هسة صايرة بطولي تقريبا 😂 شلونج ورد ؟
ورد : زينة ..
بكر : عليك الله احمد مو نتشابه اني وياهة الي يشوفنة مو يكول توئم ..
احمد : يابة دطير انت شجابك عليهة ؟
بكر : يعني اني احلة ..
احمد : كال احلة كال هو انت اجكم شجابك علة جمال ورد اصلا هية تشبهني اني ..
....... ههههه لا عيوني لا انت ولا بكر تشبهني اني مو ورد ؟
بكر : 😒 انت شجابك حذيفة مو كلت اني اروح اجيبهم ؟
حذيفة : يابة دطير هاي اول مرة تجي بيهة اختي الصغيرة كل عقل افوت شوفتهة . رحت علة ورد وبستهة من راسهة وسلمت عليهة وسلمت علة عسل سلام ثكيل ...
بكر : المهم خلي نرجع علة سالفتنة ورد تشبهني اني دشوف الطول نفس الطول والخشم والحلك والعيون كلة نفس الشي اني وياهة ..
احمد و حذيفة : انجب ..
...... انجبو تلاثتكم تشبهني اني ..
التلاثة : لا خرة متشبهك
محمد : اي مو هية بكيفكم والد ..
التلاثة : لتجاوز .
محمد : والد الحلو هاي شبيكم وين راح تفكيركم بعيد 😂رحت علة ورد وسلمت عليهة و سلمت علة عسل سلام ثكيل ..
....... هلو شلون الاخبار ..
الاربعة : انت شجابك لهنا ؟
عثمان : شفتكم كلت خلي اروح عل واهس وياهم خاف يفوتني شي 😂 ..
محمد : قندرة
بكر : تايخة
حذيفة : بلة قيطان
احمد : واگعة طركتهة ..
عثمان : 😒 شكو ؟
الاربعة : سلم علة اختك ورد ..
عثمان : ياااااا هلة بوردت البيت نورتي العراق والله سلمت عليهة ، شباب ؟
الاربعة : نعم ..
عثمان : عليكم الله مو تشبهني ؟
الاربعة : انجب لا تشبهني اني ..

يتبع ...

لاتنسو « الفوت » 😍 « والكومنت »

لاتخجلوني ادعموني بالتعليقات 😘😘