زَوّجٍّتُّي اٍّلَّغٌّريبّْة

الحلقة 18

ورد: صارت الايام عندي مثل الحلم اخيرا صرت احس بالحنان بحنان عبدالرحمن و اهلة حسيت نفسي منهم وبيهم صارت الابتسامة متفارق وجهي حسيت نفسي اسعد انسان على وجه الارض اخيرا لكيت السعادة بحياتي التعيسة صرت انام واكعد بحظن عبدالرحمن واصبح بوجهة وجمانة الي صارة الي مثل تؤمي و خديجة اختي الي تنصحني وام عبد الي تحسبني مثل جمانة وتتخبل علية حتى بعض الاحيان جمانة تغار تكلهة تحبين جنتج اكثر مني ههههه احب طفولة جمانة ..

جمانة: لج ورررررررد يلة راح يبدي الفلم

ورد: اي اي جيت انتضري شوية

خديجة: لج ورد ركضي بدة

جتي ورد تركض من المطبخ وبيده الفوشار وكعدت بالوسط بين جمانة و خديجة وصارن ياكلن بالفوشار ويباوعن على التلفزيون جان طالع فلم تايتنك « العشق 😍» مر الوقت وهنة يباوعن علية الى ان وصل لنهايتة حيث السفينة جانت دتغرق و بعدين وكعوا بالمي دخلت ام عبد ولكتهن كلش مندمجات بالفلم وديبجن ..

ام عبد: خايبة هاي شبيجن؟

جمانة: « ببكاء » ماما خطية راح يموت

ام عبد: ان مات وان ممات شراح تحطن بجيوبجن يلة كومن سون غدة لان ارجالجن راح يجون مابقة شي

خديجة: يمة بس خلي يخلص ومن عيوني شتردين اسويلج

ام عبد: چا لما يخلص نفطس جوع اروح اني اسوي احسن

ورد: يمة اني راح اكوم اسوي غدة انتي رتاحي

ام عبد: لا يمة انتي كعدي هو انتي كاعدة من الفجر تشتغلين اكعدي رتاحي

ورد: لا يمة بعدين عيب علية اخليج اطبين المطبخ واني موجودة

ام عبد: «و هي تباوع على جمانة » كو ناس ما تاخذ منج شوية بس اكل ونوم

جمانة: 😒 ماما شنو هذة الحجي

ام عبد: جاذبة اني اشو حتى ملابسج نسوان خوانج يغسلنهن وخلفة حجارة ومادري بروحي

جمانة: « تتصنع البرائة » مامي حبيبتي اني بنتج الوحيدة غير دلليهة شلون تخليهة تشتغل هاا انتي تدرين شكد احبج شعندي غيرح «وراحت وحظنت امهة وصارت تبوس بيه »

ام عبد: محد خربني غير هاي لواكتج

ورد و خديجة: هههههههههههه بعد جمانة محد يكدرلهة

جمانة: انتن اسكتن خلني محترمتجن 😒

ورد: يلة اني اروح اسوي غدة چااو

راحت ورد للمطبخ وسوت بامية على لحم و ياهة تمن و شغلات غيرهة مثل زلاطة هيج يعني ..

جمانة: الله شنو هل ريحة الطيبة

ورد: هههههه هلا ام بطن

جمانة: ليش شعندي اني غير بطني «راحت وفتحت الجدرية و اخذت خاشوكة حتى تضوك المرگة » الله عاشت ايدج شكد نفسج طيب على الاكل