زَوّجٍّتُّي اٍّلَّغٌّريبّْة

الحلقة 29

ورد:..........

عسل: سرمد انت تعرف شنو دتحجي

سرمد: ايي وستوني جيت من المستشفى

ورد: جنت صافنة اباوع على سرمد واسمع الي ديحجي ما دستوعب الي ديحجي صحيح ابد ما جان ابوية حنين علية بس حسيت كلبي صار يأذيني يعني هسة اني راح اصير يتيمة بعد كل العذاب الي عشتة ما تمتعت بطفولة سعيدة وهسة راح اصير يتيمة بلا اب ماكدر اوصف شعوري حزن لو شفقة لو شنو ماعرف شنو هل احساس الي دحس بي اباوع على عسل صارت تبجي و سرمد يحجي وياي بس ما اسمع الي ديحجي جهازي صار يرن والمتصل عبد الرحمن فتحت الخط مجرد ما سمعت صوتة بديت ابجي بصوت عالي ..

«* مهما كان الاب قاسي القلب تبقى له مكانة عظيمة في قلب الاولاده *»

عبد الرحمن: ورد لتبجين ورد فدوة لعيونج لتبجين

ورد: ليش 😭 ليش 😭

عبدالرحمن: حبيبي لتبجين مردتي لكلبي

ورد: 😭 اني شنو شفت بحياتي ليش ليش

عبدالرحمن: حبيبي اهدي اوك اهدي تنفسي تنفسي اوك وسمعيني

ورد: «وتشهك » اسمعك

عبدالرحمن: راح تطلعين هسة وية سرمد وتجين للمستشفى اوك؟

ورد: اوك

عبدالرحمن: ورد ابوج حالتة تعبانة لازم تجين تشوفينه

ورد: «تحاول تهدي روحة وتتماسك نفسهة » جاية هسة

في بيت عبدالرحمن ...

جمانة: لج خدوج حمبي اخذي بنتج منا لو هسة ابتلي بيهة

خديجة: هاي شبيج غير انتي عمتهة وتحبج

جمانة: حبتهة سعلوة ماخلت علية لا حب لا نستلة لا عصير تاخذهن من ايدي وتاكلهن

غزل:« عمرهة 10 سنوات » هاي شنو عمة تبخلين على بنت اخوج الحلوة الي ماكو مثلهة

جمانة: اي عيني ماكو مثلهة شالعة كلب عمتهة بابا طيري انتي وامج مسلباتني كلشي

خديجة: انجبي لج لعساس انتي متخمطين هدومي وتلبسيهن من تطلعين

جمانة: غير ميانة زفرة هاي شبيج

خديجة: اي اي خوش لعد انجبي لتحجين على بنتي

جمانة: انطمينة

جتي كريسي وكعدت يمهن وهية مبتسمة

غزل: هلة جتي المسعدة

خديجة :لج ماما عيب شنو هل حجي منين متعلمتة

غزل: من عمتي 😁

جمانة: خير يارب هاي شكو دتوزع ابتسامات

خديجة: هاي وراهة انة

جمانة: قصدج وراهة مصيبة جبيرة

خديجة: ما بك تبتسمين؟

كريسي: ليس من شأنك 😏

جمانة: اغربي عن وجهي انت تثيريني بالاشمئزاز 😷

كريسي: ماذا ؟ انا!

جمانة: ومن غيرك؟

گامت كريسي وراحت لغرفتهة ..

غزل: گلعة

خديجة: لج ماما شنو هل حجي تأدبي

غزل: ماما اني شحجيت

خديجة: لسانج صاير طويل خلي يجي ابوج الة اكلة حتى يأدبج من جديد

غزل: لعد ليش متكولين لجدو خلي يأدب عمتي جمانة

جمانة: لج شنو هل لسان

خديجة: لج والله مادري منين متعلمة هل حجي هذة

غزل: من المدرسة ماما من المدرسة

جمانة: هلة اندزج حتى تتعلمين لو حتي طولين لسانج

غزل: الاثنين 😌

خديجة: روحي كملي دروسج يلة

غزل: اوك

بالمستشفى ....

وصلت ورد للمستشفى وية سرمد ..

احمد: ورد الوالد يريدج تدخلين يمة

ورد: «بصدمة » اني

عبدالرحمن: ادخلي

ورد: عبد خايفة

عبدالرحمن: ادخلي واني وياج

دخلت ورد للغرفة جان ابوهة نايم ومغمض عيونة تقربت ورد منة وضلت تباوع علية بخوف فتح عيونة ..

ابو احمد: بنتي

ورد: بـ بـ بابا

ابو احمد: بنتي اني اسفة وبريلي الذمة ماريد اموت وانتي بعدج حاقدة علية وتكرهيني ادري اني جنت غلطان بتصرفي وياج والله جازاني بفعلتي واريدج تسامحيني حتى اموت واني مرتاح ..

ورد: بابا مسامحتك

ابو احمد: الله يحفظج ويخليج بنيتي .........

ورد: بابا؟ بابا! اكعد بابا اكعد

عبدالرحمن: عمي عمي؟!!

طلع عبدالرحمن يركض يصيح الدكتور ..

*****

الدكتور: البقية بحياتكم المريض سلمكم عمرة البقية بحياتكم ..

*تعالت اصوات البكاء لتطرب مسامع الجميع فكم من نفسن اصبحت حزينة في هذا الوقت ارواح قد ذهبت عند ربها لتجازى على اعمالها تاركة ورائها الحزن الشديد في نفوس من تعزها و تحبها اللهم ارحم جميع الاموات *

خلص البارت ..

انتضروا البارت القادم بأحداث شيقة وجميلة انتظروني ..

ادري البارت مو هلكد بس اعذروني مريضة و تعبانة بس لان وعدتكم انزل يوم الخميس ضغطت على روحي وكتبت لخاطركم اتمنى يعجبكم ..