زَوّجٍّتُّي اٍّلَّغٌّريبّْة

الحلقة4

*********عند عبدالرحمن *********
عبدالرحمن : رجعنة للبيت اني وامي بعد ما وصات ورد وام احمد للبيت جانت امي طايرة من الفرحة لان واخيرا ابنهة راح يتزوج وبنفس الوقت يمعنة صوت سيارة بالباب طلعت امي و گبت الهلاهل لان قتيبة رجع من السفر ..
قتيبة : وهلة وهلة وهلة بالعريس زوجان وخلثنة منة وباجر عدنة الصغر منة ..
عبدالرحمن : خلصت ؟
قتيبة : لا ما خلصت لك اخوية راح يتزوج الة لموع شكو شحمة بجسمي ..
عبدالرحمن : ههههههه اي لان صابر سمين ..
ام عبد : لا والله شوفة شلون ضعفان سودة علية تلفان ..
قتيبة : معليج بي هذا مضغوط مني لان احلة منة لعد جمانة شوكت ترجع من تركيا ؟
عبدالرحمن : لعساس باجر ترجع لان تريد تحضر العرس ..
وطوط طوط ...
ام عبد : منو جا هسة ؟
........ وانا جيتتتتت منو شتاقلي ..
قتيلة : اعوذ بالله من الشيطان الرجيم عبد انت دتشوف الي دشوفة لك هذا جني لو اني غلطان ..
عبدالرحمن : ليش هيج مو خطية تشبهة بالجني ..
جمانة : فديت اخوية الي يدافع عني ..
عبدالرحمن : لان لاجني حلو بالنسبة الهة ترة خطية راح ينتحر ..
قتيبة : ههههههههاي رحتي بيهة جمانة ..

« طبعا جان سلام حار كلة احضان »

******** يم ورد ********
ام احمد : عسل روحي صيحي ورد عدنة كومة اشياء اسويهة لان عمج عزم صدقة عل غدة واجوز يبقون يمنة لمدة ثلاثة ايام لان راح نروح للمزرعة مال عمج ..
عسل : حاضر عمة هسة اني اروح افهمهة « بكلبهة يعني اني بتليت بيهة هاي بس زين راح نطلع نتونس» رحت علة ورد لكبتهة تقرة قرآن وهي كاعدة عل سجادة ...
ورد : حسيت اكو خيال وراي سديت القرآن وبست غلافة ورجعتة لمكانة باوعت طلعت عسل ، نعم عسل رايدة شي ؟
عسل : يلة حضري نفسج راح نروح للمزرعة ..
*********يم ام احمد وابو احمد ********
ام احمد : لازم ناخذهة ويانة ..
ابو احمد : اني كلت لا يعني لا ..
ام احمد : واذا عبدالرحمن سأل عليهة شلون ؟
ابو احمد : انكللهم مريضة ومجتي عادي ..
ام احمد : اذا ما راح يعني اني هم ما اروح ..
ابو احمد : ليش مترحين ؟
ام احمد : انت فكر شلون بنتي مريضة واني طالعة اتونس شيكولون علية العالم ؟
ابو احمد : اهووووو سوي الي تردين تسوي ..
ام احمد : اي هذا ابو احمد دكول هيج من الاول ..

*********يم عبدالرحمن ********
ابو عبد : ابو احمد عزمنة نروح للمزرعة ثلاث ايام ..
جمانة  : الله حلوووو ونسةةةةة ..
قتيبة : يااا رباااااه ..
عبدالرحمن : اني ما اكدر اروح ..
ام عبد : ليش متكدر تروح ؟
عبدالرحمن : مالي واهسة للطلعة انتو روحو واني راح ابقة بعدين عندي شغل ..
ابو عبد : لتخليني اتجاوز عليك انت مو ماخذ اجازة من الشغل لمدة شهرين ..
عبدالرحمن : اي ..
ام عبد : لعد انجب وكوم حضر نفسك لان هذولة راح يصيرون اهل مرتك ..
وطلعوو قتيبة وجمانة مثل الزئبق علمود يحضرون نفسهم اما عبدالرحمن بوجه بارد مثل الثلج طلع للغرفة حط ملابسة بطريقة مهملة حط غراض بس موكلهن يعني اغراض ناقصة سد الجنطة ونزل ولكة الكل متحضر ..
عبدالرحمن : وين سلام ؟
ام عبد : سلام اخذ عائلتة وراح قبلنة للمزرعة لان زوجتة تريد تروح لاهلهة وراح يوديهة ويطلع گبل للزرعة ..
عبدالرحمن : هاا يلة لعد خلي نروح لعد ..
صعد احمد وقتيبة و جمانة بسيارة وام عبد وابو عبد بسيارة جان قتيبة يسوق بعد توسل طويل بعبدالرحمن مر الوقت بسرعة وصلوا للمزرعة وجانت عائلة ابو احمد موجودة ..
توزعت الغرف ..
بكر و حذيفة بغرفة ..
احمد وعسل بغرفة ..
جمانة و ورد بغرفة ..
سلام و قتيبة بغرفة ..
ابو عبد وام عبد بغرفة ..
ام احمد وابو احمد بغرفة ..
محمد وعثمان بغرفة ..
و عبدالرحمن بغرفة ..« عود ليش هذا وحدة بغرفة 😒»
**********
جمانة : ورد كلش فرحت لان تعرفت عليج ..
ورد : الي الشرف ..
جمانة : انتي شورطج وية عبدالرحمن ..
ورد : هاا « بمعنى مافهمت »
جمانة : لج عبدالرحمن واحد مزاجي وبارد و شقا ثكيل ومينطاق ..
ورد : اه صدك ..
جمانة : مثل ما كال المثل الطيور على اشكالها تقع نفس الطينة انتي ويا شنو هل برود الي عندج ..
عسل : فتحت الباب ، ورد كومي وياي للمطبخ علمود نحضر المشاوي ..
ورد : اوكي جاية ..
كامت ورد وراحت للمطبخ حضرت كلشي وجان بكر يشوي الحم « المشاوي » و ورد تحضر السلطا و المواعين « الصحون » والعصاير جانت وحدهة بالمطبخ وتسوي كلشي و سوت مقبلات ..
جمانة : واوووو هاي انتي سويتي هذني كلهن وحدج ..
ورد : اي ..
جمانة : هاي لو اني جان الباجر الصبح ما اخلص .
ورد : ههههههه « بضحكة حادئة تسحر الي يسمها »
جمانة : لج شنو هاي الضحكة تخبل ..
ورد : « بخجل » شكرا ..
جمانة : اني اذا اضحك اهرج البيت بصوتي العالي ..
قتيبة : اي مو جني ..
جمانة : «شهقت» عابتلك انت منين طلعت ؟
قتيبة : « بفخر » من بطن امي يعني منين طالع ..
جمانة : لا ومفتخر هم لو اعرف امي من جانت حامل بيك ابوبة موديهة لحديقة الحيوانات ؟
قتيبة : ليش ؟
جمانة : لان مخلفة قرد مثلك ...
قتيبة : نننننننن لعد انتي جنج سلبوح سيان بس سلبوح سمين هههههه..
جمانة : منو السمين ؟
قتيبة : «بخوف» اني سمنان هههه ..
سلام : خلصتو خبال ؟
جمانة : سلومي شوف قتيبة يكول علية سلبوح « مسطنعة البرائة »
سلام : تدرين صدك بحجية ..
جمانة : عابتلك انت ويا ..
الثلاثة : ههههههههههههه ..
ورد : « مانسيتهة بس خطية جانت بحالة صدمة من طريقة كلام بيناتهم »
عبدالرحمن : شدسوون ..
سلام و قتيبة : دنحجي وية السلبوح ..
عبدالرحمن : ترة خطية ..
سلام : منو الخطية اختك لو السلبوح ؟
عبدالرحمن : طبعا السلبوح هو الخطية هي هاي مال خطية هاي اطلع الميت من الكبر ..
جمانة : ننننننننننن يلة شيلو المواعين وطلعوهن برة علمود ناكل ..
طبعا الجو برة ماجان خالي من شقة الخوان الخمسة وعراكهم ولعبهم ..طلعت ورد وراحت كعدت بعيد عنهم جانت كاعدة جوة الشجرة بينما الكل جان كاعد سوة ويحجون ويتشاقون و عسل و جمانة صارن صديقات وضلن سوة يحجن ..
عبدالرحمن : جنة كاعدين سوة انتبهت علة ورد كاعدة وحدهة وشاردة شفت اخوانهة واحد يكمل الثاني ويتشاقون بينما هبة تضل ساكتة وراسهة دائما منزلتة ومترفعة متحجي بس بالضرورة ومتهربت مثل جمانة « يعني تتكلم بدون ما احد يسألهة و تحجي سوالف تعبانة واحنة نكول عل شخص الي هيج يسوي ايهربت » انتبهت هي كلش بعيدة عن عائلتهة ولمن امي تسأل ام احمد علة الاشياء الي تحبهم ورد جانت تحاول تگلب السالفة وكأنهة متعرف عنها اي شي ..
عبدالرحمن : ليش كاعدة وحدج هنا ؟
ورد : امم اني ؟
عبدالرحمن : لا اني طبعا انتي ..

يتبع ...
لاتنسو « الفوت 💕 و الكومنت 💕 »