زَوّجٍّتُّي اٍّلَّغٌّريبّْة

الحلقة 10

ورد : رجعت للبيت وجنت احر من الجمر حتى اعرف شنو الغاية من تصرفات عبدالرحمن . رجعت و لكيتة موجود : شنو معنى من تصرفاتك ؟
عبدالرحمن : على شنو دتحجين
ورد : ليش اليوم جيت وأخذت اوراق نقلي من المدرسة ؟
عبدالرحمن : لان راح نسافر
ورد : نسافر بس وين ؟
عبدالرحمن: العراق
ورد : العراق !
عبدالرحمن: قررت ارجع للعراق يعني المشروع الي دشتغل علية راح افتحة بالعراق
ورد : بس انت شغلك كلة هنا وكريسي شلون ؟
عبدالرحمن : شبيهة كريسي
ورد : يعني راح تعوفهة هنا وتروح
عبدالرحمن : اني راح ارجع لبلدي اصلا مو بس علمود الشغل راح نرجع
ورد : لعد على شنو ؟
عبدالرحمن : ابوية مريض و لازم ارجع مو بس اني راح ارجع خراني كلهم راح يرجعون
ورد : مابي غير العافية بس اني ما اكدر ارجع
عبدالرحمن : ليش
ورد : يعني انت فكر اني گضيت كل عمري هنا و فجأة راح اروح لغير بلد ما اعرف احد بي
عبدالرحمن : بس انتي تعرفيني اني
ورد : بس اني شخصيتي مختلفة اني سبق و رحت وية اخوية احمد الحياة هناك تختلف عن هنا
عبدالرحمن : راح تتعودين عل حياة هناك روحي جهزي نفسج لازم نروح
ورد : ليش شوكت موعد الطيارة ؟
عبدالرحمن : 9:00 بالليل
ورد : ماشي ، اول ما صعدت للغرفة اتصلت على جينا و تريس و كريس و گلتلهن انو اني راح ارجع للعراق وية عبدالرحمن بعدين جهزت نفسي نزلت لكيت عبدالرحمن ديجهز بالعشة جانت الساعة 7:00 كعدت واني افكر شلون حياتي راح تتغير و تنكلب رأسا على عقب فجأة مر كلام ابوية بفكري و شلون حذرني ونبه علية خفت لا نرجع و عبدالرحمن يحجي لبوية علي صار الباحرة صارت افكار توديني وافكار تجيبني بيش جنت افكر لمن قبلت البنات ينتقمن من كريسي جان لازم اعرف منو الي راح يوكع بيهة جان لازم اتذكر الي كالة ابوية اني ليش تغيرة جنت ورد الهادئة الي ما تدخل ليش هيج ديصير وياي شنو راح يصير وياي من انسافر قاطع كل افكاري صوت تلفون عبدالرحمن حتى يجاوب واسمعة يلفظ اسم كريسي معقولة يحبهة لا مو معقولة اكيد مستحيل يحب وحدة مثلي ما صارلهة ثلاثة اشهر ويا زين ليش تزوجني اذا يحب وحدة غيري شوف اني بيش افكر طبعا هو انجبر علية لو مو هيج ما جان لحد لان انام بغرف منفصلة ما يوم سمعني كلمة حلوة ليش اصلا احنة شوكت دنحجي سوة كل واحد ديعيش حياتة قرر يرجع للعراق بدون مياخذ رأيي بهذا الشي اصلا اني عال علية ما ادري ليش بعدني عايشة بهاي الحياة ..
عبدالرحمن : ورد ، ورد هاي شبيج وين صافنة ؟
ورد : هاا لا بس هيج دفكر
عبدالرحمن : يلة اكلي العشة جاهز ما بقة شي خلي نتعشة علمود نروح للمطار
ورد : ليش شكد الساعة هسة ؟
عبدالرحمن : 8:05
ورد : شنو شبسرعة قبل شوية جانت بالسبعة
عبدالرحمن : طبعا جنتي صافنة بغير عالم و ماحسيتي عل وقت ..

كملنة وطلعنة من البيت رحنة للمطار و بعد ما خلصنة لاجرائات ركبنة بالطيارة بس جان كل شخص بمكان لان هذني جانن اخر مقعدين و بما انو عبدالرحمن جان مستعجل بالرجعة حجزهن جان كاعد بالسرة الثاني بس قبلي يعني مو قريب مني ويمة كاعد رجل بينما اني هم كاعد يمي رجل و شكلة ما عاجبني ما ادري ليش گلبي انقبض من شفتة .
رجل : مرحبا يا جميلة
ورد : لا رد
رجل : انا اتحدث إليكي
ورد : ماذا تريد ؟
رجل : سوف نبقى جالسين بقرب بعضنا لساعات طويلة دعينا نتعرف على بعضنا لكي نلهي انفسنا بالكلام حتى نصل الى وجهتنا ما ادراكي ربما نصبح اصدقاء او اكثر ..

يتبع ....
ارجو منكم التصويت لتشجيع و تعليق حتى اعرف شنو رأيكم بالبارت مع كامل رجائي 😊😄 احبكم 😚